نئی دہلی،  20 /دسمبر 2020  ۔   اسپورٹس کی وزارت نے چار دیسی کھیلوں کو کھیلو انڈیا یوتھ گیمس 2021 میں شا مل کرنے کی منظوری دے دی ہے۔اس کاانعقاد ہریانہ میں ہوگا۔ان کھیلوں میں گٹکا، کلاری پیاٹو، تھنگ- ٹا اور ملا کھمبا شامل ہیں۔

اس فیصلے کے تعلق سے اظہار خیال کرتے ہوئے نوجوانوں کے امور اور اسپورٹس کے مرکزی وزیر جناب کرن رجیجو نے کہا کہ ہندوستان کے  پاس دیسی کھیلوں کا زبردست سرمایہ ہے اور اسپورٹس کی وزارت انہیں تحفظ فراہم کرنے، فروغ دینے اور مقبول بنانے کو ترجیح دیتی ہیں۔ یہ کھیل زبردست طور پر مقبول ہے اور ملک بھر میں اسٹار اسپورٹس کے ذریعہ انہیں ٹیلی کاسٹ کیاجاتا ہے۔ اس لئے مجھے یقین ہے کہ 2021 کے کھیلوں انڈیا یوتھ گیمس میں ان چاروں کھیلوں  بشمول یوگ آسن کو ملک کے نوجوانوں اور اسپورٹس کے دیوانوں کی  طرف سے اسی قدر زیادہ توجہ ملے گی جتنی توجہ کہ یہ کھیل مستحق ہے۔ آنے والے برسوں میں کھیلوں گیمس میں ہم مزید دیسی کھیلوں کو شامل کرنے کے حامل ہوں گے۔

یہ چاروں منتخب کھیل ملک کے مختلف حصوں کی نمائندگی کرتے ہیں۔ کلاری پیا ٹو اصلاً کیرالہ میں کھیلا جاتا ہے اور اس کے کھلاڑی دنیا بھر میں پائے جاتے ہیں۔ بالی ووڈ اداکار وید یوت جموّل انہی میں سے ایک ہے۔ملا کھمبا پورے ہندوستان میں اپنی پہچان رکھتا ہے اور مدھیہ پردیش اور مہاراشٹر اس کھیل کے اصل مقام ہیں۔ گٹکا کا اصلاً تعلق پنجاب سے ہے  اور یہ  نہنگ سکھ جنگ بازوں کے دفاعی انداز کی لڑائی کے علاوہ اسپورٹس کا بھی حصہ ہے۔ تھنگ – ٹا منی پوری مارشل آرٹ ہے۔ حالیہ دہائیوں میں اسے فراموش کردیا گیا تھا۔لیکن کھیلوں انڈیا یوتھ گیمس 2021 کی بدولت اس کھیل کو پھر قومی سطح پر پہچانا جاسکے گا۔

 نیشنل گٹکا ایسوسی ایشن آف انڈیا کے صدر ہرجیت سنگھ گریوال نے کہا کہ ہمیں یہ جان کر خوشی ہوئی کہ اسپورٹس کی وزارت قدیم ہندوستانی مارشل آرٹ گٹکا کو کھیلوں انڈیا یوتھ گیمس میں شامل کیا ہے۔ ہمیں یقین ہے کھیلوں انڈیا کی اس کوشش سے ایک فراموش کردیئے جانے والے ہندوستانی روایتی مارشل آرٹ کے احیاء اور فروغ میں یقیناً مدد ملے گی۔ اس آرٹ کی تاریخی اہمیت ہے۔ مزید یہ کہ اس سے نیشنل گٹکا ایسوسی ایشن آف انڈیا کی طرف سے ملک اور بیرون ملک اس کھیل کے تعلق سے مزید بیداری پیدا کرنے کی کوششوں کو فروغ حاصل ہوگا۔

 تھنگ – ٹا فیڈریشن   نے  اس بات کی بھی تصدیق کی کہ یہ مقابلہ  بڑے پیمانے پر اسپورٹس  کو مقبول بنائے گا۔تھنگ – ٹا فیڈریشن آف انڈیا کے سکریٹری ونود شرما نے کہا کہ مختلف ریاستوں کے 400 سے زیادہ ایتھلیٹس اس مقابلے میں حصہ لیں گے۔ہم  چاہتے ہیں کہ ہم مقابلے میں انتہائی کامیاب رہیں۔ اس سے قومی اور بین الاقوامی سطح پر ہمیں زیادہ سے زیادہ مقبول ہونے میں مدد ملے گی۔

******

م ن۔  ع س۔ ر ض

U-NO.8267