প্রধান মন্ত্রী শ্রী নরেন্দ্র মোদীনা চেয়র লৌদুনা পাঙথোকপা কেন্দ্রগী মন্ত্রী মন্দলগী মীফম্না কম্মর্সিএল মোবাইল সর্ভিস পীননবা মায় পাক্লবা বিদ্দরশিংদা স্পেক্ত্রম পীননবগীদমক স্পেক্ত্রম নিলাম লাউনবা দিপার্তমেন্ত ওফ তেলিকম্মুনিকেসন্না পুথোরকপা ৱাফম অয়াবা পীখ্রে‍।

নিলাম লাউগদৌরিবা স্পেক্ত্রম অসি মেগাহর্জ ৭০০, মেগাহর্জ ৮০০, মেগাহর্জ ৯০০, মেগাহর্জ ১৮০০, মেগাহর্জ ২১০০, মেগাহর্জ২৩০০ অমসুং মেগাহর্জ ২৫০০গী ফ্রিক্বেন্সী বেন্দশিংগনি‍। স্পেক্ত্রমশিং চহী ২০গী মতম পীগনি‍। অপুনবা শেন্ফম লুপা করোর ৩,৯২,৩৩২.৭০ (রিজর্ব মমলদা) ওইগদবা অপুনবা মেগাহর্জ ২২৫১.২৫ মসিদা ফংহনগনি‍।

নিলাম অসিদা স্পেক্ত্রম অসি শীজিন্নবা য়াবগী হক ফংদুনা হৌজিক লৈরিবা তেলিকোম সর্ভিস প্রোভাইদরশিংনা মখোয়গী নেতৱর্ক্কী মতিং হেনগৎহনবা অমদি অনৌবা প্লেয়রশিংনা মখোয়গী সর্ভিস হৌবা ঙমহল্লগনি‍।

নিলাম অসিদা বিদ্দরশিংনা পেরামিতরশিং/কন্দিসনশিং খুদম ওইনা বিদ্দরশিংনা মখোয়গী বিদ থাজিনবা য়াগদবা ব্লোক সাইজ, স্পেক্ত্রম কেপ হায়বদি নিলাম লোইরকপদা বিদ্দর অমনা পায়বা য়াবা খ্বাইদগী য়ামবা স্পেক্ত্রম মশিং, থবক পায়খৎনবা থৌদাং, শেল থিবগী ৱাফমনচিংবশিং ইনগদবনি‍।

মায় পাক্লবা বিদ্দরশিংনা শেন্ফম অপুমবা অমুক্তদা (অপফ্রন্ত) পীথোকপা নৎত্রগা অকক্নবা শেন্ফম খরা (মেগাহর্জ ৭০০, মেগাহর্জ ৮০০, মেগাহর্জ ৯০০গী ফংবা স্পেক্ত্রমশিংগীনা চাদা ২৫ নৎত্রগা মেগাহর্জ ১৮০০, মেগাহর্জ ২১০০, মেগাহর্জ ২৩০০, মেগাহর্জ ২৫০০ বেন্দগী স্পেক্ত্রমশিংগীনা চাদা ৫০) হান্না পীথোক্লগা লেমহৌরিবা শেন্ফমশিংনা চহী অনিগী মোরেতরিয়ম পীরবা মতুংদা চপ মান্নবা চহীগী ইন্সতোলমেন্ত ১৬ ফাউবা থোক্না থিগদবনি‍।

বিদকী শেন্ফমগী মথক্তা মায় পাক্লবা বিদ্দরশিংনা নিলাম অসিদা ফংখিবা স্পেক্ত্রম শিজিন্নবগী শেন্ফম ওইনা ৱাইয়রলাইন সর্ভিস য়াওদনা এদজস্তেদ গ্রোস রিভিন্যু (এ.জি.আর.)গী চাদা ৩সু থিগদবনি‍।

স্তেক্ত্রম নিলাম লাউবসি মায় পাক্লবা বিদ্দরশিংদা স্পেক্ত্রম পীননবগী লৌথুপ লৌকোই লৈদবা থৌওং অমনি‍। স্পেক্ত্রম মরাং কায়না ফংবনা কঞ্জুমরশিংনা ফংলিবা তেলিকোম সর্ভিসগী ক্বালিতী হেনগৎহল্লি‍।

ঙসিদি তেলিকোম সেক্তর অসি শেন্মিৎলোন চাউখৎপা, হকথেংননা অমদি নাকোইননা থবক পীব অমসুং দিজিতেল ইন্দিয়া পাকথোক চাউথোকহনবগা চাউনা মরী লৈনবা মরুওইবা ইন্ফ্রাস্ত্রকচর প্রোভাইদর অমা ওইরে‍। মরম অসিনা হায়রিবা মন্ত্রী মন্দলগী ৱারেপ অসিনা হীরম খুদিংমক্তা শিংথানবা য়াবা ইথিল অমা পীগনি হায়না থাজরি‍।

******