হেলথ অমসুং ফেমিলি ৱেলফিয়র, সাইন্স অমসুং তেক্নোলোজি, অমসুং আর্থ সাইন্সকী য়ুনিয়ন মিনিস্তর দাঃ হার্শ বর্ধন্না ৬শুবা ইন্দিয়া ইন্তরনেস্নেল সাইন্স ফেস্তিবেল ২০২০ (আই.আই.এস.এফ.-২০২০)কী শরক অমা ওইনা আই.সি.এম.আর.-নেস্নেল ইন্সতিত্যুৎ ওফ রিসর্স ইন ত্রাইবেল হেলথনা জাবলপুরদা পাংথোকখিবা ভর্চুএল ওইবা মাইখুম হাংদোকপগী থৌরমদা দিজিতেল ওইনা ৱা ঙাংখি।

৬শুবা আই.আই.এস.এফ.-২০২০ অসি কাউন্সিল ওফ সাইন্তিফিক অমসুং ইন্দস্ত্রীএল রিসর্স (সি.এস.আই.আর.)না ইন্দিয়ন কাউন্সিল ওফ মেদিকেল রিসর্স (আই.সি.এম.আর.), দিপার্তমেন্ত ওফ সাইন্স অমসুং তেক্নোলোজি (দি.এস.তি.), মিনিস্ত্রী ওফ আর্থ সাইন্স (এম.ও.ই.এস.), দিপার্তমেন্ত ওফ বাইওতেক্নোলোজি (দি.বি.তি.) অমসুং ভিজনানা ভারাতি (ভি.আই.বি.ঐচ.এ.)গা খুৎশম্নদুনা শিনবনি।

মহাক্না ৱা ঙাংলদুনা, দাঃ হার্শ বর্ধন্না হায় মদুদি, “২০১৫দা লিংখৎখিবা আই.আই.এস.এফ. অসিনা ঐখোয়গী প্রজাগী পুন্সি মহিং অসি ফগৎনবা সাইন্স অমসুং মসিগী শিজিন্নফম অসি চাওখৎপা অসি উৎতুনা লৈ। অসিগুম্বা আই.সি.এম.আর. – এন.আই.আর.তি.ঐচ., জাবলপুরনা শিনবা মাইখুম হাংদোকপগী থৌরম অসিদা শরুক য়াদুনা ফম্বা অসি য়াম্না লেমজনিঙাইনি”।              

আই.সি.এম.আর. – এন.আই.আর.তি.ঐচ., জাবলপুর অসি অমত্তা ঙাইরবা ত্রাইবেল মীশিং প্রজাগীদমক থৱাই হকচাং য়াওনা বাইওমেদিকেল রিসর্স অসি হকশেল অমসুং সমাজগী ওইবা হিরম অসিদা নুঙাইবা ফোংদোক্লদুনা মহাক্না হায়খি, “ত্রাইবশিং অসিনা ইন্দিয়ন সংস্কৃতীদা অমত্তা ঙাইরবা তোপ-তোপ্পা অমসুং মচু কয়াগী মতাং অমা ওইরি। ঐখোয়গী ত্রাইবেলশিং অসিগী পুন্সি মহিং অসি থাজবা, কস্তম, ভেল্যু অমসুং চৎনবিশিং অসি মহৌশাগা লোয়ননা চৎলি। মসিগী পুন্সি মহিং অসিনা মহৌশানা পীরকপা অসি ইন্দবা তৌদে অমসুং হায়রিবা অসিনা মখোয়বু লায়না কয়াদগী ঙাকথোকপা ঙম্মী। অদুম ওইনমক, ঐখোয়গী ত্রাইবেলগী মশিং প্রজাশিং অসি চিঞ্জাক শুনা চাবা ফংদবা, জেনেতিক্কী ওইবা মওং মরিল চাদবা অমসুং লৌনগনবা লায়না কয়া অমা মায়োক্নরি”।  

মহাক্না মখা তানা হায় মদুদি, “অয়াম্বনা য়ৌবা ৱাবা মফমদা লৈখিবনা, ঐখোয়গী ত্রাইবেল মীশিং প্রজাশিং অসি মশক থোক্না খুমাং চাওশিল্লবা সাইন্স, তেক্নোলোজি লোয়ন লোয়ননা মীয়ামগী ওইবা হকশেলগী থবকশিং অসিগী কান্নবা ফংবা ঙমদে”।

দাঃ বর্ধন্না মরুওইবা পীরদুনা হায় মদুদি ত্রাইবেলগী মীশিং অসি মশা ফনা লৈহনবা অমসুং নুঙাই-য়াইফনা লৈবা অসি ঐখোয়গী সরকার অসিগী খ্বাইদগী হেন্না মরু ওইবা অমনি। “মসিগী মতাংদা ঐখোয়না তপ্না খোঙথাং কয়া অমা লৌখৎলি। ২০১৮দা, এক্সপার্ত কম্মিত্ অমা হেলথ অমসুং ফেমিলি ৱেলফিয়রগী মিনিস্ত্রী অমসুং ত্রাইবেল এফিয়র্সগী মিনিস্ত্রীনা পুন্না শেমদুনা, মরুওইবা হিরম ১০ থিদোকখি হায়রিবা অসিনা ত্রাইবশিং অসিবু নুঙাই য়াইফনা লৈনবা অমসুং মসিদা থবক তৌবা হৌখ”,হায়না মহাক্না হায়খি।

য়ুনিয়ন মিনিস্তরনা আই.সি.এম.আর.বু মখোয়গী তোপ-তোপ্পা বাইও-মেদ্কেল অসিদা কত্থোক্লিবা অসিদা থাগৎপা ফোংদোক্লি। আই.সি.এম.আর.- এন.আই.আর.তি.ঐচ., জাবলপুরবু য়ৌবা ঙমদবা মফমশিংদা চাওখৎ খোঙথাং কয়া লৌখৎপগীদমক থাগৎপা ফোংদোক্লি, অমসুং মহাক্না হায়খি মদুদি, “ আই.সি.এম.আর.- এন.আই.আর.তি.ঐচ.অসিনা মায় পাক্না পি.পি.পি. মোদেলশিং হায়বদি সাহারিয়া ত্রাইবশিংদা ত্যুবরকুলোসিস হন্থহনবা অমসুং মধ্যা প্রদেশকী মন্দলা দিস্ত্রীক্তা মেলারিয়াগী কেসশিং অসি হন্থহনবা অসি উৎলি। মসিগী য়াম্না মমিং লৈরবা ইন্সতিত্যুৎ অসিনা থৌরাং কয়া অমা লাকশিন্নবা হোৎনরি মদুদি এনামিয়া ঙাকথোকপা, হোমোগ্লোবিনগী ওইবা অনাবা হায়বদি সিকল-সেল লায়না অসি ঙাকথোক্লি”।  

দাঃ বর্ধন্না আই.আই.এস.এফ.-২০২০বু শরুক য়ানবা মীপুম খুদিংবু কৌরি হায়রিবা অসি ভর্চুএলি ওইনা ২০২০গী দিসেম্বরগী ২২দগীনা দিসেম্বরগী ২৫ ফাওবা পাংথোক্কদৌরিবনি। ““ইন্দিয়া ইন্তরনেস্নেল সাইন্স ফেস্তিবেল অসিনা ৱাখলগী ক্রোস-পোল্লিনেসনগী মফম অমা পীদুনা ঐখোয়গী প্রজাশিংদা অফবা পুন্সি মহিং অমা পীনবা হেন্না ফবা পোরম য়াৎপদা মতেং পীরি। ঐহাক্না নৌনা ইনখৎলক্লিবা রিসর্সরশিং অমসুং সাইন্তিস্তশিংবু অমত্তা ঙাইরবা ফম্বাক অসিদা য়াওরনবা অমসুং সাইন্স অমসুং সোসাইতি অসিদী লৈরিবা অহোবা অসিদা মতেং তৌগদবনি” হায়না মহাক্না হায়খি।

দাঃ সামিরান পন্দা, দাইরেক্তর অমসুং সাইন্তিস্ত জি, শ্রী জায়ান্ত সাহাসরাবুধে নেস্নেল ওর্গানাইজিং সেক্ত্রেতরী, বিজনানা ভারাতি (ভি.আই.বি.ঐচ.এ.), দাঃ আপারুপ দাস, দাইরেক্তর, আই.সি.এম.আর.- এন.আই.আর.তি.ঐচ., জাবলপুর, অতোপ্পা মকোক থোংবা সাইন্তিস্তশিং অমসুং মখোয়গী তীমশিং অসিনা থৌরম অসিদা শরুক য়াখি।

*****