ঙসি য়ুনিয়ন ইজুকেসন মিনিস্তর শ্রী রমেস পোখ্রিয়াল ‘নিশঙ্ক’না য়ুনাইতেদ অরাব ইমিরেতসকী ইজুকেসন মিনিস্তর হুসেন বিন ইব্রাহিম অল হাম্মাদিগা ভর্চুএল মীফম অমা পাংথোকখ্রে। মীফম অদুদা পব্লিক ইজুকেসনগী রাজ্য মন্ত্রী জামিলা অল মুহাইরি অমসুং ভারত্তা লৈবা য়ু.এ.ইগী এম্বেসেদর দোক্তর অহমদ অব্দুল রহমন অল বান্না শরুক য়াখি। হয়র ইজুকেসনগী সেক্রেতরি শ্রী অমিত খারে, ইজুকেসন মিনিস্ত্রিগী সেনিয়র ওফিসিএলশিং অমসুং য়ু.এ.ইগী ইজুকেসন মিনিস্ত্রিগী ওফিসিএলশিংসু মীফম অদুদা শরুক য়াখি।

য়ুনাইতেদ অরাব ইমিরেতসকী ইজুকেসন মিনিস্তর হুসেন বিন ইব্রাহিম অল হাম্মাদিনা নেসনেল ইজুকেসন পোলিসি-২০২০ থাগৎলদুনা হায়খি পোলিসি অসি পান্দম লৈবা দোকুমেন্ত অমনি অমসুং মসিনা মহৈরোয়শিং চাউখৎহন্নবা থবক পায়খৎকনি। ইজুকেসনগী লমদা নাকল অনিমক মতেং পাংনবগী খুদোংচাবা লৈরি অমসুং ইজুকেসনগী লমদা মতম শাংনা মতেং পাংনবা হেনগৎহন্নবা লৈবাক অনি পুন্না থবক তৌমিন্নগনি।

শ্রী পোখ্রিয়ালনা হায়খি ভারত অমসুং য়ু.এ.ই অচেৎপা মরী লৈনরি অমসুং নাকল অনিমক্না ইজুকেসনগী লমদা মতেং পাংনবা হেনগৎহন্নবা থবক তৌমিন্নরি। মখা তানা ৱারি শানদুনা অমসুং তোঙান-তোঙানবা থাকশিংদা মতম শাংনা মতেং পাংদুনা ইজুকেসনগী লমদা মখা তানা ঐখোয়গী অকনবা মরীশিং থম্নবা পান্দমদা মীফম অসি পাংথোকপনি।

ভারত্তা লাইরিক তম্বা হায়বা ঐখোয়গী থৌরমগী মখাদা য়ু.এ.ইগী মহৈরোয়শিং ভারত্তা লাইরিক তম্বা লাক্নবা মিনিস্তরনা খঙহনখি অমসুং জিয়ান প্রোগ্রামগী মখাদা ভারতকী য়ুনিভর্সিতিশিংদা অতেনবা কোর্সশিং শরুক য়ানবা ভারত্তা অহেনবা ফেকলতিশিং লাক্নবা খঙহনখি।

এন.ই.পি-২০২০গী মতাংদা মিনিস্তরনা হায়খি মসি লৈবাক অসিগী লাইরিক-লাইশু তম্বগী থবকশিংদা অহোঙবা পুরক্কদবা য়াম্না খুমাঙ চাউশিনবা থৌশিল অমনি। মসিনা মালেমগী চৎনরিবা তাকপী-তম্বীবগী থবকশিংগা চুশিন্নবা ঙমগনি। থৌশিল অসিনা মহৈরোয়শিং ময়াইদা থম্লি অমসুং মখোয়না অপাম্বা সবজেকশিং খন্নবগী খুদোংচাবশিং পীরগনি। পুন্সি চুপ্পা লাইরিক তম্নবা অমসুং স্তেনেবল দিবলপমেন্তগী ২০৩০ এজেন্দাগী মখাদা এস.দি.জিগী পান্দমশিং ফংনবা অমসুং খুদোংচাবা ফংহনবা, অচুম্বা, মগুন লৈবা, মমল হোঙনা ফংহনবা অমসুং মরম চাবগী য়ুম্ফমগী য়ুম্বীশিংদা এন.ই.পি অসি শেমগৎপনি।

শ্রী পোখ্রিয়ালনা মখা তানা হায়খি লাইরিক-লাইশু তম্বা অসি মালেমগী থাক্তা পুখৎনবা মিৎয়েং চঙলে। মসিগীদমক অৱাংবা থাক্কী মহৈলোয়শঙশিংদা মপান লৈবাকশিংগী ওফিসশিং হাংদোক্নবা, অফবা লৈফমশিং ফংহন্নবা অমসুং তাকপী-তম্বীবগী থবকশিং মগুন হেনগৎহন্নবা, মালেমগী করিকুলমশিংগা চুন্নবা ভারতকী থবকশিং শেমদোকপা অমসুং ভারত অমসুং মপানগী য়ুনিভর্সিতিশিংগা মরক্তা দুএল দিগ্রি অমসুং জোইন্ত দিগ্রিশিং লৈনবা নিয়মশিং শেম্নবা থৌরাং তৌরে। ভারতকী য়ুনিভর্সিতিশিংদা মিংচন্নবা কোর্সশিং অকুপ্পশিং য়াওরবা কম্মন পোর্তেল অমা হাংদোক্লগনি। ঐখোয়গী অনৌবা থৌশিল অসিগী মখাদা লৈবাক অনিগী মহৈলোয়শঙশিংগী মক্তা মতেং পাংনবা হেনগৎকনি হায়বগী থাজবা থম্লি।

শ্রী পোখ্রিয়ালনা হায়খি ইজুকেসনগী লমদা ভারত অমসুং য়ু.এ.ইগী মরক্তা মতেং পাংন্নবা এম.ও.য়ু অমা খুৎয়েক পীন্নবা অরোইবা তাঙ্কক্তা অমদা লৈরে। মসিনা ঐখোয়গী লৈবাকশিংগী অৱাংবা থাক্কী মহৈলোয়শঙশিংগী মরক্তা মতেং পাংনবা হেনগৎহনগনি। লৈবাক অনিগী মরক্তা লাইরিক-লাইশু তম্বগী মতাংদা মতেং পাংনবা হেনগৎহন্নবা মহাক্কী থৱায় য়াওবগীদমক মহাক্না য়ু.এ.ইগী ইজুকেসন মিনিস্তর থাগৎখি।

*****