ভারততা লৈরিবা উচেকশিং অমসুং বর্দিং তৌবগী খুদোংচাবশিং অসিদা মীৎয়েং থমদুনা ২০২০গী দিসেম্বর ১২দা “বর্দিং ইন ইন্দিয়া” হায়না মমিং থোনবা তুরিজম মন্ত্রালয়গী দেখো অপ্ন দেশ ৱেবিনার সেরিস পাংথোকখ্রে৷ ভারতকী বাইওদাইভর্সিতী অসি মালেম অসিদা খ্বাইদগী মরাং কাইনা ফংবশিং অদুগী মনুংদা অমনি৷ হিমালয়শিং, মরুভুমি, সমুদ্র, রেনফোরেস্ত অমসুং ত্রোপিকেল ইথৎশিং অসিদগী;  ভারতনা গ্রহ অসিদা ফংলিবা ইকো রিজন পুম্নমক অদু ভারততা ফংই হায়না উৎলে অমসুং এগজোতিক উচেক স্পিসিস ১৩০০ হেনবগী অমসুং শা-উচেকশিং খুদম ওইনা ইন্দিয়ন রোল্লর, হোর্নবিলশিং. সারস ক্রেন, গ্রেত ইন্দিয়ন বস্তার্দ, ৱুদপেক্করশিং, কিঙ্গফিসরশিং অমসুং অতোপ্পা কয়া অমগী ময়ুম ওইদুনা লৈরি! দেখো অপ্ন দেশ ৱেবিনার সেরিস অসি এক ভারত শ্রেশথা ভারতকী মখাদা ভারতকী নিংথীজনা লৈরিবা দাইভর্সিতী অসি উৎথোক্নবা ইফর্ত অমনি অমসুং মসিনা লেপ্পা লৈতনা ভর্চুয়েল প্লেতফোর্মগী খুৎথাংদা এক ভারত শ্রেশথা ভারতকী স্পিরিত অদু লেপ্পা লৈতনা শন্দোক্লি৷

​শা-ঙাগী মতাংদা নৈনবা অমসুং দোকুমেন্তিং তৌবা পাম্লিবা ফিলমমেকর, ৱাইল্দলাইফ ফোতোগ্রাফর অমসুং নেচরেলিস্ত অমা ওইরিবা শ্রী সৌরভ সৱান্তনা ৱেবিনার অসি হৌদোকখি৷ মহাক্কী রিসর্চকী মনুং চল্লিবা থবকশিং অদুদি উচেকশিং, এমফিবিয়নশিং অমসুং ওদোনেতশিং অসিনি৷

ইন্দিয়ন কল্চরদা উচেকশিংনা য়াম্না মরু ওইবা থৌদাং লৌই৷ মাইথোলোজিদা তোঙান তোঙানবা উচেকশিংবু লাই নুপা অমসুং নুপীগী ভহানাস ওইনা লৌই৷ ঙল্লিঙৈ মতমদগী উচেকশিং অসিবু মীওইবা জাতিগা য়াম্না নক্ননা লাক্লি অমসুং স্তোন এইজ মতমদগী হৌদুনা মোদর্ন ইরা ফাওবদা মাওইবগী পুন্সিদা মতম পুম্নমক্তা ইন্সপিরেসন ওইদুনা লাক্লি অমসুং স্তোন এইজ রোক পেন্তিংশিং, কেব পেন্তিংশিং অমসুং মুঘল পেন্তিংশিং অসিদগী হৌদুনা মোদর্ন ইরা পেন্তিংশিং অসি ফাওবদা উচেকশিং অসি তৎনবা য়াদ্রবা শরুক অমা ওইরি৷

​আর্তিক্তগী হৌদুনা এন্তার্তিক ফাওবদা তোঙান তোঙানবা ক্লাইমেতিক কন্দিসনশিং, মান্নদবা বাইও দাইভর্সিতীশিং অমসুং হেবিতেতশিং অসিগী মফম খুদিংদা উচেকশিং ফংই৷ নেচর এদজুকেসন অসি য়াম্না মরু ওই৷ ত্রাভেল এন্থুসিয়াস্ত অমনা মতম পুম্বদা লোকেল কল্চর অদু এক্সপ্লোর তৌবা অমসুং খঙবা পাম্মী, লোকেল কম্ম্যুনিতীশিং অসিগা লোইনা পাম্মী অমসুং মখোয়গী অকোইবশিং, চাবা/থকপগী হৈনবী, শা থিবগী মওং, অমসুং উচেকশিংনা খোংলকপগী মখোল অদুদগী উচেকশিং অদু থিবগী মওং অমসুং লম্বী খঙনবা উশিং অসিগী মকুপা মার্ক তৌরম্বা ময়াম অসিগী মরমদা নৈনবা পাম্মী৷ মসি য়াম্না নুংঙাইবা এক্সপরিয়েন্স অমনি৷ বর্দিং অসিনা মহৌশাদা অমসুং লোকেল কম্ম্যুনিতীশিংদা হেন্না হেন্না নকশিলহল্লিবা এক্তিবিতী অমনি৷

মালেম অসিদা চাওরাক্না উচেক স্পিসিস ১১,০০০রোম লৈ অমসুং ভারততা স্পিসিস ১৩০০ হেন্না ফংলি৷ বর্দিং তুরিজম অসি মালেম অসি শিনবা থুংনা পাংথোক্লিবা বিলিয়ন দোলর ইন্দস্ত্রী অমনি৷ বর্দিং অসিগীদমক চহী খুদিংগী ইন্তরনেস্নেল ত্রিপ মিলিয়ন কয়ামরোম পাংথোক্লি অমসুং ভারতনা ত্রান্স হিমালয়দগী মরুভুমি,ৱেস্ত্রন ঘাতশিং, দেক্কান পেনিন্সুলা, গঙ্গেতিক প্লেনশি, নোর্থ-ইস্ত রিজন অমসুং ইথৎশিং অসিগী তোঙান তোঙানবা তেরেনশিং অসিদা পাক চাওনা ফংলিবা বাইওগ্রাফী অসিনা মরম ওইদুনা ভারতনা চাওনা পোতেন্সিয়েল লৈ৷ ভারত অসি মম্মেলশিং, উচেকশিং, রেপ্তাইলশিং, এমফিবিয়নশিং অমসুং বত্তরফ্লাইশিং অসিগী চাওরাক্না স্পিসিস ৯১,০০০রোমগী ময়ুম ওইরি৷ স্পিসিস, এনভাইরোনমেন্ত অসি ঙাক শেন্নবা অমসুং এৱেয়রনেস পাংথোক্নবা সরকার অমসুং সরকারগী নত্তবা ওর্গনাইজেসনশিং অসিনা তোঙান তোঙানবা লেভেলদা ইফর্ত কয়ামরোম লৌখৎলি৷

নিংথীনা হায়রবদা “ বর্দিং অসি নেচরগী থ্রেতর য়ৌনবা ঐখোয়গী মতম পুম্বগী ওইবা তিকেৎনি!” উচেক্কী সাইন্তিফিক স্তদী অদুবু ‘ওর্নিথোলোজী’  হায়না কোই৷ বর্দ ৱাতচিং অসিগী মনুং চল্লিবশিং অদুদি উচেক খন্দোকপা অমসুং পোত্থাননবগীদমক মখোয়গী বিহেবিয়র অদু খঙনবা নৈনবা অসিনি৷

ৱেবিনার অসি তেনশিল্লদুনা ভারতকী বাইওদাইভর্সিতী অসিগী মতাংদা অমসুং মতৌ করম্না তুরিজম্না লোকেল কম্ম্যুনিতীশিং অসিগা ঐখোয়গা শম্নহনবগে হায়বা অসিগী মতাংদা এদিস্নেল দাইরেক্তর জেনেরেল রুপিন্দর ব্রারনা ফোংদোকখ্রে৷ তোঙান তোঙানবা লোকেল কম্ম্যুনিতীশিং অসিগা মরী লৈনহন্দুনা, কল্চর, কুইজিন অসি খঙহন্দুনা এক ভারত শ্রেশথা ভারতকী মরু ওইবা কান্নবশিং অদুসু পুথোরকখ্রে৷

দেখো অপ্ন দেশ ৱেবিনার সেরিস অসি ইলেক্ত্রোনিক্স মন্ত্রালয়গী নেস্নেল ই গভর্নেন্স দিপার্তমেন্তগা তেক্নিকেল পার্তনরশিপ তৌদুনা পাংথোকপনি৷ ৱেবিনারগী সেসনশিং অদু হৌজিক্তি https://www.youtube.com/channel/UCbzIbBmMvtvH7d6Zo_ZEHDA/featured অসিদা অমসুং ভারত সরকারগী তপরিজম মন্ত্রালয়গী সোসিয়েল মিদিয়া হেন্দল পুম্নমক্তা ফংলে৷

মথংগী ৱেবিনার অসি ভারততা এদভেঞ্চর ওপোর্চুনিতীশিং হায়বা অসিগী মতাংদা পাংথোক্লগনি অমসুং ২০২০গী দিসেম্বর ১৯গী অয়ুক্কী পুং ১১ তাবা মতমদা মতম লেপ্লগনি৷

*****