লৈবাক অসিগী মীয়াম মিলিয়ন কয়াদা ফুদ অমসুং ন্যুত্রিস্নেল সেক্যুরিতী ফংহন্দুনা অমসুং লৌমীশিংদা শেল নিংথীজনা মতিক চানা ফংহন্দুনা এগ্রিকল্চর ক্লাইমেত অসি রিসাইলেন্ত, প্রোফিতেবল অমসুং সস্তেনেবল ওইহন্ননবগীদমক ঙসি ভারকী উপ-রাস্ত্রপতি শ্রী এম.ভেনকাইহ নাইদুনা ফোংদোকখ্রে৷

তামিল নাদু এগ্রিকল্চর য়ুনিভর্সিতীগী (তি.এন.এ.য়ু.) ৪১শুবা কনবোকেসন অসিদা ৱা ঙাংলদুনা তোঙান তোঙানবা ফিভমশিং খুদম ওইনা ইকং থোকপা, ইশিং-ইচাউ, মৈশা, সেলাইনিতী, ইন্সেক্ত-পেস্তশিং অমসুং লাইনাশিং অসি লান্থেংনবা ঙম্বা ক্লাইমেত রিসাইলেন্ত ওইবা ক্রোপশিং/ভেরাইতীশিং শেমগৎনবগী তঙাই ফদবা অদু মহাক্না ফোংদোকখ্রে৷ ক্লাইমেত এদাপ্তেসন স্ত্রাতিজীশিংগা লোইননা স্ত্রেস-রেজিস্তেন্ত ওইবা ভেরাইতীশিং থাবা অসিনা ইন্দিয়ন এগ্রিকল্চরগী পোত্থোক অসি অমুক হন্না হেঙ্গৎহনবদা অমসুং সস্তেনেবল ওইহনবদা য়াম্না মরু ওই হায়না মহাক্না ফোংদোকখ্রে৷

লাক্কদৌরিবা চহী খুজিংশিং অসিদা লৌউ-শিংউবদা লাক্কদৌরিবা ক্লাইমেত চেঞ্জকী নেগেতিব ইমপেক্ত অদুগী মতাংদা চেকশিনবা ওইনা স্মোল অমসুং মার্জিনেল ফার্মরশিংনা থেংনবা য়াবা খুদোংথিবা অদু হন্থবা ঙম্বা তেক্নোলোজী অমসুং মেথর্দশিং শেমগৎননবগীদমক শ্রী নাইদুনা হায়খ্রে৷

ইশিংগী তেবল হন্থরকপনা অমসুং পোলুতেদ ওইরবা ইরিগেসন সোর্সশিং শিজিন্নবা হেঙ্গৎলকপা অসিনা মরম ওইদুনা থেংনরিবা চেলেঞ্জশিং অসিগী মতাংদা ৱা ঙাংলদুনা ক্লাইমেত-রিসাইলেন্ত, দ্রাউত-তোলিরেন্ত জিনোতাইপস অমসুং ইশিং মাংহন্দবা ঙম্বা তেক্নোলোজীশিং শেমগৎনবগী তঙাই ফদবা অদু মহাক্না পুথোকখ্রে৷

লৌউ-শিংউবা অসিনা খুঙ্গংগী শেল-থুমগী য়াংলেন শারু ওইরিবা অসিগী মতাংদা ৱা ঙাংলদুনা লৌউ-শিংউবা অসি ঐখোয়গী কল্চর অমসুং সিভিলাইজেসনগী মতম পুম্বদা তৎনা থানবা য়াদ্রবা শরুক অমা ওইরি হায়না শ্রী নাইদুনা ফোংদোকখ্রে৷ “ঐখোয়গী লৈবাক্কী মীয়ামগী চাদা ৫০ হেন্না হৌজিক ফাওবদা হিংনবগীদমক লৌউ-শিংউবদা মখা পোন্দুনা লৈরি”, হায়না মহাক্না ফোংদোকখ্রে৷

“লৌমীশিংগী ইনকম হেনগৎন্নবা ঐখোয়না পোত্থোক হেঙ্গৎনবা, রিসোর্চ নিংথীজনা শিজিন্ননবা, ক্রোপিং ইন্তেন্সিতী হেঙ্গৎনবা অমসুং মমল ৱাংবা মহৈ-মরোংশিং পাক শন্না থানবা শুংশোই শোইদনা হোৎনগদবনি” হায়না উপ-রাস্ত্রপতি অসিনা ফোংদোকখ্রে৷ লৌমীশিংনা শেল-থুম মরাং কাইনা ফংজনবা স্তেকহোল্দর পুম্নমক্না তৌবা য়াবা ইফর্ত পুম্নমক হোৎনগদবনি হায়না মহাক্না ফোংদোকখ্রে৷ লৌউ-শিংউগী পোত্থোকশিং অসি নিংথীজনা থম্বা অমসুং প্রোসেস তৌবা, ফার্ম ইনপ্যুতশিং শিজিন্নবা, পোত্থোকশিং য়োনবদা ফাইনান্সিং অমসুং ইফিসিয়েন্ত মার্কেতিং মেকানিজমশিং শিজিন্নরবা মতম খক্তদা হায়রিবা অসি পাংথোকপা ঙমগনি হায়না মহাক্না ফোংদোকখি৷

লাইনা-লাইচৎ অসিগী মনুংদা লৌমীশিংনা অখাং কনবা থৌনাগা লোইননা হোৎনরিবা অমসুং কৎথোক্লিবা অসি থাগৎলদুনা লৌউ-শিংউবা অসি হৌজিক চৎথরিবা লাইনা-লাইচৎ অসিনা থেংনহল্লিবা চেলেঞ্জশিং অসিগী মাইয়োক্তা নিংথীজনা পাংথোক্লিবা সেক্তর অমনি হায়না শ্রী নাইদুনা ফোংদোকখ্রে৷ তশেংবদি খরিফ কল্তিবেসনগী মখাদা লৈরিবা মফম অসি মমাং চহীগা য়েংনবা মতমদা চাউরাক্না হেক্তর লাখ ৫৯রোমগী চাংদা হেনগৎখ্রে হায়না মহাক্না ফোংদোকখি অমসুং লোকদাউন অসিগী মনুংদা সরকার অসিনা ইনপ্যুতশিং খুদম ওইনা মরুশিং, হারশিং অমসুং ক্রেদিৎকী খুদোংচাবা ফংহন্দুনা হেন্না পাকথোক চাউথোক্নবা হোৎনখ্রে৷

মমাংগী চহী খরা অসিদা লৌউ-শিংউবগী থবক অসি হেন্না ফগৎনবা ভারত সরকার অসিনা খোঙথাং কয়ামরোম লৌখৎখিবা অদু উরদুনা লোউ-শিংউবা অসিদা চাউনা অহোংবা কয়ামরোম লাক্লে অমসুং লৌমীশিং অসিগী ইনকম হেনগৎহনবদা মীৎয়েং থম্লি হায়না শ্রী নাইদুনা ফোংদোকখ্রে৷ প্রধান মন্ত্রী কিসান সম্মন নিধি(পি.এম.-কিসান) চৎনখিবা অসি পল্লদুনা মসি য়াম্না ফবা অমসুং ভারতকী লৌমী মশিংগী চাদা ৭২ হেন্না কান্নবা ফংহল্লগনি হায়না মহাক্না ফোংদোকখ্রে৷

হৌজিক থোক্লক্লিবা তেক্নোলোজীশিং খুদম ওইনা সি.আর.আই.এস.পি.আর. জিন ইদিতিং তুলগী কান্নবশিং অদু পল্লদুনা  উপ-রাস্ত্রপতি অসিনা অসুম্না ফোংদোকখ্রে মদুদি মখোয়শিং অসিনা পাম্বীশিং অসিবু বাইওতিক অমসুং এবাইওতিক স্ত্রেসশিং চংহন্দবা এগ্রিকল্চর অসি শেমদোকপা ঙম্বগী পোতেন্সিয়েল অদু লৈ অমসুং মখোয়গী ন্যুত্রিস্নেল ভেল্যু অমসুং পোত্থোক অদু হেনগৎহনবা ঙমগনি৷ তানুবু মোদর্ন তেক্নোলোজীশিং শিজিন্নখিবা অসিগীদমক থাগৎলদুনা রিসর্চ অসি তোঙান তোঙানবা মফমশিংদা হেন্না পাকথোক চাউথোকহনবা মহাক্না পাম্মী৷

এগ্রিকল্চর মোদর্নাইজেসন অমসুং কম্মর্সিয়েলাইজেসনগীদমক এগ্রিকল্চরেল মেকানিজমশিং মরু ওইবা অসি উরদুনা তঙাই ফদবা দরকার ওইরিবা মেছিনরী শেমগৎনবা উপ-রাস্ত্রপতি অসিনা হায়খ্রে৷ “হেন্না ফরবা খুৎশু-খুৎলাইশিং শিজিনবা অসিনা পোত্থোক্কী চাং চাদা ৩০ য়ৌনা হেন্না পুথোকপা ঙমগনি অমসুং লৌ উবদা চংবা শেল অদুগী চাদা ২০ য়ৌনা হন্থহনবা ঙমগনি”, হায়না মহাক্না ফোংদোকখি৷

শকনাইরবা মীওইশিং অসিগী মনুংদা তামিল নাদুগী রাজ্যপাল শ্রী বনৱারি লাল পুরোহিত, হাইয়র এদজুকেসন অমসুং লৌউ-শিংউবগী তামিল নাদুগী মন্ত্রী শ্রী কে.পি. অনবলাগন অমসুং তি.এন.এ.য়ু.গী ভাইজ চান্সেলর প্রোফেসর এন. কুমারনা থৌরম অসিদা শরুক য়াখি৷

মখাগী অসি ৱারোল অদুগী মপুং ওইবা তেক্সনি-

“এগ্রিকল্চরেল রিসর্চ অমসুং এদজুকেসনদা য়াম্না চাউবা থৌদাং লৌবগীদমক ময়াম্না মশক নিংথীনা খঙনরবা মসিগী এগ্রিকল্চরেল য়ুনিভর্সিতী অসিগী ৪১শুবা কনবোকেসন অসিদা শরুক য়াবা ফংজবা অসিনা ঐবু অসুক্কী মতিক নুংঙাইবা ফাওহল্লি৷ কা অমা হেন্না ফরবা মসিগী ইন্সতিত্যুসন অসিদগী তোঙান তোঙানবা দিগ্রীশিং, এৱার্দশিং অমসুং দিস্তিঙ্কসনশিং ফংলিবা গ্রেজুয়েতিং মহৈরোই পুম্নমকপু ঐনা থাগৎপা ফোংদোকচরি৷

মহৈরোইশিং অসিবু তাকপি তম্বিরিবা অমসুং ক্বালিতী এদজুকেসন ফংহন্নবা হেন্না পুক্নিং চংবিরিবা অমসুং মখোয়শিং অসিদা অচুম্বা লম্বী অমসুং ভেল্যুশিং তাকপিরিবা ওজা পুম্নমক অমসুং মমা-মপাশিংবু ঐনা থাগৎপা ফোংদোকচরি!

লৌউ-শিংউবা অসি ঐখোয়গী ইকোনোমীগী মতম পুম্নমক্তা তৎনা থানাবা য়াদ্রবা য়াম্না মরু ওইবা শরুক অমা ওইবতা নত্তনা ঐখোয়গী কল্চর অমসুং সিভিলাইজেসন অসিগী য়াম্না মরু ওইবা শরুক অমসু ওইরি৷ মরম অদুনা নুংশিরবা মরুপশিং মসিনা য়ম্না মরু ওইবা খক্তা নত্তনা সেক্রোসেঙ্ক ওইবা শিনফম অমা ওইনা নখোয়না খল্লে৷ তশেংবদি লৌউ-শিংউবা অসি ঐগী থমোইগা য়াম্না নক্নবা মরী লৈনৈ৷

হৌজিক ফাওবদা ঐখোয়গী মীয়ামশিংগী চাদা ৫০ হেন্না হিংননবগীদমক লৌউ-শিংউবদা মখা পোন্দুনা লৈরি, মসিগী সেক্তর অসিনা ঐখোয়গী খুঙ্গংগী শেল-থুমগী য়াংলেন শারু ওইরি৷ মরম অদুনা লৈবাক অসিগী মীয়ম মিলিয়ন কয়ামরোমদা ফুদ অমসুং ন্যুত্রিস্নেল সেক্যুরিতী ফংহন্দুনা রিসাইলেন্ত, প্রোফিতেবল অমসুং প্রদক্তিব ওইবা এগ্রিকল্চর ক্লাইমেত ওইহন্নবগী খ্বাইদগী মতিক চারবা মতম ওইরে৷

ঐগী নুংশিরবা মহৈরোইশিং,

ঐখোয় হৌজিক ঐখোয়গী থবক খুদিংমক্তা, ভারততা অমসুং মালেম অসিদা য়াম্না শাথিবা মওং অমদা অকাইবা পিরিবা লাইন-লাইচৎ অসি থেংনদুনা লৈরি৷ হন্দক্কী চহী অসিদা ভারতকী ইকোনোমী অসি হন্থরকপা তারবসু লাক্কদৌরিবা মথংগী চহী ২০২১ অসিদদি অমুক হন্না ফগৎলকপা ঙমগনি অমসুং খ্বাইদগী থুনা নৌনা চাউখৎলক্লিবা ইকোনোমীগী মফম অদু অমুক হন্না কনবা ঙমগনি হায়না ঐনা চাউখোক্না হায়রি৷

মসিগী লাইনা-লাইচৎ অসিগী মতম অসিদা অতোপ্পা সেক্তর পুম্নমক পিকশল্লবসু লৌউ-শিংউবা অসিদি নিংথীনা পাংথোকখ্রে অমসুং ইকোনোমী অসিদা য়াম্না মরু ওইবা সপোর্ত পীরকখ্রে৷ তশেংবদি খরিপ ক্রোপশিংগী মখাদা লৈরিবা মফম অদু কোবিদ-১৯গী শাফু ফংদে৷ খারিপ ক্রোপশিং কল্তিবেসন তৌরিবা মফম অসি মমাংগী চহীগা য়েংনবদা চাউরাক্না হেক্তর লাখ ৫৯ হেন্না হেনগৎখ্রে হায়না রিপোর্ত তৌরকখ্রে৷ লোকদাউন অসিগী মনুংদা মতম চানা সরকার অসিনা ইনপ্যুতশিং খুদম ওইনা মরুশিং, হারশিং অমসুং ক্রেদিৎকী খুদোংচাবা ফংহনখিবা অসিনা কা হেন্না পাক চাউনা পুথোকপা অসি ঙম্লিবনি৷

কোবিদ-১৯ ক্রাইসিস অসি লৈনা লৈনা ২০১৯-২০গী মতম অসিদা মহৈ-মরোং পুথোকপগী চাং মিলিয়ন তন ১৪৩.৩৮ পুথোকখিবা অসিগা চাংদম্নবা মতমদা ২০২০-২১ খরিফ সিজন অসিদা মহৈ-মরোংশিং রেকোর্দ ওইনা মিলিয়ন তন ১৪৪.৫২ পুথোকপা ঙমখ্রে৷ অসিগুম্না খ্বাইদগী হেন্না লুরবা মতম অসিদা লৌমীশিংনা থৱাই হকচাং য়াওনা হোৎনরিবা অমসুং কৎথোক্লিবা অসিগীদমক লৌমীশিংবু ঐনা ইকাই খুম্নবা উৎচরি৷

নুংশিরবা ইচলশিং অমসুং ইনাওশিং,

মীশিং হেনগৎলকপা, ফার্ম তৌবা মফম পিকশিল্লকপা, লম মাংহল্লকপা, আর্বানাইজেসন হেন্না পাকথোক চাওথোকহল্লকপা, চাবগী মওংদা অহোংবা লাকপা, ক্লাইমেতকী অহোংবা লাকপা, নোংদা মখা পোল্লকপা, মার্কেৎ লিঙ্কেজ ৱাৎলকপা অমসুং সপ্লাই চেনশিং ৱাৎলকপা অসিগা লোইননা তোঙান তোঙানবা অহোংবশিং অসি য়েংলগা হৌজিক এগ্রিকল্চর সেক্তরগী চাওখৎলক্লিবা খোংচৎ অসি য়েংশিনগদবনি৷

ইশিং ফংবগী চাং হন্থরকপা অমসুং লেপ্পা লৈতনা ইরিগেসনগী সোর্সশিং মোৎশিল্লকপা অসিনা ইশিং তাংনা ফংজবা তামিল নাদুগুম্বা রাজ্যদা লৌউ-শিংউবগী পোত্থোক পুথোকপদা অচৌবা চেলে়ঞ্জ অমা ওইরি৷ মসিনা ইকং থোকহন্দনবা জিনোতাইপশিং অমসুং ইশিং খা হেন্না মাংহন্দনা থম্নবা তেক্নোলোজীশিং শেমগৎপা তঙাই ফদে৷

তামিল নাদু য়ুনিভর্সিতীনা বাইওতিক অমসুং এবাইওতিক স্ত্রেস রেজিস্তেন্সকীদমক ত্রেদিস্নেল অমসুং বাইওতেক্নোলোজিকেল তুলশিং শিজিন্নদুনা ই়ঞ্জিনিয়র্দ জিনোতাইপশিং শেমগৎপদা মার্ক অমা থম্বা ঙমখ্রে হায়বা অসি ঐ খঙই৷ হায়রিবা হিরম অসিদা নখোয়না মখাতানা রিসর্চ পাংথোকপা ঐনা পাম্মী৷ রেজিস্তেন্ত কেপাসিতীশিং য়াওরবা ক্রোপ মখল অমনা থেংনরিবা ক্লাইমেতিক প্রোব্লেমশিং অসি লান্থেংনবা ঙমগনি৷

হায়রিবা হিরম অসি য়েংলগা ঐহাক্না ২০২০গী নবেম্বর তাং ১১দা তামিল নাদু রাজ্য অসিদা জল শক্তি মন্ত্রালয়দগী ২০১৯ চহীগী ওইনা ‘ইশিং খ্বাইদগী হৈনা শিজিন্নবা হৈবা রাজ্য’গী মনা ঐনা পীখিবা অসি করিসু ঙকনিংঙাই ওইদে৷ হৌখিবা চহীশিং অসিদা লোউ-শিংউবা অমসুং এলাইদ এক্তিবিতীশিং অসিদা তামিল নাদু রাজ্যগী পর্ফোমেন্স অসি পোত্থোক পুথোকপদা খক্তা নত্তনা অনৌবা হাই য়িল্দিং ভেরাইতীশিং শিজিন্নবা অসিনা পোত্থোক কা হেন্না পুথোকপা ঙম্লিবা অসি ফিদম্নিঙাই ওই৷

নুংশিরবা মহৈরোইশিং,

লাক্কদৌরিবা চহী খুজিং খরা অসিদা ক্লাইমেত চেঞ্জকী হকথেংননা পীবা শাফু অদু লৌউ-শিংউবা অমসুং ফুদ সিস্তেমশিং অসিনা ওইরগনি৷ মসিনা মরম ওইদুনা তোঙান তোঙানবা ফিভমশিং খুদম ওইনা ইকং থোকপা, ইশিং ইচাউ, সবমর্জেন্স, মৈশা, অইংবা, সেলাইনিতী, ইন্সেক্ত পেস্তশিং অমসুং লাইনাশিং অসি লান্থেংনবা ঙম্বা ক্লাইমেত রিসাইলেন্ত ক্রোপশিং/ভেরাইতীশিং শেমগৎনবগী তঙাই ফদবা ফিভম অদু ওইরে৷

লাক্কদৌরিবা নুমিৎশিং অসিদা জিনোম ইদিতিং অমসুং সি.আর.আই.এস.পি.আর. অসি সাইন্স, ফুদ প্রদক্সন অমসুং সমাজ অসিদা শাফু পীবা ঙম্বা রিবোলুসনরী তুলশিং ওই৷ মসিগী তেক্নোলোজী অসিনা পাম্বীশিং অসিবু বাইওতিক অমসুং এবাইওতিক স্ত্রেসশিং লৈহন্দবা ঙম্বা অমসুং ন্যুত্রিস্নেল ভেল্যু অমসুং পোত্থোক হেন্না ফংহনবা ঙম্বা লৌউ-শিংউবা অসিবু শেমদোকপা ঙম্বা পোতেন্সিয়েল অদু লৈ৷

মহৈ-মরোংশিং হেন্না ফনবা মসিগী য়ুনিভর্সিতী অসিনা হায়রিবা তেক্নোলোজী অসি মাংজৌননা শিজিন্নখ্রে হায়বা পাউ অসি তাবদা ঐহাক অসুক্কী মতিক নুংঙাইবা ফাওই৷.

এগ্রিকল্চর মোদর্নাইজেসন অমসুং কম্মর্সিয়েলাইজেসনগীদমক এগ্রিকল্চরেল মেকানিজমশিং মরু ওই৷ হেন্না ফরবা খুৎশু-খুৎলাইশিং শিজিন্নবা অসিনা পোত্থোক্কী চাং চাদা ৩০ য়ৌনা হেন্না পুথোকপা ঙমগনি অমসুং লৌ উবদা চংবা শেল অদুগী চাদা ২০ য়ৌনা হন্থহনবা ঙমগনি৷ তঙাই ফদবা মেছিনরী শেমগৎপদা হেন্না মীৎয়েং চংবা তঙাই ফদে৷

ফৌশিং অসি থাবদা মেছিন শিজিন্ননবগীদমক তামিল নাদুনা পীরিবা মতেং অমসুং কস্তম হাইয়রিং সেন্তরশিং হেন্না প্রমোত তৌনবা হোৎনরিবা অসি তাবদা ঐহাক য়াম্না নুংঙাই৷ অসিগুম্বা মতম অসিদা তোঙান তোঙানবা ফিল্দ ওপরেসনশিং খুদম ইওনা মৈ থানবা, ফেন্সিং অমসুং পোত্থোকশিং য়াইথোকপদা সোলর পৱার শিজিন্নবা অসি মতম অসিদা য়াম্না তঙাই ফদনা মরু ওইরে হায়না ঐনা হায়না পাম্মী৷

নেনোতেক্নোলোজী অসি নৌনা থোক্লক্লিবা অনৌবা ফিল্দ অমনি৷ মসি লৌউ-শিংউবদা থেংনরিবা প্রোব্লেমশিং মাই পাক্না থেংনবদা মাই পাক্না শিজিন্নবা য়াগনি৷ তি.এন.এ.য়ু.না ২০১০গী মতমদা নেনোতেক্নোলোজী সেন্তর ফোর এগ্রিকল্চর রিসর্চ অমা শেমগৎতুনা হায়রিবা ফিল্দ অসিদা পাইয়োনিয়র অমা ওইরম্বা অসিগীদমক তি.এন.এ.য়ু.বু ঐনা থাগৎলি৷

নুংশিরবা ইচলশিং অমসুং ইনাওশিং,

মমাংগী চহী খরা অসিদা লৌউ-শিংউবগী থবক অসি হেন্না ফগৎনবা ভারত সরকার অসিনা খোঙথাং কয়ামরোম লৌখৎখ্রে৷ লোউ-শিংউবা অসিদা চাউনা অহোংবা কয়ামরোম লাক্লে অমসুং লৌমীশিং অসিগী ইনকম হেঙ্গৎহনবদা মীৎয়েং থম্লি৷ প্রধান মন্ত্রী কিসান সম্মন নিধি(পি.এম.-কিসান) চৎনখিবদগী ভারতকী লৌমী মশিংগী চাদা ৭২ হেন্না কান্নবা ফংহল্লগনি৷ তোঙান তোঙানবা স্কিমশিংনা ফংহল্লিবা সবসিদীশিং অসিগা লোইননা ফংহল্লিবা মসিগী ইনকম অসিনা লৌমীশিংগী শেল-থুমগী মতাংদা চাউনা কান্নবা কয়ামরোম ফংহল্লগনি৷

লৌমীশিংগী ইনকম হেনগৎননবা ঐখোয়না পোত্থোক হেনগৎনবা, রিসোর্চ নিংথীজনা শিজিন্ননবা, ক্রোপিং ইন্তেন্সিতী হেঙ্গৎনবা অমসুং মমল ৱাংবা মহৈ-মরোংশিং পাক শন্না থানবা শুংশোই শোইদনা হোৎনগদবনি৷ মহৈ-মরোংশিং নিংথীজনা থমদুনা অমসুং প্রোসেস তৌদুনা অমসুং ফার্ম ইনপ্যুতশিং, ফাইনান্সিং অমসুং পোত্থোকশিং য়োনবগী মার্কেৎ মেকানিজমশিং মতিক চানা লৈহন্দুনা লৌমীশিংদা শেল মতিক চানা ফংহন্নবা ইফর্ত পুম্নমক পুথোক্তুনা হোৎনগদবনি৷ অসিদসু নত্তনা অকোইবগী ফিভম অসিবু ঙাক শেনবা অমসুং তুংদা লাক্কদৌরিবা মীরোলদা হেন্না উবা অমসুং হেন্না শংবা গ্রহ অমা ওইনা খুৎশিন্নরম্বা অসি ঐখোয়গী ইথৌনি৷

মমিং লৈরবা এগ্রিকল্চরেল য়ুনিভর্সিতী অসিগী গ্রেজুয়েতশিং ওইবনা মরম ওইদুনা নখোয় পুম্নমক্না লৌউ-শিংউ অসি তেক্নোলোজী শিজিন্নদুনা চাওখৎহনবদা, লৌমীশিংনা মখোয়গী ইনকম অদু হেন্না ফংহন্নবা অমসুং ঐখোয়গী লৈবাক অসিগী মীওই মিলিয়ন কয়াদা ফুদ অমসুং ন্যুত্রিস্নেল সেক্যুরিতী লৈহন্নবা ঐনা নখোয়দা হায়রি৷ মখোয়গী রিসর্চ অদু সমাজ অসিদা শোইদনা মরী লৈনগনি অমসুং ক্লাইমেত চে়ঞ্জতগী হৌদুনা হেল্থ ইসুশিংদা মীওইবা জাতিনা থেংনরিবা তোঙান তোঙানবা প্রোব্লেমশিং অসিগী সোলুসনশিং পুথোকপদা মীৎয়েং চংনবা ঐনা হায়জরি৷

কোবিদ-১৯ অসিনা ঐখোয়গী থৌনা অমসুং তুংগী ওইবা ৱাখল্লোন অদুদা অথিংবা পীদনবা ঐখোয় পুম্নমক হোৎনমিন্নশি৷ নখোয় হেন্না চেলেঞ্জিং ওইবা ৱল্দ অসিদা গ্রেজুয়েত তৌরকপা অসিনা অহোংবশিং অসি থৌনা লৈনা থেংনগদবনি অমসুং মাংদা লৈরিবা খুদোংচাবশিং অসি লৌশিন্নগদবনি৷ নখোয়না ইন্নোভেসন, ত্রেতিবিতী অমসু্ং কমপেসনগা লোইননা হেন্না ফবা ৱল্দ অমা শেম্নবগী থৌদাং অদু নখোয়না লৌগদবনি৷

তামিল নাদু এগ্রিকল্চরেল য়ুনিভর্সিতী অসিনা চহী ১০০ হেন্না লৈরকপা মতম অসিদা মিংচৎ কয়ামরোম ফংবা ঙমখ্রে৷ য়ুনিভর্সিতী অসিনা মহাক্কী তৌবা ঙম্বা হৈ-শিংবা অসি অদুমক থম্বা ঙমগনি অমসুং লাক্কদৌরিবা চহীশিং অসিদা অহেনবা লেন্দমার্ক হেন্না হেন্না ফংবা ঙমগনি হায়বা অসি ঐগী থাজবনি৷ মখোয় পুম্নমক্তা ঐনা য়াইফ মঙ্গোল পীরি!

মরুপশিং লোইশিল্লমদাইগী মতম অসিদা ঐখোয়গী তুংদা লাক্কদৌরিবা মীরোলশিংনা হেন্না ফজবা, পোৎশিং মরাং কাইনা ফংবা, অশংবা অমসুং হিংবদা নুংঙাইবা গ্রহ অমা ওইহনবা ঙম্নবা লৈবাক অসিদা লৈরিবা নহাশিংনা তুংদা লাক্কদৌরিবা মীরোলশিংগী খনবা অসি ঐহাক্না পাম্মী৷

জই হিন্দ!”

*****