অহাংবা ফম লাখ ১.৪ রোম মেনশিন্নবা দিশেম্বর ১৫,২০২০দগী হৌদুনা তাঙ্কক অহুম থোক্নবা ভারত রেলৱেজনা মসিগী রেলৱে রিক্রুইতমেন্ত বোর্দ ২১গী খুৎথাংদা অচৌবা থবক লৌনবগী খোঙজং পাংথোক্লগনি, মসিদা লৈবাক্কী তোঙান-তোঙানবা সহরশিংদা কেন্দিদেত করোর ২.৪৪ রোম শরুক য়াগনি। পরিক্ষাশিং পাংথোক্নবা মপুংফানা শেম-শারে।

তোখাইবা অমসুং মিনিস্ত্রিশিংগী (সি.ইন.এন ০৩/২০১৯) কাংলুপকী অহানবা তাঙ্কক্কী পরিক্ষা দিশেম্বর ১৫,২০২০দগী দিশেম্বর ১৮,২০২০ ফাওবা পাংথোক্লগনি। মসিগী তুংদা নন তেক্নিকেল পোলুলার কাংলুপকী(এন.তি.পি.সি-সি.ই.এন ০১/২০১৯) দিশেম্বর ২৮, ২০২০দগী ২০২১গী মার্চ ফাওবা পাংথোক্কনি অমসুং লেবেল-১ পোস্তশিং(সি.ই.এন আর.আর.সি ০১/২০১৯)গী অহুমশুবা রিক্রুইতমেন্ত এপ্রিল ২০২০দগী ২০২১গী জুন ফাওবা পাংথোক্নবা থৌরাং তৌরি।

দিশেম্বর ১৫, ২০২০দগী হৌগদৌরিবা তোখাইবা অমসুং মিনিস্ত্রিশিংগী (সি.ইন.এন ০৩/২০১৯) কাংলুপকী অহানবা তাঙ্কক্কী পরিক্ষাগীদমক, আর.আর.বিশিংগী ওফিসিএল ৱেবসাইতশিংদা লিঙ্ক অমগী খুৎথাংদা কেন্দিদেতশিংদা লনাই ওইনা ই-মেল অমসুং এস.এম.এসতা মখোয়গী পরিক্ষাগী সহর, নুমিৎ অমসুং সিফ খঙহনগনি। পরিক্ষা পাংথোক্কদবা নুমিৎ ৪গী মমাংদা আর.আর.বিশিংগী ওফিসিএল ৱেবসাইতশিংগী লিঙ্কতা ই-কোল লেত্তর লৌথবা য়াগনি। মথং তাঙ্ককশিংগী থবক-থৌরমশিংগী ই-পাউ মখা তানা পীরক্কনি।

কোবিদ-১৯ লাইচৎ মনুং অসিদা থাপ্না লৈনবা, মাক্স উপ্নবা অমসুং সেনিতাইজর শীজিন্ননবা সরকারনা পীরিবা এস.ও.পিশিং ঙাক্তুনা নোংমদা সিফ অনি খক পরিক্ষা পাংথোক্নবা আর.আর.বি.শিংনা অকনবা থৌরাং পায়খৎলে। কেন্দিদেতশিংনা অহিং অমগী খোঙচৎ মনুংদা মখোয়গী পরিক্ষা সেন্তরশিং য়ৌবা ঙম্নবা কেন্দিদেতশিং মখোয় মশাগী রাজ্যশিংদা পরিক্ষা শরুক য়াহন্নবা আর.আর.বি.শিংনা য়ারিবমখৈ থবক পায়খৎলে। নুপী অমসুং পি.দব্লিউ.দি কেন্দিদেতশিং মখোয় মশাগী রাজ্যশিংদা পরিক্ষা ফমহনগনি।

কেন্দিদেতশিং চৎথোক-চৎশিন তৌনবা রেলৱেজনা অখন্নবা একজাম ত্রেনশিং চেনহলগনি। অশোই-অঙাম থোকহন্দনা অমসুং থাপ্না লৈদুনা সি.বি.তিশিং পাংথোক্নবা আর.আর.বিশিংদা মতেং পাংনবা মরী লৈনবা রাজ্য সরকারশিংগী চীফ সেক্রেতরিশিংদা খঙহনখ্রে।

কেন্দিদেতশিং থর্মো গনশিং শীজিন্নদুনা চঙলকপদা তেম্পেরেচর য়েংগনি। তেম্পেরেচর ৱাংবা কেন্দিদেতশিং পরিক্ষা মফমগী মনুংদা চঙবগী অয়াবা পীরোই। অসিগুম্বা কেন্দিদেশিংগী নৌনা লেপ্লবা পরিক্ষাগী মতম মখোয়গী রেজিস্তার ই-মেল অমসুং মোবাইল নম্বরশিংদা থারক্কনি। পরিক্ষা অমুক হন্না পাংথোক্নবগী চপ চাবা নুমিৎ কোন্না খঙহনগনি।

কেন্দিদেতশিংনা মশাগী মাক্স শীজিন্নগদবনি। কেন্দিদেতশিংনা চঙলকপা মতমদা অপীবা ফোরমেত্তা কোবিদ-১৯গী সেল্ফ দেক্লারেসন পুথোক্কদবনি অমসুং মসি য়াওদ্রবদি পরিক্ষা মফমদা চঙবা য়ারোই। মেন গেত্তগী হৌরগা একজাম লেবশিং ফাওবা কোবিদ-১৯গী চৎন-কাংলোনশিংগী মতুংইন্না মী চিনবা হন্থনবা থৌরাং পায়খৎকনি। পরিক্ষা সিফ অমা লোইরবা মতুংদা অতোপ্পা সিফ অমা হৌদ্রিঙৈদা সেন্তর অদু শেংদোক্কনি। কোবিদ-১৯ লাইচৎ মনুং অসিদা কেন্দিদেতশিং অমসুং সি.বি.তি পাংথোক্লিবা মীওইশিং অশোই-অঙাম থোক্তনবা চৎন-কাংলোনশিং ফজনা ইনগনি। কেন্দ্র অমসুং রাজ্য সরকারশিংনা পীবা কোবিদ-১৯গী খ্বাইদগী নৌবা পাউতাকশিং, চৎন-পথাপশিং ঙাক্কনি।

*****