দ্রগ কন্ত্রোল কোওপরেসন্দা, নারকোতিক কন্ত্রোল ব্যুরিও (এন.সি.বি.), ইন্দিয়া অমসুং সেন্ত্রেল কম্মিতি ওন দ্রগ এব্যুজ কন্ত্রোল, ম্যানমার অনি অসিগী মরক্তা ২০২০গী দিসেম্বরগী ১০দা ৫শুবা ইন্দিয়া-ম্যানমার নাকন অনিগী ওইবা মিতিং অমা ভর্চুএলি ওইনা পাংথোকখ্রে। ইন্দিয়াগী দেলিগেসন অসি নারকোতিক কন্ত্রোল ব্যুরিওগী দাইরেক্তর জেনেরেল শ্রী রাকেশ আস্থানা অমসুং ম্যানমারগী দেলিগেসন অসিনা দ্রগ এনফোর্সমেন্ত দিবিজন (দি.ই.দি.)গী কম্মান্দর লোয়ননা সেন্ত্রেল কম্মিতি ফোর দ্রগ এব্যুজ কন্ত্রোলগী জোইন্ত সেক্ত্রেতরী পোল. ব্রিগ. জেন. ৱিন নাইংনা মকোক চীংখি।    

এন.বি.সি.গী দাইরেক্তর জেনেরেল, শ্রী রাকেশ আস্থানানা মরু ওইনা লৈবাক অসিদা হেরোইন অমসুং এমফেতামাইন তাইপ স্তিমুলেন্তস (এ.তি.এস.) ললোনবা অসি পুথোকখি। মহাক্না হায়খি মদুদি অৱাং-নোংপোক স্তেতশিং অসিদা ম্যানমারগী তাইনবা ঙমখৈ অসিদা তোইনা দ্রগ লান্না শিজিন্নবা অসি ইন্দিয়াগী ওইনা য়াম্না চাওবা হিরম অমনি। ইন্দিয়া-ম্যানমার ঙমখৈদা ফাওজিলকপা খক্তা নত্তনা দ্রগ ললোনবশিংনা বে ওফ বেঙ্গালগী শমুদ্র লম্বীদা ফাওনবা অসিনা লৈবাক অনি অসিগী অনৌবা অৱাবা মায়োক্নবা অমা ওইরি। এন.বি.সি.না ম্যানমারগা হান্না লৈনরম্বা ই-পাউ পীনবা অমসুং মতেং পীবা অসি লেপ্তনা চৎথরি। 

দি.ই.দি.গী কম্মান্দর পোল. ব্রিগ. জেন. ৱিন নাইংনা য়াবা তেব্লেৎ (মেথামফেতামাইন) মসিনা মরম ওইদুনা মফম অসিদা মোংফম কয়া য়ৌখ্রবা অসি হেনগৎলকপগী অকিবা ফোংদোকখি, অদুম ওইনমক ইন্দিয়া অমসং ম্যানমার অসিগী পীনরিবা মতেং অসি চহি কয়াদগী হেনগৎলক্লি। মহাক্না ইন্দিয়াদা দ্রগ ললোনবা অমসুং মসিদা চেন্নরিবা থাক খুদিংমক অসিগী পাউ পীথোক পীশিন অসি তোইনা পীনবা হেনগৎনবা তকশিনখি। দি.ই.দি.গী কম্মান্দরনা  ভারত সরকার অমসুং এন.সি.বি.বু মখোয়গী লেপ্পা লৈতবা দ্রগকী লান্না শিজিন্নবা হেনগৎলকপগী অকিবা লৈবা অসিবু লান্থেংনরিবা অসিদা থাগৎপা ফোংদোরক্লি।

লৈবাক অনি অসিনা দ্রগ ফাবগী কেসশিং, সাইকোত্রোপিক ওইবা পোৎ-চৈ অমসুং মসিদা চেন্নবা মীওইশিংদা থি-হুম্বা চৎথবদা মতম চানা ইন্তিলিজেন্সগী ওইবা পাউ পীন্নবা অসিদা য়ান্নবা পীনরি। মখোয়না মসি অমগসু য়ান্নখি মদুদি বোর্দর লেবেল ওফিসর/ফিল্দ লেবেল ওফিসরগা ফ্রন্তলাইন্দা লৈরিবা ওফিসরশিং অসিগা চাং নাইনা মিতিং তৌদুনা হান্না লৈরিবা দ্রগ লো এনফোর্সমেন্ত অসি মপাঙ্গল কনখৎহন্বা অসিনি। মসি অমগশু ৱারেপ তানখি মদুদি নিয়ম লান্না চংলকপা অমসুং থোকখিবা অসি পাউ পীনবা।  

মিতিং অসি থাগৎপা অমসুং হরাওবা ফোংদোক্নদুনা হায়রিবা অসি কান্নবা মচাক ওইবা অমসুং আর্থা লৈবা খন্ন-নৈনবা অমসুং তুংদা অসিগুম্বা মতেং পীনবা লোয়ননা ৬শুবা ইন্দিয়া-ম্যানমার নাকন অনিগী দ্রগ কন্ত্রোল কোওপরেসন্দা মিতিং ২০২১ অসি ইন্দিয়াদা পাংথোকপা হায়না ৱারেপ লৌখি।

*****