ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ପ୍ରଧାନମନ୍ତ୍ରୀ ଏବଂ କତାରର ଅମୀର ମହାମହିମ ଶେଖ ତମିମ ବିନ ହମାଦ ଅଲ-ଥାନିଙ୍କ ମଧ୍ୟରେ ଟେଲିଫୋନ ବାର୍ତ୍ତାଳାପ
Posted On:
08 DEC 2020 1:55PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଟେଲିଫୋନ ଯୋଗେ କତାରର ଅମୀର ମହାମହିମ ଶେଖ ତମିମ ବିନ୍ ହମାଦ ଅଲ-ଥାନିଙ୍କ ସହ କଥା ହୋଇଛନ୍ତି ।
ଆଗାମୀ ଜାତୀୟ କତାର ଦିବସ ପାଇଁ ପ୍ରଧାନମନ୍ତ୍ରୀ ମହାମହିମ ଅମୀରଙ୍କୁ ଶୁଭେଚ୍ଛା ଜଣାଇଥିଲେ । ପ୍ରଧାନମନ୍ତ୍ରୀଙ୍କ ଏହି ଶୁଭେଚ୍ଛା ପାଇଁ କତାର ଅମୀର ଧନ୍ୟବାଦ ଜଣାଇଥିଲେ । କତାରରେ ଅବସ୍ଥାପିତ ଭାରତୀୟ ସଂପ୍ରଦାୟଙ୍କ କତାରର ଜାତୀୟ ଦିବସ ପାଳନ ଅବସରରେ ଉତ୍ସାହର ସହ ଅଂଶଗ୍ରହଣକୁ ନେଇ ଆମୀର ପ୍ରଶଂସା କରିଥିଲେ । ନିକଟରେ ହୋଇଥିବା ଦୀପାବଳି ପର୍ବ ପାଇଁ ସେ ପ୍ରଧାନମନ୍ତ୍ରୀଙ୍କୁ ଶୁଭେଚ୍ଛା ଜଣାଇଥିଲେ ।
ଦୁଇ ନେତା ପୁଞ୍ଜି ବିନିଯୋଗ ଏବଂ ଶକ୍ତି ନିରାପତ୍ତା କ୍ଷେତ୍ରରେ ଉଭୟ ଦେଶ ମଧ୍ୟରେ ଦୃଢ ସହଯୋଗ ଉପରେ ଆଲୋଚନା କରିଥିଲେ । କତାର ନିବେଶ ପ୍ରାଧିକରଣ ଦ୍ଵାରା ଭାରତରେ ପୁଞ୍ଜି ବିନିଯୋଗକୁ ଅଧିକ ସୁଗମ କରିବା ପାଇଁ ସେମାନେ ଏକ ସ୍ୱତନ୍ତ୍ର ଟାସ୍କ-ଫୋର୍ସ ଗଠନ କରିବାକୁ ନିଷ୍ପତ୍ତି ନେଇଥିଲେ ଏବଂ ଭାରତର ସମଗ୍ର ଶକ୍ତି ମୂଲ୍ୟ-ଶୃଙ୍ଖଳରେ କତାରର ନିବେଶ ବୃଦ୍ଧି ନେଇ ମଧ୍ୟ ଅନୁସନ୍ଧାନ କରିବାକୁ ନିଷ୍ପତ୍ତି ନେଇଥିଲେ ।
ଉଭୟ ନେତା ନିୟମିତ ଯୋଗାଯୋଗରେ ରହିବାକୁ ରାଜି ହୋଇଥିଲେ ଏବଂ କୋଭିଡ-19 ମହାମାରୀ ଦ୍ଵାରା ଜନସ୍ୱାସ୍ଥ୍ୟ ବ୍ୟବସ୍ଥା ସ୍ଵାଭାବିକ ହେବା ପରେ ବ୍ୟକ୍ତିଗତ ଭାବରେ ସାକ୍ଷାତ କରିବା ପାଇଁ ଇଚ୍ଛା ପ୍ରକଟ କରିଥିଲେ ।
**********
(Release ID: 1679210)
Visitor Counter : 238
Read this release in:
English
,
Urdu
,
Marathi
,
Hindi
,
Manipuri
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam