ঙাকশেল মন্ত্রালয়

২শুবা প্রোজেক্ত ১৭এ জহাজ ‘হিমগিরি’ লোঞ্চ তৌখ্রে

Posted On: 14 DEC 2020 4:43PM by PIB Imphal

কোলকতাদা লৈরিবা এম/এস গার্দেন রিচ শিপবিল্দর্স অমসুং ইঞ্জিনিয়র্স লিমিতেদ(জি.আর.এস.ই.)না শেম্লিবা প্রোজেক্ত ১৭এ জহাজশিংগী প্রোজেক্ত অহুমগী মনুংদা খ্বাইদগী ইহান হানবা ওইরিবা ‘হিমগিরি’ ঙসি ২০২০গী দিসেম্বরগী তাং ১৪দা লোঞ্চ তৌখ্রে৷ দিফেন্স স্তাফকী চীফ, জেনেরেল বিপিন রৱতনা থৌরম মপু ওইদুনা পাংথোকখিবা লোঞ্চ তৌবগী থৌরম অদুদা মহাক্না পুং ১৩৩৫ চৎপা মতমদা হুগলী তুরেলগী ইশিংদা ইহান হান্না ইতিনখি৷ নেভেলগী চৎনবি অসি থমদুনা সি.দি.এস.কী ইস্পাউ শ্রীমতি মধুলিকা রৱতনা অথর্ভ ভেদদগী ইনভোকেসনশিং শোন্দুনা জহাজ অদু লোঞ্চ তৌখি৷ জহাজ অসি ১৯৭০দা চহী ৫০গী মমাংদা লোঞ্চ তৌখিবা জহাজশিংগী লিন্দর ক্লাসকী অনিশুবা ফ্রিগেৎ অদুগী ক্রেস্ত অমসুং মমিং লৌখ্রে৷

প্রোজেক্ত ১৭এগী মখাদা অপুনবা জহাজ তরেৎকী মনুংদা মরি অমনা মজগোন দোক শিপবিল্দর্স লিমিতেদ(এম.দি.এল.) অমসুং জহাজ অহুম অমনা জি.আর.এস.ই.দা হেন্না ফরবা স্তিল্থ ফিচরশিং, এদভান্স ইন্দিজিনিয়র্স ৱেপন অমসুং তোঙান তোঙানবা ইমপ্রুবমেন্তশিং য়াওদুনা সেন্সর ফিত তৌদুনা শাখিবনি৷ ‘হিমগিরি’ লোঞ্চ থৌখিবা অসিনা ইন্দিয়ন নেভীগী পি১৭এগী স্তেত ওফ-দি-আর্ত ৱার্শিপশিং শেমগৎপা অসিদা জি.আর.এস.ই.গী কম্মিতমেন্ত অদু উৎখ্রে৷ চহী কয়া অমা জি.আর.এস.ই.না জহাজ ১০০ হেন্না শাদুনা লুচিংলিবা শিপয়ার্দ অমা ওইনা থোক্লকখ্রে৷ য়ার্দ অসিনা মহাক্কী ইনফ্রাস্ত্রকচর অদু ফগৎহনখ্রে অমসুং পি১৭এ জহাজশিং অসি শেম্বদা থেংনরিবা অনৌবা চেলেঞ্জশিং অসি থেংননবা স্কিলশিং সেত তৌখ্রে৷ পি১৭এ জহাজশিং অসি জি.আর.এস.ই.না ঙসিফাওবদা শারকপা খ্বাইদগী চাউবা কোম্বেত প্লেতফোর্ম অমসুং ইহান হানবা গ্যাস তর্বাইন প্রোপল্সননি

চৎনবা হৌখিবদগী প্রোজেক্ত১৭এনা অত্ম ভারতকী ভারতকী মংলান অদু হেন্না য়োকখৎখ্রে৷ পি১৭এ জহাজশিং অসি দাইরেক্তোরেত ওফ নেভেল দিজাইন(সর্ফেস শিপ দিজাইন গ্রুপ)-দি.এন.দি.(এস.এস.জি.)না ইন্দিজিনিয়র্স্লী দিজাইন্দ তৌখ্রে অমসুং ইন্দিজিনিয়র্স্লী য়ার্দশিং মমিং ওইনা পল্লবদা এম.দি.এল. অমসুং জি.আর.এস.ই.দা শারি৷ কোবিদ-১৯গী মতুংদা ঐখোয়গী ইকোনোমী অসি ইনর্জাইজ তৌননবা নেভেল শিপবিল্দিংনা অফবা খুদোংচাবা অমা ফংহল্লগনি৷ প্রোজেক্ত১৭এ জহাজশিংনা প্রোজেক্ত অসিদা চংলিবা মেতরিয়েল/ইক্ব্যুইমেন্ত অদুগী ৮০%দি ইন্দিজিনিয়র্স ভেন্দরশিং অসিদগী শিজিন্নৈ অমসুং লৈবাক অসিগী মনুংদা লৈরিবা ইন্দিয়ন ফির্ম অমসুং এম.এস.এম.ই. ২০০০ হেন্না এমপ্লোইমেন্ত জেনেরেসন পীখ্রে৷ জহাজ অসি ২০২৩গী ওগস্ত ফাওবগী মনুংদা ফংহন্নবা তার্গেৎ থম্লিবা অসিগীদমক জি.আর.এস.ই.গী প্রদক্তিবিতী হেন্না লৈহন্নবা ইন্তিগ্রেতেদ কন্সত্রক্সন মেথোদোলোজী অমসুং আউতসোর্চিং তৌদুনা জহাজকী মোদুলর কন্সত্রক্সন শিজিন্নরি৷

*****



(Release ID: 1680790) Visitor Counter : 34