রেলৱে মন্ত্রালয়
মেত্রো রেলৱে কোলকতানা দিসেম্বর ০৭, ২০২০দগী ত্রেন সর্ভিস ২০৪ চেল্লগনি
রেলৱেজ, কম্মর্স অমসুং ইন্দস্ত্রী, কঞ্জুমর এফ্যার্স, চীঞ্জাক অমসুং পব্লিক দিস্ত্রিব্যুসন মন্ত্রী শ্রী পিয়ুস গোয়লনা কোলকতা মেত্রোবু মখোয়গী সর্ভিস পাকথোক চাউথোকহনবগীদমক থাগৎখ্রে
Posted On:
05 DEC 2020 1:24PM by PIB Imphal
কোলকতা মীয়ামগীদমক পেসেঞ্জরগী খুদোংচাবা হেনগৎহন্ননবা কোলকতা মেত্রোনা অহেনবা সর্ভিস হৌদোক্নবা অমদি মখোয়গী সর্ভিসকী মতম নিংথৌকাবা (হায়বদি দিসেম্বর ০৭, ২০২০) নুমিত্তগী শাংদোক্নবা ফিরেপ লৌরে।
মেত্রো রেলৱে, কোলকতানা ০৭.১২.২০২০ (নিংথৌকাবা) নুমিত্তগী হৌরগা নিংথৌকাবদগী থাংজ ফাওবদা সর্ভিস ১৯০গী মহুত্তা নুংতিগী সর্ভিস ২০৪ চেল্লগনি।
রেলৱেজ, কম্মর্স অমসুং ইন্দস্ত্রী, কঞ্জুমর এফ্যার্স, চীঞ্জাক অমসুং পব্লিক দিস্ত্রিব্যুসন মন্ত্রী শ্রী পিয়ুস গোয়লনা কোলকতা মেত্রোবু মখোয়গী সর্ভিস পাকথোক চাউথোকহনবগীদমক ত্বীত অমদা থাগৎখ্রে।
অহানবা সর্ভিস মায়কৈ অনিদগী হায়বদি দম দম অমসুং কাবি সুভাসতগী পুং ০৮.০০গী মহুত্তা পুং ০৭.০০ তাবা মতমদা অদুগা নাউপরাদগী পুং ০৮.০৯গী মহুত্তা পুং ০৭.০৯দগী হৌগনি।
নিংথৌকাবা নুমিত্তগী হৌরগা অকোনবা সর্ভিস কাবি সুভাস অমসুং দম দমদগী পুং ২১.০০গী মহুত্তা পুং ২১.৩০দা অদুগা নাউপরাদগী পুং ২০.৫৫গী মহুত্তা পুং ২১.২৫তা লমথারক্কনি। অয়ুক অমসুং নুমিদাংৱাইরমগী পীক মতমদা মিনত ৭ খুদিংগী সর্ভিস লৈগনি।
অহল ওইরবশিং, নুপীশিং অমদি অঙাঙশিংগী (চহী ১৫গী মখা) ওইনা নুমিৎ চুপ্পা ই-পাস মথৌ তারোই। অতৈ পেসেঞ্জরশিংগীদমক্তদি অয়ুক পুং ০৭.০০ দগী ০৮.৩০ ফাওবা অমদি নুমিদাংৱাইরম পুং ২০.০০গী মতুংদা মথৌ তারোই।
তোকন অমত্তা পীরোই, স্মার্ত কার্দখক্তমক শীজিন্নগনি।
*****
(Release ID: 1678552)
Visitor Counter : 190