গ্লোবেল আউতরিচ হেন্না শন্দোক্নবা ভারতকী সোফত পৱারদা লৈরিবা পোতেন্সিয়েল অদু শিজিন্ননবা আর্তিসকী কম্ম্যুনিতীদা ঙসি ভারতকী উপ-রাস্ত্রপতি শ্রী এম ভেনকিয় নাইদুনা হায়জখ্রে৷ আর্তিসশিংনা ভর্চুয়েল মেদিয়মদা লৈরিবা খুদোংচাবশিং অদু এক্সপ্লোর তৌনবা অমসুং শিজিন্ননবা মহাক্না আর্তিসশিং অসিদা হায়খ্রে৷

হায়দরবাদতগী ভর্চুয়েল মোদতা ‘য়োর্স ত্রুলি মর্গজি’ ফেস্তিভেল অসি হৌদোক্লদুনা উপ-রাস্ত্রপতি অসিনা ভারততা লৈরিবা ইশৈ অমসুং জগোইগী মঙাল নাইরবা চৎনবি অদু পুথোক্তুনা হায়খ্রে অমসুং মখোয়শিং অসি হৌজিক্কী লুরবা মতম অসিদা অদুমক মাংহন্দনা থম্বগী মরু ওইবা অদু তাকখ্রে৷ ‘য়োর্স ত্রুলি মর্গজি’ অসি চেন্নাইগী ফ্রেম ত্রেদিসন ওইরিবা দিসেম্বরগী ইশৈ অমসুং জগোই অসি মাংহন্দনা থম্নবা ওনলাইন মেদিয়মদা পাংথোকপা ইনিসিয়েতিব অমনি৷

থৌরম অসিদা ৱা ঙাংলদুনা মালেমগী ৱাখল্লোন অসি চুমথোকপদা সোফত পৱারগী নেচর অদু উপ-রাস্ত্রপতিনা পনখ্রে৷ ঐখোয়গী ইশৈ অমসুং জগোই অসিগী মতেংদগী ভারতকী ফিলোসোফী ‘বাসুদাইভ কুতুম্বকাম’ অসিগা মরী লৈননা ঐখোয়না অহিংশা, শান্তি অমসুং মত তিন্নবা অসি মালেম শিনবা থুংনা শন্দোকপা ঙমগনি হায়না মহাক্না ফোংদোকখ্রে৷ মসিগী প্রোসেস অসিদা সরকার অসিগী অশোইবা অদু য়েংলদুনা প্রেক্তিস্নরশিং, পেত্রোনশিং অমসুং ওর্গনাইজরশিং অসিনা ভারতকী কল্চর, ৱাখল্লোন অমসুং হিংবগী লম্বী অদু উৎনবা উপ-রাস্ত্রপতি অসিনা হায়খ্রে৷

চেন্নাইগা মহাক্কা মতম কুইনা মরী লৈনদুনা লাক্লিবা অদু নিংশিংদুনা উপ-রাস্ত্রপতিনা চেন্নাইবু লৈবাক অসিগী কর্নাতিক ম্যুজিক কেপিতেলনি হায়না থাগৎখ্রে৷ শ্রী নাইদুনা চেন্নাইবু মহাক্কী লৈরিবা কল্চরেল অমসুং ত্রেদিস্নেল কেরেক্তর অদু কাইহন্দনা থম্লিবা মোদর্ন সিতী অমনি হায়না থাগৎলদুনা চেন্নাইগী অখন্নবা কেরেক্তিরিস্তিক অদু পুথোক্তুনা হায়খ্রে৷

লাইনা-লাইচৎ অসিগী মনুং অসিদা আর্তিস কম্ম্যুনিতী অসিনা অৱাবা কয়া অমা থেংনবা অদু শ্রী নাইদুনা উরে অমসুং ইন্নোভেতিব ভর্চুয়েল ইনিসিয়েতিবশিং খুদম ওইনা ‘য়োর্স ত্রুলি’ অসি শিজিন্নদুনা মখোয়না মালেম অসি শিনবা থুংনা অনৌবা ওদিয়েন্সশিং ফংবা ঙম্লগনি৷ ফ্যুচরদা রিয়েল অমসুং ভর্চুয়েল মেদিয়মশিং অসি পুন্না লৈমিন্নরবা য়াই অমসুং আর্তিসশিং অসিনা ভর্চুয়েল মেদিয়মগী পোতেন্সিয়েল অসি মপুং ফানা শিজিন্নগদবনি হায়না মহাক্না মখাতা্না ফোংদোকখি৷

মীয়ামগী পুক্নিং লৈতদবা অসি কোকহনবদা জগোই অমসুং ইশৈগী মরু ওইবা কান্নবা অদু পল্লদুনা মরু ওইনা কোবিদকী মতম অসিদা জগোই অমসুং ইশৈগী কান্নবা অদুগী মতাংদা ফোংদোকখ্রে৷ ঐখোয়গী পুন্সিদা ঐখোয়না থিরিবা বেলেন্স অসি ইন্দিয়ন ম্যুজিক অমসুং জগোই অসিনা খুদম ওইদুনা তাক্লে হায়না মহাক্না মখাতানা ফোংদোকখি৷

জগোই, দ্রমা অমসুং ইশৈগী ঐখোয়গী কল্চরেল ত্রেজর অসি মালেম অসিদা পীরিবা ভারতকী খ্বাইদগী চাওবা খুদোলনি অমসুং মখোয়শিং অসি য়োক্তুনা থম্নবা অমসুং শন্দোক্নবা ইফর্ত খুদিংমক শেমগদবনি হায়না উপ-রাস্ত্রপতিনা ফোংদোকখ্রে৷

ক্লাসিকেল আর্ত ফোর্মশিং অসি ঐখোয়গী অঙনবা মতমগী এদজুকেসন অসিগী তঙাই ফদবা শরুক অমা ওইখিবনো হায়বা অসিগী মতাংদা পল্লদুনা মসিগী ত্রেদিসন অসি অচৌবা মওং অমদা হিংহন্দুনা থমগদবনি হায়না শ্রী ভেনকিয় নাইদুনা হায়খ্রে৷ অনৌবা এদজুকেসন পোলিসী অসিনা হায়রিবা হিরম অসিদা প্রোগ্রেসিব ওইবা খোংথাং অমা ওই হায়না মহাক্না ফোংদোকখ্রে৷ ক্লাসিকেল আর্ত ফোর্মশিং অসি প্রেক্তিস তৌবা অসিনা থবক অমা তৌবদা হেন্না পুক্নিং চংহনবা, দিসিপ্লিন হেন্না লৈহনবা, কনফিদেন্স লৈহনবা অমসুং অঙাংদা তোঙান তোঙানবা মরমশিংদা প্রিজবিরেন্সকী কান্নবা অদু তাকপি তম্বিদুনা অঙাংশিংদা চাওনা কান্নহল্লি হায়না উপ- রাস্ত্রপতি অসিনা ফোংদোকখি৷

অরোইবদা ঙসিগী নহাশিং অসিনা তোঙান তোঙানবা কল্চরদা পাক চাওনা এক্সপোজ তৌবা অদু উপ-রাস্ত্রপতি অসিনা উবা ফংখি৷ অতোপ্পা লৈবাকশিংগী কল্চরগী ওইবা এৱার্নেস অদু পুক্নিং থৌগৎলদুনা মী অমনা মশাগী কল্চর, হেরিতেজ অমসুং ত্রেদিসনশিংদা লেংদনা লুপ্না লৈবা অসি য়াম্না মরু ওই হায়না শ্রী ভেনকিয় নাইদুনা ফোংদোকখ্রে৷

ময়াম্না নিংথিনা মশক খঙলবা ইন্দস্ত্রিয়েলিস্ত অমসুং ফিলানথ্রোপিস্ত শ্রী নাল্লি কুপ্পুস্বামী চেত্তী, ফেদেরেসন ওফ সিতী সভাস্কী প্রসিদেন্ত শ্রী কৃস্নমুর্থী, ফেদেরেসন ওফ সিতী সভাস্কী সেক্রেতরী শ্রী কে. হরিশঙ্কর, ফেদেরেসন ওফ সিতী সভাস্কী সেক্রেতরী শ্রী এস. রবিচন্দ্রন, ত্রেজরর শ্রী আর. সুন্দর অমসুং কলকেন্দ্র.কোমগী ফাউন্দর শ্রী কে.এস. সুধাকরনা ইভেন্ত ১০০দগী লাক্লিবা আর্তিস ৫০০না শরুক য়াদুনা পাংথোক্লিবা ভর্চুয়েল ইভেন্ত অসিদা শরুক য়াখিবা মমিং লৈারিবা মীওইশিংনি৷

মখাগী অসি ৱারোল অসিগী মপুং ওইবা তেক্সনি –

“সিতী সভাস অমসুং কলকেন্দ্রগী ফেদেরেসন্না শিন্দুনা পাংথোক্লিবা ‘য়োর্স ত্রুলি মর্ঘাজি’ ফেস্তিবেল অসি ঐহাক্না হৌদোকপা ফংবা অসি য়াম্না নুংঙাইবা ফাওই৷ কোবিদ-১৯ লাইনা-লাইচৎ অসিনা তোঙান তোঙানবা মরমশিংদা ঐখোয়গী পুন্সি মরেল অসি হোংহল্লে অমসুং তোঙান তোঙানবা থৌরমশিংদা মী য়াম্না পু্নবা অসিসু মপুং ফানা থিংজিল্লে৷ অসিগুম্বা মতম অসিদা ভর্চুয়েল মেদিয়মগী খুৎথাংদা পাংথোক্লিবা মসিগী ইনিসিয়েতিব অসি তশেংনা পুক্নিং থৌগৎনিংঙাই ওই৷

ঐহাক্না ভারতকী কর্নাতিক ম্যুজিক কেপিতেল ওইরিবা চেন্নাইগা মতম কুইনা মরী লৈনরকপা অসি নুংঙাইবা ফাওজৈ৷ চেন্নাই অসি অখন্নবা মেত্রোপোলিস অমনি—চেন্নাই অসি মোদর্ন সিতী অমা ওইরবসু মহাক্কী কল্চর অমসুং ত্রেদিসন কেরেক্তর অদু লেপ্পা লৈতনা ঙাক শেন্দুনা থম্লি৷ মসিনা মরম ওইদুনা চেন্নাই অসি ময়ামদগী স্পিসিয়েল ওইহল্লবনি৷ চেন্নাইবু য়ুনেস্কোনা ২০১৭তা মালেম অসিগী ‘ত্রেতিব সিতীস’কী লিস্তা মনুং চনহলখিবা অসি ঙকনিংঙাই করিসু ওইদে৷

চেন্নাইগী কল্চরেল লেন্দস্কেপ অসিগী ময়াইমক্তদা মর্গজি সিজনগী ইশৈ অমসুং জগোই ফেস্তিবেলশিং লৈ৷ মালেম অসিদা লৈরিবা ক্লাসিকেল ম্যুজিক আর্তিসশিংনা মখোয়গী হৈ-শিংবা অদু শহর অসিদা উৎথোক্নবগী তাঞ্জা অমা ফংবা মতম মর্গজি নত্রগা ধানুর-মাসাগী থাদা শহর অসি অমুক হিঙ্গৎলকই৷ দিসেম্বর থাগী ফেস্তিবেল অসি চেন্নাইগা তৎনা থানবা য়াদনা মরী লৈনখ্রে অমসুং মসিনা শহর অসিবু মালেম অসিদা লৈরিবা আর্তপু পামজবশিংগী পুক্নিং চিংশিল্লবিা পন্থুংফম অমা ওইহনখ্রে৷
নুংশিরবা ইচলশিং অমসুং ইনাওশিং,

ঐখোয়না লাইনা-লাইচৎ অসি হৌজিক্তি চহী অমা হেন্না থেংনদুনা লাক্লি৷ মসিনা ঐখোয়গী পুন্সি, ঐখোয়গী পুন্সি মরেল অমসুং ঐখোয়গী হিংবগী মওংদা শোকহল্লে৷ হিরম অসিদা লৈবাক অসি শিনবা থুংনা লৈরিবা আর্তিসশিং অসিসু ওদিতোরিয়মশিং থিংজিনখিবদগী অৱাবা কয়ামরোম থেংনহল্লে৷ অসিগুম্লবা ইন্নোভেতিব ইনিসিয়েতিবশিং অসি লাকপদগী হৌজিক্তি থবক পুম্নমক খরা শাফবা হৌরক্লে৷

মীয়ামশিংনা সভা অসিবু হকথেংননা চৎতুনা শরুক য়াবা ফংদ্রবসু হন্দক চহীগী অনৌবা ফোর্মেত অসিনা ফেস্তিবেল অসিবু য়ুমদগী য়াম্না নুংঙাইনা ঐখোয়বু য়েংবা ফংহল্লি৷ অসিগীসু মথক্তা মপান্দা লৈরিবা থৱাই য়াওজবশিংনা খ্বাইদগী ফজরবা পর্ফোমেন্সশিং অসিবু য়েংবগী চাঞ্চ অমা ফংলগনি৷

মরুপশিং লাইনা-লাইচৎ অসি লোইখিবা তারবসু মসিনা ঐখোয়গী হিংবগী মওং অদুবুদি শোইদনা হোংহল্লগনি৷ আর্তিসশিং অসিনা তেক্নোলোজী শিজিন্নগদবনি অমসুং ত্রেতিব ওইবা মওং অমদা মখোয়বু থৱাই য়াওজনা পামজরিবশিং অসিগা নকশিন্ননবা হোৎনগদবনি৷  মতুং তারকপদা রিয়েল অমসুং ভর্চুয়েল মেদিয়মশিং পুন্না লৈমিন্নরগনি অমসুং আর্তিসশিংনা ভর্চুয়েল মেদিয়মগী পোতেন্সিয়েল অদু মপুং ফানা শিজিন্নগদবনি৷

ইনাওশিং অমসুং ইচলশিং,

মীয়ামশিংনা পুক্নিং লাংতক্নবা অমসুং স্ত্রেস লৈবা অসিগুম্বা মতম অসিদা ইশৈ অমসুং জগোইগুম্বা আর্ত ফোর্মশিং অসিনা ৱাখল নুংঙাইহনবা অমসুং পোথাবা ফংহল্লি৷ তশেংবদি মখোয়না সুথিং ইফেক্ত অমা পুথোকই অমসুং ৱাখল অমসুং হকচাং অসি অমুক হন্না ইনর্জী পীবদা মতেং পাংই৷ ইন্দিয়ন ক্লাসিকেল ম্যুজিক অমসুং জগোইনা ঐখোয়না পুন্সিগী থিরিবা বেলেন্স অদুগী খুদম ওইরি৷

সভাশিং মশামক ঙসিদগী চহী ২০০০গী মমাংদা লৈরম্বা সনগম এজকী মমিং লৈরবা লিগেসী অসিদগী লৌথোকপনি৷ সভা অসিদা শরুক য়ারিবা অসিগুম্বা মতম অদুগী কনক্লেবশিংদা মতম অদুগী মমিং লৈরবা কবিশিংনা শরুক য়াদুনা মালেম অসিদা খ্বাইদগী ফজবা লিতরেরী কনক্লেব খরা ঐখোয়দা লৈ৷ ঐখোয়না হৌজিক ‘সনগম লিতরেচর’ হায়না খঙনরিবা অসি মখোয়না শেম্লম্বনি৷

ঐখোয়দা তোঙান তোঙানবা আর্ত মখলগী অফবা হেরিতেজ অমা লৈ অমসুং মখোয়শিং অসি ঙাক শেন্দুনা থম্নবা অমসুং শন্দোক্নবা ইফর্ত খুদিংমক হোৎনগদবনি৷ ইশৈ, জগোই অমসুং দ্রমাগী ঐখোয়গী অরোইবা কল্চরেল ত্রেজর অসি ভারতনা মালেম অসিদা পীবা খ্বাইদগী চাওবা খুদোলনি৷

ভারতকী কন্সর্তশিং অমসুং জগোইগী পর্ফোমেন্সশিং অসি লৈবাক কয়া অমদা রিগুলর কেলেন্দর ইভেন্তশিং ওই অমসুং ভারতনত্যম অমসুং কুচিপুদিগুম্বা জগোই মখলশিং অসিগী ফোলোৱর কয়ামরোম লৈ৷ অসিগুম্বা ভারতকী জগোই অমসুং ইশৈগী মিংচৎ অসি রুকমিনি দেবি অরুন্দেল অমসুং মন্দোলিন শ্রীনিভাসকুম্বা লিজেন্দশিং অসিদা চাওনা ইকাই খুম্নবা উৎচরি৷ মখোয়না ভারতকী আর্ত অসি গ্লোবেলগী স্তেজতা পুখৎলম্লে৷ ঐখোয়গী গ্লোবেল আউত্রিচ অসি হেন্না শন্দোক্নবা সোফত পৱারদা লৈরিবা মসিগী পোতেন্সিয়েল অসি ঐখোয়না শিজিন্নবা য়াই৷

ঐখোয়গী ক্লাসিকেল আর্ত ফোর্মশিং অসি সোফত পৱারগী খুৎলাই অমা ওইনা শিজিন্নদুনা ঐখোয়না ভারতকী আর্ত অমসুং কল্চরগী লিগেসী অসি ময়ামদা খঙহনবা ঙমগনি৷

অসিগুম্বা সোফত পৱার অসি শিজিন্নদুনা ঐখোয়না অহিংশা, শান্তি অমসুং পুন্না হিংমিন্নবগী ৱাখল্লোন অদু মালেম অসিদা শন্দোকপা ঙমগনি৷ সেল্ফ কনফিদেন্স হেঙ্গৎহন্দুনা অমুক হন্না ‘বিশ্ব গুরু’ ওইবা ঙম্নবা ঐখোয়না পান্দম থমগদবনি৷

ইচলশিং অমসুং ইনাওশিং,

ঙল্লিঙৈ মতমশিংদা ক্লাসিকেল আর্ত ফোর্মশিং অসি এদজুকেসনদা তঙাই ফদবা শরুক অমা ওইরম্মী৷ অসিগু্ম্বা চৎনবি অসি ঐখোয়না শোইদনা হিংগৎহনগদবনি অমসুং ইশৈ অমসুং জগোইবু স্কুল কুরিকুলমগী শরুক অমা ওইহনগদবনি৷ ক্লাসিকেল আর্ত ফোর্মশিং প্রেক্তিস তৌবা অসিনা থবক অমা তৌবদা হেন্না পুক্নিং চংহনবা, দিসিপ্লিন লৈহনবা, কনফিদেন্স হেঙ্গৎহনবা, পেসেন্স হেঙ্গৎহনবা অমসুং অঙাংশিংদা তোঙান তোঙানবা মরমশিংদা প্রিজবেরেন্সকী কান্নবা অদু তাকই হায়বা অসি খঙজিনগদবনি৷ মসিনা মখোয়গী একাদেমিক অমসুং সোসিয়েল লাইফতসু চাওনা কান্নবা ফংহল্লগনি৷

ঙসিগী নহাশিং অসি তোঙান তোঙানবা কল্চরদা চাওনা এক্সপোজ তৌই৷ অদুবু খ্বাইদগী মরু ওইবা অদুদি অতোপ্পা কল্চরশিং অসিগী মতাংদা নৈনরিঙৈদা ইন্দিয়ন কল্চর, হেরিতেজ অমসুং ত্রেদিসনশিংদা লেংদনা অদুমক লৈবা অসিনি৷ ঐখোয় লোইনমক গান্ধীজিনা হায়রম্বা অসি নিংশিংশি: “ঐনা ঐগী য়ুম অসি মাইকৈ পুম্নমক্তা ৱাল খাজিনবা পামদে অমসুং ঐগী থোংনাওশিং নিংথীননা লৈতেং হাপ্পা পামদে৷ ঐনা ঐগী য়ুম অসিদা লম পুম্নমক্কী কল্চর অদু হেক য়ারিবা মখৈ চংলকপা পাম্মী৷ অদুবু ঐগী খোংথাং অসি অতোপ্পা অমা হেক্তনা হোংদোকহনবা য়ারোই৷”

নুংশিরবা ইচলশিং অমসুং ইনাওশিং,

সিতী সভাস অমসুং কলকেন্দ্রগী ফেদেরেসন অসিনা মসিগী মমিং লৈরবা ইনিসিয়েতিব অসি প্লানিং তৌবিবা অসিগীদমক ঐনা শোইদনা অপেনবা ফোংদোকচগনি৷ ইভেন্ত ১০০ হেন্না অমসুং থৌরম অসিদা আর্তিস্ত ৫০০না শরুক য়াদুনা মসিগী থৌরম অসি য়াম্না অফবা অমসুং নুংঙাইবা মর্গজি ওফরিং ওইরগনি৷ মসিনা অতোপ্পা ফেস্তিবেলশিংগী ইন্সপিরেসন অমা ওইরিগনি হায়না হায়নিংই৷

অমুক্কা হন্না ঙসি নখোয ময়ামগা ভর্চুয়েল প্রজেন্ত তৌদুনা শরুক য়ামিন্নবা অসি ঐ ঙকপা ফাওজৈ৷ মখাগী অসি হায়দুনা ঐহাক্না ৱারোইশিন পীবা পামজৈ:  ঐখোয়গী কল্চর অসি ঙাক শেন্নবা, ঐখোয়গী লৈবাক হেন্না চাওখৎনবা অমসুং ঐখোয়গী অঙাংশিংগী তুংগী ফিভম হেন্না ফনবা ঐখোয় পুম্নমক শুংশোই শোইদনা অমতা ওইনা চংশিনমিন্নগদবনি৷

জই হিন্দ!”

*****