হেলথ অমসুং ফেমিলি ৱেলফিয়রগী য়ুনিয়ন মিনিস্তর দাঃ হার্শ বর্ধন্না ঙসি লেদী হার্দিঞ্জ মেদিকেল কোল্লেজ (এল.ঐচ.এম.সি.)গী মহৈরোয়শিংদা মখোয়গী কোনভোকেসন থৌরমদা দিজিতেল ওইনা ৱা ঙাংখ্রে। হেলথ অমসুং ফেমিলি ৱেলফিয়রগী ইকাই খুম্নরবা মিনিস্তর ওফ স্তেত শ্রী অশ্বিনি কুমার চৌবেশু থৌরম অসিদা শরুক য়াখি।   

থৌরম অসিদা মহাক্কী থাগৎ ৱাহৈ ফোংদোক্লুদুনা দাঃ বর্ধন্না হায় মদুদি, “ঐহাক্না মশক নাইরবা লেদী হার্দিঞ্জ মেদিকেস কোল্লেজ অসিগী কোনভোকেসন থৌরমদা শরুক য়াবা অসি ইকাই খুম্নবা অমসুং লেমজনিঙাই ওই। ঙসি ৯৯শুরবা এম.বি.বি.এস. অসিগী বেতসকী মহৈরোয়শিংনা দিগ্রী ফংবা অসি কোল্লেজ অসিগী পুৱারী ওইহৌরগদবা মফম অমনি”।  

এল.ঐচ.এম.সি. অসিবু লৈবাক অসিদা খ্বাইদগী লিরবা অমনি হায়দুনা থাগৎপা ফোংদোক্লদুনা, মহাক্না হায়খি মদুদি “লেদী হার্দিঞ্জ অসি পুৱারী ওইরবা লোইশঙনি। অদোম্না খংবদা য়াম্না নুঙাইবা ফাওগনি মদুদি এল.ঐচ.এম.সি. অসি দিল্লীগী মশক নাইরবা বিল্দিংশিং হায়বদি কোনাউত প্লেস, পার্লিয়ামেন্ত অমসুং রাস্ত্রপতি ভবন শাদ্রিবগী মমাংদা লৈরবনি। নিং-খা তম্লবা মতম অমসুং চহি কয়াগী মতুংদা মসিগী কোল্লেজ অসি দিল্লীদা লেঙদনা লৈরি”।

মহাক্না মখা তাখি মদুদি, “চহি ১০৪ চুপ্না লৈরক্লবা অসিদা, মসিগী ইন্তিত্যুসন অসিনা ঐখোয়গী লৈবাক অসিদা নুপীগী শক্তী পীবগী খুদম ওইদুনা লাক্লি। ঙসিদি, লেদী হার্দিঞ্জ এলুম্নাই অসিনা ইন্দিয়াদা অমসুং মপাল লম য়াওনা চাওথোকচনিঙাই ওইবা অমগী মফম কল্লি অমসুং হকশেলগী চেকশিন-থৌরাংগী লমদা থাগৎনিঙাই ওইনা থৌদাং লৌরি অমসুং লৈবাক অসিগী লোয়ননা লোইশঙ অসিগী মিংচৎ ওইরি। ইন্সতিত্যুসন অসি লৈবাক অসিগী মকোক থোংবা মেদিকেল কোল্লেজ ১০গী মনুং চল্লি”।  

কোল্লেজ অসিনা কোবিদকী মাইকৈদা লান্থেংনবদা লৌরিবা থৌদাং অসি থাগৎপা ফোংদোক্লদুনা, য়ুনিয়ন মিনিস্তরনা হায় মদুদি, “এল.ঐচ.এম.সি.না মমাংদা অমুক্তা তৌখিদ্রিবা মওংদা কোবিদ-১৯ অসি লান্থেংনবদা লৌরিবা থৌদাং অসিদা ঐহাক্না য়াম্না চাওথোকচৈ অমসুং শাথিরবা ভাইরস অসিদা লান্থেংনবা অসি য়াম্না থাগৎনিঙাই ওই। লায়চৎ অসি শন্দোরকপা অমসুং য়াম্না ফজনা খংদ্রিবা ভাইরস অসি তেস্ত তৌনবা মখল কয়াগী চাংয়েং চৎথরি”।

মহাক্না মখা তানা হায় মদুদি, “ঐহাক্না অদুক্কী মতিক হরাওবা ফাওই মদুদি হৌজিক ওইরিবা ফিবম অসিমক্তদা, এল.ঐচ.এম.সি.না মরুওইবা থৌদাংশিং লেপ্পা লৈতনা চৎথরি, হায়রিবা অসিদা কেন্সর সর্জরি, কেন্সরগী কেমোথেরাপী, থাল্লাসেমিক্তা ঈ শিনবা, মরক অসিদা কোবিদকী নত্তবা অনাবা কয়া অমসু লায়েং চৎথরি। ঐহাক্না থাগৎপা ফোংদোক্লি মদুদি এল.ঐচ.এম.সি. পর্সোনেলশিংনা মখোয়গী দোক্তরশিং অমসুং হেলথকেয়রদা থবক তৌরিবশিং কোবিদনা নারক্লবা ফাওবদা লেপ্পা লৈতনা অকিবা ফংলবা লায়না অসিবু লান্থেংনবা অসিনি”।   

কোল্লেজ অসিবু চাওথোকহনবা অমসুং চাওখৎ-থৌরাং কয়া অমা লৌখৎনবা সরকারনা থমখিবা ৱাফম অদু অমুক পল্লদুনা, মহাক্না হায় মদুদি, “চহি ১০০ লিরবা অসিদা শাননবা, মেদিকেল এজুকেসন অমসুং হকশেলগী চেকশিন থৌরাং মমাং থংনবা, হেলথ অমসুং ফেমিলি ৱেলফিয়রগী য়ুনিয়ন মিনিস্ত্রীনা ইন্সতিত্যুসন অসিগী হৌজিক পায়খৎলিবা চাওখৎ থৌরাং অসি চাওথোক্নবা অমসুং হেন্না য়াংশিন্নবা ৱাফম ঙাক্তুনা মালেমগী ওইবা খ্বাইদগী ফবা ইন্সতিত্যুৎ ওইহনগনি”। ফেজ ১গী নৌনা লৌখৎলিবা চাওখৎ থৌরাং অসি লোইশিল্লক্লে অমসুং একাদেমিক অমসুং ওনকোলোজি ব্লোক অসি হন্দক্কী থা অসিমক্তদা খুৎশিন্নগদবনি। লেমহৌরিবা এক্সিদেন্ত অমসুং ইম্মর্জেন্সি, ইনপেসেন্ত অমসুং আউপেসেন্ত ব্লোকশিং অসি য়াম্না থুনা লৌইশিল্লগনি অমসুং ফেজ ১দা ব্লোক ৩ অসি শিজিন্নবা হৌরগনি। ঐখোয়না য়াম্না থুনা হোৎনদুনা ফেজ ২,৩ অমসুং ৪ অসি লোইশিন্নবা হোৎনদুনা অখন্নবা সেবাশিং হায়বদি নেফ্রোলোজি, য়ুরোলোজি, কার্দিওলোজি, কার্দিও থোরাকিক সর্জরি অমসুং ন্যুরোসর্জরি অসি এল.ঐচ.এম.সি. অসিদা ফংহনগনি।

দাঃ হার্শ বর্ধন্না হায় মদুদি “মেদিকেলগী মহৈ তম্বা অসিনা হকশেলগী চেকশিন-থৌরাং পেরামিদতা মকোক থোংনা লৈরি। গ্রেজুএত দোক্তর অমসুং স্পেসিএলিস্তশিং অসিগী মগুন লৈবাক অসিদা লাক্কদৌরিবা জেনেরেসন অসিদা পীরিবা হকশেলগী চেকশিন-থৌরাংগী থবকশিং অসিনা লেপক্নি। মেদিকেলগী মহৈ তম্বা অসিদা খ্বাইদগী অৱাংবা থাক্তা থম্বা অসিনা সরকার অসিগী অহানবা ফিরেপনি। ”

মহাক্না মহৈরোয়শিংদা অমুক হন্না নিংশিংহল্লি মদুদি মেদিসিন হায়বা অসি প্রোফেসন অমা নত্তে অদুবু ফিদমনিঙাই ওইবা ইথিল অমনি। “অদোম্না কৈদৌনুংদা তম্বা অসি লেপ্লোইদবনি অমসুং ৱাখল-লৌশিং হেনগৎনবা মতম পুম্বদা হোৎনগদবনি। লোয়ননা অনাবশিংবু লায়েংবা মতমদা মিনুংশি য়াওবা উৎপা অসি য়াম্না মরু ওই। অদোমগী মীওইবগী ওইবা ৱাখল্লোল কৈদৌনুংদা কাওরোইদবনি নত্ত্রগা অনাবা অদুগীশু খনগদবনি। মখোয় অসি মীওইবা অমনি, হকচাংগী কয়াৎকী অপুনবা নত্তে। মখোয়গী তোঙনবা পুন্সি ৱারি লৈরি, ইমুংগী, লৈকাইগী অমসুং সমাজগী মরী লৈরি, নুপী অমসুং নুপীমচাশিংনা হেন্না অতোপ্পা মান্নদবা লৈরি। মসিনা অনাবা অমনা ফগৎলকপদা য়াম্না মরী লৈনৈ।   

দাঃ হার্শ বর্ধন্না মখা তানা হায় মদুদি, “ঐহাক্না থাজৈ মদুদি, ঙসি দিগ্রী ফংলিবা মহৈরোয়শিং অসিনা মখোয়গী মমাংদা চৎখিবশিং অসিগী মতুং ইন্দুনা অমসুং মেদিকেল সাইন্সকী লমদা মখোয়গী মিংচৎ থম্লগনি অমসুং ইন্সতিত্যুৎ অসিবু চাওথোকচনিংঙাই ওইহল্লগনি। অদোম্না, গ্রেজুএত মেদিকেল মহৈরোয় অমসুং পোস্তগ্রেজুএত শিংনা য়াম্না লুরবা থৌদাং কয়া অমা লৌবা তারি – হায়রিবা অসিদা কৎথোকপা, লুনা তৌবা অমসুং নুংশিনা লোয়নবা অসিনি। ঙসি অসি অদোমগী তম্বগী কোর্চকী অরোইবা নত্তে, অদুবু চৎকদৌরিবা লম্বী অসিগী অহৌবনি”।

গ্রেজুএত-মখা মহৈরোয় ১৯৭, গ্রেজুএত-মতুং মহৈরোয় ১২৯ অমসুং পোস্ত-দোক্তোরেল ৭না ঙসি মখোয়গী দিগ্রী ফংখি।

লোইশিল্লকপদা, দাঃ বর্ধন্না হেলথ মিনিস্ত্রীগী মপুং ফানা অমসুং লেপ্পা লৈতনা মতেং অসি হৌজিক অমসুং তুংদা পীগনি হায়না থাজবা পীরি।

হেলথ অমসুং ফেমিলি ৱেলফিয়র মিনিস্ত্রীগী সেক্ত্রেতরী শ্রী রাজেশ ভুশন, জেনেরেল হেলথ সর্বিসকী দাইরেক্তর দাঃ সুনিল কুমারনা কোনভোকেসন থৌরম অসিদা ভর্চুএল্লি ওইনা শরুক য়াখি।

****