ঙসি উপ-রাস্ত্রপতি নিবাস্তা হকশেল অমসুং য়াইফ য়ুম্বাল মন্ত্রালয়গী সেক্রেতরী শ্রী রাজেশ ভুশন অমসুং জোইন্ত সেক্রেতরী (ঐচ অমসুং এফ.দবল্যু.) শ্রী লাব অগর্ৱালনা উপ-রাস্ত্রপতি শ্রী এম.ভেনকাইহ নাইদু উন্নখ্রে অমসুং আন্ধ্র প্রদেশকী ইলুরুদা লাইনা-লাইওং খঙদবা অমনা মীওই ময়াম অমা হোস্পিতেলাইজেসন তৌহনখিবা অসিগী খ্বাইদগী ইনৌ নৌবা হকশেলগী ফিভম অসিগী মতাংদা মঙোন্দা ফোংদোকখ্রে৷ মফম অদুদা লৈরিবা মীওইশিং অদুনা তন্থবা, গ্যান মাংলকপা, কোক চিকপা অমসুং ওবা য়াওনা সিম্পতমশিং উৎলে হায়না রিপোর্ত তৌরকখ্রে৷

মতুং তারকপদা মফম অদুদা লৈরিবা হকশেল অদুগী ফিভম অদুগী মতাংদা উপ-রাস্ত্রপতিনা কেন্দ্রগী হকশেল মন্ত্রী শ্রী হার্শ বর্ধনগা ৱারি শান্নরবা মতুংদা ২০২০গী দিসেম্বর ৮দা মেদিকেল এক্সপর্তশিংগী তীম অমা সেন্তর অসিনা থাখ্রে৷

ইলুরুগী শোকহল্লিবা মফমশিং অসি চৎলুবা সেন্ত্রেল কম্মিতী অসিনা ফংলকপা প্রিলিমিনরী ফাইন্দিংশিং অদিগী মতাংদা হকশেলগী সেক্রেতরীনা শ্রী নাইদুদা শম্লক্না ফোংদোকখ্রে৷ সেন্ত্রেল তীম অসিনা দিল্লিদা হল্লক্লবা মতমদা অকুপ্পা মরোলগী রিপোর্ত অমা শেম্লগনি অমসুং মদুগী মতুং ইন্না তঙাই ফদবা এদবাইজরী অদুসু ইসু তৌরগনি হায়না সেক্রেতরী অসিনা ফোংদোকখ্রে৷

২০২০গী দিসেম্বর ১১দা অনৌবা কেস ০২ খক্তমক রিপোর্ত তৌরক্তুনা ইলুরুদা থোক্লিবা লাইনা অসিগী অনৌবা কেস মশিং অদু অসুক্কী মতিক হন্থরকখ্রে হায়না উপ-রাস্ত্রপতিদা ফোংদোকখ্রে৷ ফিভম অসিগী মতাংদা নিংথীনা য়েংশিন্নবা অমসুং তঙাই ফদবা এক্সন পুম্নমক লৌখৎনবা শ্রী নাইদুনা হেল্থ সেক্রেতরীদা হায়খ্রে৷

*****