পেত্রোলিয়ম অমসুং নেচরেল গ্যাস অমদি স্তীল মন্ত্রী শ্রী ধরমেন্দ্র প্রধান্না সাইন্তিফিক কম্ম্যুনিতীদা ইনোভেত ফোর ইন্দিয়া (আই.৪.আই.)গী থবক পায়খত্তুনা ভারতপু মরোমদোম লেপচবা ঙমহন্নবা হিদান্নবগী খুদোংচাবা শেমগৎনবা ৱাফম থমখ্রে‍। ভারত লৈঙাক্কী সাইন্স অমসুং তেক্নোলোজী, আর্থ সাইন্সেস, হকশেল অমসুং য়াইফ-য়ুম্বাল মন্ত্রালয়শিংনা পাঙথোকপা ৬শুবা ইন্দিয়া ইন্তরনেসনেল সাইন্স ফেস্তিবেল ২০২০গী য়ুখল হাইদোকপগী থৌরমদা ৱা ঙাঙলদুনা মহাক্না সাইন্তিস্তশিংবু মালেমগী খ্বাইদগী ফবশিংগা চাংদম্নবা ঙমগদবা পোত্থোকশিং অমদি সর্ভিসশিং শেমগৎনবা ৱাফম থমখি‍। থৌরমদু “মরোমদোম লেপচবা ভারত অমসুং মালেমগী য়াইফনবা” হায়বা হীরমদা পাঙথোকখিবনি‍।

খুন্নাই অমা চাওখৎহনবদা সাইন্স অমসুং ইনোভেসনগী থৌদাংগী মতাঙদা পল্লদুনা শ্রী প্রধান্না হায়খিবদা কোবিদ-১৯ লাইচৎ অসিনা হীরম খুদিংদা সাইন্তিফিক ৱাখল লৌশিং অমসুং ইনোভেসনগী ইন্সতিত্যুসনেল অমসুং ইন্দস্ত্রিএল মঙম শেমগৎপা অমদি কনখৎহনবা মথৌ তাই হায়বসি অমুক্কা হন্না উৎলে‍। ইকায় খুম্নরবা প্রধান মন্ত্রী শ্রী নরেন্দ্র মোদীগী ‘আত্মনিরভর ভারত’কী মঙলানগী মতাঙদা পল্লদুনা আত্মনিরভর ভারত হায়বসি মশাগী মথৌ তাবদু কোন্নজবা ঙমবখক নত্তনা ‘বাসুদৈব কুতুম্বুকম’গী পরিংদা চৎলিবা মালেমগী কাঙলুপশিংগী ৱাখলগী মৈরা অমসুনি হায়না মহাক্না হায়খি‍।

মন্ত্রী প্রধান্না ফোঙদোকখিবদা ভারতনা মরোমদোম লেপচবা ঙম্নবা হোৎনরিবা অসি শেন্মিৎলোন চাউখৎহন্নবা অমদি খুন্নাইগী কান্ননবা সাইন্স অমসুং তেক্নোলোজী মওং চুম্না শীজিন্নবা য়াওদনা ওইথোকপা ঙম্লোই‍। চাউরবা আর. এন্দ দি. সিস্তেম অমগী খুত্থাঙদা ঐখোয়না খ্বাইদগী ফবা পোত্থোকশিং অমসুং সর্ভিসশিং পুথোকপা য়াই, হান্না লৈরম্লিবা মওং অমদি থৌওংশিং হেন্না মতিং লৈহনবা য়াই‍। ভারতকী ইনাক খুল্লবা সাইন্তিফিক অমসুং চৈশিংলোনগী ৱাখল্লোনশিংবু অনৌবা মতমগী থিজিন হুমজিনবগী সাইন্তিফিক থৌওংশিংগা পুনশিন্নদুনা হায়রিবা চৎনরম্লিবশিংগী মরুমদা লৈরিবা অরোনবা কয়া পুথোক্তুনা মখোয়গী কাঙলোনগী নাইনা পুথোকরক্নবগীদমক মহাক্না সাইন্তিফিক কম্ম্যুনিতীদা হায়খি‍।

স্পেস এক্সপ্লোরেসন, লৌউ-শিংউ, ফার্মানচিংবা তোঙান তোঙানবা লমশিংদা ভারতনা থাংজিল্লিবা খোঙথাঙসিবু থৌদুনা পুবগীদমক্তা সাইন্তিফিক কম্ম্যুনিতীবু থাগৎলদুনা শ্রী প্রধান্না মখোয়গী মফমদা ইন্দস্ত্রী অমসুং খুন্নাইগী তশেংবা ৱাফমশিংগী ৱারোইশিন পুথোক্নবগীদমক্তা হেন্না কন্না হোৎননবা ৱাফম থমখি‍।

***