তার্গেত ওলেম্পিক পোদিয়ম স্কিমগী মরুওইবা শান্নরোয়শিংগী কাংলুপতা য়াওরিবা ২০১৯ ৱার্ল্দ চেম্পিয়ন অমসুং ২০১৬ ওলেম্পিক সিলভর মেদল ফংলবী পি.ভি সিন্ধু জনুৱারি ২০২১দগী তুর্নামেন্ত অহুম শরুক য়াদুনা অমুক হন্না চাংদম্নবা শরুক য়ারগনি। তুর্নামেন্ত অহুম হায়বদি য়োনেক্স থাইলেন্দ ওপন(জনুৱারি ১২-১৭), তোয়োতা থাইলেন্দ ওপন(জনুৱারি ১৯-২৪) অমসুং ক্বালিফাই ওইবগী মতুংইন্না শরুক য়াগদবা বেঙ্গোক্তা পাংথোক্কদবা ৱার্ল্দ তুর ফাইনেল(জনুৱারি ২৭-৩১)দা মহাক্কী ফিজিও অমসুং ফিতনেস ত্রেন্নরগা লোয়ন্না চৎমিন্ননবা মহাক্না হায়জরকখিবা অদু সরকারনা অয়াবা পীরে। হায়রিবা তুর্নামেন্ত অহুম অসিদা মহাক্কী ফিজিও অমসুং ফিতনেস ত্রেন্নরগী থবকশিংগী চাউরাক্না লুপা লাখ ৮.২৫ কাইথোক্লে।

কোরোনাভাইরস লাইচৎনা মরম ওইদুনা শান্ন-খোৎনবা লেপত্রিঙৈ মমাঙদা মহাক্না মার্চ ২০২০দা ওল ইংলেন্দ চেম্পিয়নসিপ শান্নখি।

*****