ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଏବଂ ଭିଏତନାମ ପ୍ରଧାନମନ୍ତ୍ରୀ ନୁୟେନ ସୁଆନ ଫୁକଙ୍କ ମଧ୍ୟରେ ଭର୍ଚୁଆଲ ସମ୍ମିଳନୀ

Posted On: 18 DEC 2020 10:17PM by PIB Bhubaneshwar

ଡିସେମ୍ବର 21, 2020ରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଭିଏତନାମ ପ୍ରଧାନମନ୍ତ୍ରୀ ମହାମହିମ ମିଷ୍ଟର ନୁୟେନ ସୁଆନ ଫୁକଙ୍କ ସହ ଭର୍ଚୁଆଲ ସମ୍ମିଳନୀ କରିବେ ।
ଏହି ସମ୍ମିଳନୀରେ ଦୁଇ ନେତା ଦ୍ଵିପାକ୍ଷିକ, ଆଞ୍ଚଳିକ ଏବଂ ବିଶ୍ଵସ୍ତରୀୟ ପ୍ରସଙ୍ଗରେ ମତ ବିନିମୟ କରିବେ । ଭାରତ-ଭିଏତନାମ ରଣନୈତିକ ଭାଗିଦାରୀକୁ ଆହୁରି ସୁଦୃଢ଼ କରିବା ପାଇଁ ମଧ୍ୟ ବିଚାର ବିମର୍ଷ ହେବ ।
2020ରେ, ଉଭୟ ଦେଶ ଉଚ୍ଚ ସ୍ତରୀୟ ମତ ବିନିମୟ ଜାରି ରଖିଥିଲେ । ଭିଏତନାମର ଉପ-ରାଷ୍ଟ୍ରପତି ମହାମହିମ ଶ୍ରୀମତୀ ଡାଙ୍ଗ ଥି ଏନଗୋକ ଥିନ ଫେବୃଆରୀ 2020ରେ ଏକ ସରକାରୀ ଗସ୍ତରେ ଭାରତ ଆସିଥିଲେ । କୋଭିଡ-19 ମହାମାରୀ ଯୋଗୁଁ ଉପୁଜିଥିବା ପରିସ୍ଥିତି ନେଇ ଉଭୟ ପ୍ରଧାନମନ୍ତ୍ରୀ 13 ଏପ୍ରିଲ 2020ରେ ଟେଲିଫୋନ ଯୋଗେ ବାର୍ତ୍ତାଳାପ କରିଥିଲେ । ଦୁଇ ବୈଦେଶିକ ମନ୍ତ୍ରୀଙ୍କ ମିଳିତ ବୈଠକର 17ତମ ସଂସ୍କରଣ (ଭର୍ଚୁଆଲ) 25 ଅଗଷ୍ଟ 2020ରେ ଅନୁଷ୍ଠିତ ହୋଇଥିଲା । ପ୍ରତିରକ୍ଷା ମନ୍ତ୍ରୀ 27 ନଭେମ୍ବର 2020ରେ ତାଙ୍କ ପ୍ରତିପକ୍ଷଙ୍କ ସହ ଏକ ଅନଲାଇନ ବୈଠକ ମଧ୍ୟ କରିଥିଲେ ।

**********



(Release ID: 1681896) Visitor Counter : 129


Read this release in: English , Urdu , Marathi , Hindi , Manipuri , Bengali , Assamese , Punjabi , Gujarati , Tamil , Telugu , Kannada , Malayalam