মশিং য়ামদবা কাংবুগী মন্ত্রালয়

হজ ২০২১গী এপ্লিকেসন ফোর্মশিং পীশিনবগী অরোইবা মতম অদু ২০২১গী জনুৱারী ১০ ফাওবা শাংদোকখ্রে

হজ পিলগ্রিম অমগী এম্বার্কেসন পোইন্তস-ৱাইজ ইস্তিমেতেদ কোস্ত অদুসু হন্থখ্রে: মাইনোরিতী এফিয়র্স্কী মন্ত্রী

Posted On: 10 DEC 2020 2:14PM by PIB Imphal

হজ ২০২১গী এপ্লিকেসন ফোর্মশিং পীশিনবগী অরোইবা মতম অদু ২০২১গী জনুৱারী ১০ ফাওবা শাংদোকখ্রে হায়না মাইনোরিতী এফিয়র্স্কী কেন্দ্রগী মন্ত্রী শ্রী মুখতার অবাস নাখবিনা ফোংদোকখ্রে৷ হজ পিলগ্রিম অমগী এম্বার্কেসন পোইন্তস-ৱাইজ ইস্তিমেতেদ কোস্ত অদুসু হন্থখ্রে৷ ঙসি মুম্বাইদা লৈরিবা হজ হাউস অসিদা ভারতকী হজ কম্মিতীগী মীফম অমদা থৌরম মপু ওইরুরবা মতুংদা শ্রী নাখবিনা প্রেস কনফরেন্স অমদা ৱা ঙাংখ্রে৷

ঙসি ২০২০গী দিসেম্বরগী তাং ১০ অসি হজ ২০২১গী এপ্লিকেসন ফোর্মশিং পীশিনবগী অরোইবা মতমনি হায়না লৈরম্বা অদু হৌজিক্তি মতম অসি ২০২১ জনুৱারী ১০ ফাওবা শাংদোক্লে হায়না শ্রী নাখবিনা ফোংদোকখ্রে৷ হৌজিক ফাওবদা “মেহরাম” কাংলুপকী মখাদা লৈতবা নুপী ৫০০ হেনবগী এপ্লিকেসনশিং য়াওনা এপ্লিকেসন ৪০,০০০ হেন্না হজ ২০২১গীদমক থাজিল্লকখ্রে৷

হজ ২০২০গী ওইনা  “মেহরাম” কাংলুপকী মখাদা লৈতবা (মেল কম্পেনিয়ন) নুপী ২১০০ হেন্না এপ্লাইদ তৌরকখ্রে৷

হায়রিবা নুপীশিং অসিনা হজ ২০২০গীদমক থাজিল্লকখিবা এপ্লিকেসন ফোর্মশিং অদু হজ ২০২১গীসু চৎনবা য়াবা অসিনা মরম ওইরগা হজ ২০২১দা য়াওরগনি৷ অসিগীসু মথক্তা  “মেহরাম” য়াওদনা হজ ২০২১দা শরুক য়াবা পাম্লিবী নুপীশিং অসিদগী অনৌবা ফোর্মশিং অদুসু থাজিল্লকপা য়াগনি৷ “মেহরাম য়াওদবা” কেতিগোরীগী মখাদা লৈরিবা নুপী পুম্নমক লোতরী সিস্তেম অসিদা য়াওহল্লরোই৷ মীয়ামশিং অসিনা ওনলাইন, ওফলাইন অমসুং হজ মোবাইল এপকী খুৎথাংদা এপ্লাই তৌনরক্লি৷

সাউদি অরাবিয়াদগী ফংখিবা ফীদবেক্ত অমসুং এম্বার্কেসন পোইন্তশিং অসিগী মতুং ইন্না য়াম্না কুপ্না খন্নরবা মতুংদা হজ পিলগ্রিম অমগী এম্বার্কেসন পোইন্ত-ৱাইজ ইস্তিমেতেদ কোস্ত অদু হন্থরকখ্রে হায়না শ্রী নাখবিনা ফোংদোকখ্রে৷

হন্থরবা মতুংদা অহমেদবাদ অমসুং মু্ম্বাই এম্বার্কেসন পোইন্তশিং অসিগীদমক হজ পিলগ্রিম অমদা লৈরিবা ইস্তিমেতেদ কোস্ত অদু লুপা ৩,৩০,০০০/-নি;  বেঙ্গলুরু, লখনৌ, দিল্লী অমসুং হায়দরবাদ এম্বার্কেসন পোইন্তশিং অসিগী ওইনা চাওরাক্না লুপা ৩,৫০,০০০/-নি; কোচিন, শ্রীনগর এম্বার্কেসন পোইন্তশিং অসিগীনা চাওরাক্না লুপা ৩,৬০,০০০/-নি; কোলকতা এম্বার্কেসন পোইন্তগীনা চাওরাক্না লুপা ৩,৭০,০০০/-নি অমসুং গুৱাহাতি এম্বার্কেসন পোইন্তগীনা চাওরাক্না লুপা লাখ ৪নি৷

লাইনা-লাইচৎ অসিগী ফিভম অসিগী মতুং ইন্না নেস্নেল-ইন্তরনেস্নেল প্রোতোকোল গাইদলাইনশিং অদু চৎনরগনি অমসুং হজ ২০২১ অসিগী মনুংদা য়াম্না চেকশিন্না মতুং ইল্লগনি হায়না শ্রী নাখবিনা ফোংদোকখ্রে৷  হজ ২০২১ অসি ২০২১গী জুন-জুলাইদা পাংথোক্নবা মতম লেপ্পনি অমসুং মপুং ওইবা হজ প্রোসেস অসি সাউদি অরাবিয়া সরকার অমসুং ভারত সরকারনা কোরোনা লাইনা-লাইচৎ অসি য়েংদুনা ভারত অমসুং সাউদি অরাবিয়াদা লৈরিবা মীয়াম্বু অনা অয়েক য়াওদবা নিংথীজনা হকচাং ফনা লৈনবা সরকার অনি অসিনা ফোংলিবা তঙাই ফদবা গাইদলাইনশিং অসিগী মতুং ইন্না পাংথোক্লগনি হায়না শ্রী নাখবিনা ফোংদোকখ্রে৷

লাইনা-লাইচৎ অসিগী চেলেঞ্জশিং অসিগী এস্পেক্ত পুম্নমক য়েংদুনা মাইনোরিতী এফিয়র্স, এক্সতর্নেল এফিয়র্স, সিভিল এবিয়েসনগী কেন্দ্রগী মন্ত্রালয়শিং; ভারতকী হজ কম্মিতী; সাউদি এরাবিয়াদা লৈরিবা ইন্দিয়ন এম্বেসী অমসুং জেদ্দাহদা লৈরিবা ভারতকী কন্সল জেনেরল অমসুং অতোপ্পা এজেন্সীশিং অসিগী মনুংদা য়াম্না কুপ্না খন্নরবা মতুংদা হজ ২০২১ গী প্রোসেস অসি শেমখিবনি হায়না শ্রী নাখবিনা ফোংদোকখ্রে৷

হজ ২০২১গী এরেঞ্জমেন্তশিং অসি কোরোনা লাইনা-লাইচৎ অসি য়েংলগা অখন্নবা নোর্মশিং, রুলশিং অমসুং রিগুলেসনশিং, ইলিজিবিলিতী ক্রাইতরিয়া, চহীগী ওইবা অথিংবশিং, হেল্থ অমসুং ফিৎনেস রিক্যুর্মেন্তশিং অমসুং সাউদি অরাবিয়া সরকারগী অতোপ্পা মরী লৈনবা কন্দিসনশিং অসিগা লোইননা অখন্নবা সর্কমস্তেন্সেস্কী মখাদা শেমখ্রে হায়না শ্রী নাখবিনা ফোংদোকখ্রে৷ লাইনা-লাইচৎ অসি য়েংলগা মরু ওইবা চেঞ্জেসশিং অসিগা লোইননা মপুং ওইবা হজ ত্রাভেল প্রোসেস অদু পাংথোকখ্রে৷ মসিগী মনুং চল্লিবশিং অদুদি একোমোদেসন, পিলগ্রিমশিংনা লৈবগী মতম, ত্রান্সপোর্তেসন, হেল্থ অমসুং ভারত অমসুং সাউদি অরাবিয়াদা লৈরিবা অতোপ্পা ফেসিলিতীশিং অসিনি৷ লাইনা-লাইচৎ অসিগী ফিভম অসি য়েংলগা হজ ২০২১গীদমক সাউদি অরাবিয়া সরকার অসিদগী ফোংলিবা তঙাই ফদবা গাইদলাইন পুম্নমক য়াম্না চেকশিন্না চৎনরগনি৷ কোরোনা লাইনা-লাইচৎ অসিনা মরম ওইরগা হজ শরুক  য়াননবগীদমক চহীগী ক্রাইতরিয়া অসিদা অহোংবা খরা লাকপা য়াই৷ ইন্তরনেস্নেল এয়র ত্রাভেল প্রোতোকোলগী মতুং ইন্না পিলগ্রিম খুদিংমক্না হজকী খোংচৎ অসি চৎত্রিঙৈ পুং ৭২গী মমাংদা কোরোনা চাংয়েং পাংথোক্কদবনি৷ পিলগ্রিম খুদিংমক্না সাউদি অরাবিয়াগী খোংচৎ অসি চৎত্রিঙৈগী মমাংদা নেগেতিব রিজল্তকা লোইননা এপ্রুব তৌরবা লেবোরেতরীনা ইসু তৌবা পি.সি.আর. তেস্ত সর্তিফিকেৎ অমা পিশিনগদবনি৷

লাইনা-লাইচৎ অসিগী ফিভম অমসুং এয়র ইন্দিয়া অমসুং অতোপ্পা এজেন্সীশিং অসিদগী ফংলিবা ফীদবেক্ত অসি য়েংলগা হজ ২০২১গীদমক লৈরিবা এম্বার্কেসন পোইন্তশিং অদু ১০দা হন্থখ্রে৷ মমাংগী মতমদা লৈবাক অসি শিনবা থুংনা হজ এম্বার্কেসন পোইন্ত ২১ লৈরম্মী৷ হজ ২০২১গী ওইনা লৈরিবা এম্বার্কেসন পোইন্ত ১০ অদুদি- অহমেদবাদ, বেঙ্গলুরু, কোচিন, দিল্লী, গুৱাহাতি, হায়দরবাদ, কোলকতা, লখনৌ, মুম্বাই অমসুং শ্রীনগরনি৷

অহমেদবাদ এম্বার্কেসন পোইন্তনা গুজরাতকী মফম পুম্নমক মনুং চল্লগনি; বেঙ্গলুরু এম্বার্কেসন পোইন্তনা কর্নতকাগী মফম পুম্নমক মনুং চল্লগনি; কোচিন(কেরলা, লক্সদ্বীপ, পুদুচেরী, তামিল নাদু, অন্দামন অমসুং নিকোবর); দিল্লী(দিল্লী, পঞ্জাব, হরিয়ানা, হিমাচল প্রদেশ; চান্দিগর, উত্তরখন্দ, রাজস্থান, উত্তর প্রদেশকী নোংচুপ থংবা জিলাশিং; গুৱাহাতি(অসাম, মেঘলয়, মনিপুর, অরুনাচল প্রদেশ, সিক্কিম, নাগালেন্দ); কোলকতা(ৱেস্ত বেঙ্গল, ওরিশা, ত্রিপুরা, ঝর্খন্দ, বিহার); লখনৌ(উত্তর প্রদেশকী নোংচুপ থংবা শরুক য়াওদনা অতোপ্পা মফম পুম্নমক); মুম্বাই(মহারাস্ত্র, গোৱ, মধ্য প্রদেশ, ছত্তিশগর, দামন অমসুং দিয়ু, দাদর অমসুং নগর হেভেলি) অমসুং শ্রীনগর এম্বার্কেসন পোইন্ত অসিনা জম্মু-কশ্মীর, লেহ-লদাখ-কার্গিল মনুং চল্লগনি৷

ঙসি পাংথোকখিবা মীফম অসিদা মাইনোরিতী এফিয়র্স্কী কেন্দ্রগী মন্ত্রালয়গী সেনিয়র ওফিসিয়েলশিং; ভারতকী হজ কম্মিতীগী সি.ই.ও. শ্রী এম.এ.খান অমসুং অতোপ্পা ওফিসিয়েলশিংনা শরুক য়াখি৷

*****



(Release ID: 1679770) Visitor Counter : 2