২০২০গী দিসেম্বরগী তাং ০৪দা ন্যু দিল্লীদা আর্ম ফোর্সেস ফ্লেগ দে সি.এস.আর. কনক্লেবকী অনিশুবা ইদিসন ৱেবিনার অমা ওইনা পাংথোকখ্রে৷ রক্সা মন্ত্রী শ্রী রাজনাথ সিংহনা ৱেবিনার অসিদা থৌরম মপু ওইদুনা অসুম্না ফোংদোকখ্রে, লৈবাক অসি চাওখৎনবা হোৎনবদা প্রাইভেৎ সেক্তরগী রোল অমসুং তঙাই ফদবা অদু সরকার অসিনা মশক খঙলে৷ ২০১৪দগী হৌদুনা এন.দি.এ.না শক্তি পাইরকপদগী সরকার অসিনা লৈরিবা প্রাইভেৎ সেক্তর অসি চাওখৎনবা হোৎনখ্রে৷ মমাংগী মতমদা দিফেন্স সেক্তরদা প্রাইভেৎ সেক্তর য়াওহল্লমদবা অদু হৌজিক্তি প্রাইভেৎ সেক্তরশিংবু য়াওশিন্নবা পুক্নিং চিংশিল্লি হায়না রক্সা মন্ত্রী অদুনা ফোংদোকখ্রে৷

লৈবাক অসিগী ইকাই খুম্নবা মাংদনবা অমসুং ঙাক্তুনা থম্নবা লান্থেংনবদা করিগুম্বা মতমদা ঐখোয়গী ফোর্সশিং পুন্সি থাখিবা য়াওই হায়না রক্সা মন্ত্রীনা ফোংদোকখ্রে৷ “মরম অদুনা থৱাই থাখ্রবা লান্মী অমসুং নাম্মা শোইহৌরবা লান্মীশিং অসিগী য়াইফনবা অমসুং রিহেবিলিতেসন পাংথোকপা অসিনা লৈবাক মীয়াম পুম্নমক্কী থৌদাং ওইরি” হায়না রক্সা মন্ত্রীনা ফোংদোকখ্রে৷ “এ.এফ.এফ.দি. ফন্দদা কন্ত্রিব্যুত তৌদুনা মসিগী থৌদাং অসি পাংথোকপদা ফ্লেগ শিপ দে অসিনা ঐখোয়দা খুদোংচাবা অমা ফংহল্লে৷ ঐখোয়গী এক্স-সর্ভিস্মেনশিংগী থৌনা(ই.এস.এম.) অদু নিংশিংদুনা কোবিদ ১৯ লাইনা-লাইচৎ অসিগী লুরবা মতম অসিদা কন্ত্রেক ত্রেসিং, কম্ম্যুনিতী সর্ভিলেন্স অমসুং ক্বারেন্তিন মেনেজমেন্তগুম্বা থবকশিংদা মখোয়না লোকেল এদমিনিস্ত্রেসন্দা মতেং পাংখ্রে৷

মমাংগী চহী খরা অসিগী মনুং অসিদা সি.এস.আর.গী খুৎথাংদা ইন্দিয়ন ইন্দস্ত্রীগী পুকচেল চাওবা কনত্রিব্যুসন অসিনা এ.এফ.এফ.দি.এফ.তা কা হেন্না ৱাংহল্লে হায়না রক্সা মন্ত্রীনা ফোংদোকখ্রে৷ মমাং চহীগী এ.এফ.এফ.দি. ফন্দদা ইন্দস্ত্রীশিংনা মখোয় মখোয়গী কনত্রিব্যুসনশিং অদুগীদমক ইন্দস্ত্রী অসিবু মহাক্না থাগৎপা ফোংদোকখ্রে অমসুং অসিগুম্বা মরম অসিদা লেপ্পা লৈতনা মতেং পাংনবা মখোয়দা হায়জখ্রে৷

কেন্দ্রিয় সাইনিক বোর্দ(কে.এস.বি.)না এক্স-সর্ভিস্মেন্ত অমসুং মখোয়গী দিপেন্দেন্তশিং অসিগী য়াইফ থৌরাংগীদমক লেপ্পা লৈতনা হোৎনরি হায়না এক্স-সর্ভিস্মেন্ত দিপার্তমেন্তগী সেক্রেতরী শ্রী রবিকান্তনা ফোংদোকখ্রে৷ আর্ম ফোর্সেস ফ্লেগ দে ফন্দদা য়াইফ থৌরাংগী স্কিমশিংগী ফন্দ থাদোরকখিবা কনক্লেব অসিগীদমক সেক্রেতরী, কে.এস.বি. এয়র কোম্মোদোর বি. অহলুৱলিয়ানা থাগৎখ্রে৷ কে.এস.বি. অসি এক্স-সর্ভিস্মেন্ত অমসুং মখোয়গী দিপেন্দেন্তশিং অসিগী য়াইফ থৌরাংগী অমসুং রিহেবিলিতেসনগীদমক পোলিসীশিং শেম্লিবা ভারত সরকারগী এপেক্স বোদীনি৷ এ.এফ.এফ.দি.এফ. অসি কে.এস.বি.না চলাইরি৷

এ.এফ.এফ.দি. ফন্দ অসি দ্যুতী তৌবদা থৱাই কৎখ্রবা নত্রগা নাম্মা শোইহৌরবা লান্মীশিং, অহল ওইরবশিং, পেন্সন ফংদবশিং, লুখ্রাবীশিং অমসুং মমা-মপা কাইনরবা অঙাংশিংগী য়াইফ থৌরাংগী অমসুং রিহেবিলিতেসনগীদমক শিজিন্নৈ৷ মখোয়শিং অসিদা তোঙান তোঙানবা স্কিমশিং খুদম ওইনা পেনরী গ্রান্ত, এদজুকেস্নেল গ্রান্ত, লুখ্রাবী/মচানুপী লুহোংবগী গ্রান্ত অসিনচিংবশিং অসিগী খুৎথাংদা শেলগী ওইবা মতেং ফংহল্লি৷

হৌজিক হৌজিক্কী ওইনা ঙন্না সুপরএনুয়েসন পীবা অসিনা মরম ওইরগা ই.এস.এম. লাখ ৩২ হেন্না লৈরে অমসুং ই.এস.এম. ৬০,০০০রোমগী চাংদা লুখ্রাবী লাখ তরুকরোম চহী খুদিংগী ওইনা হেঙ্গৎলক্লি৷

কোর্পোরেত কনত্রিব্যুসনশিং অসিনা “আর্ম ফোর্সেস ভেতরানশিং, ৱার রিদোশিং অমসুং মখোয়গী দিপেন্দেন্তশিং অসিগী কান্নবগীদমক লৌখৎখিবা খোংথাংশিং” অসিগীদমক ২০১৩গী কম্পেনী এক্তগী সেক্সন ১৩৫গী(২০১৩গী কম্পেনী এক্তকী সেক্সনক্লোস VIIগী ক্লোস VI) মখাদা সি.এস.আর. ওব্লিগেসন অসি মপুং ফাহন্ননবগীদমক এ.এফ.এফ.দি.এফ.তা কোর্পোরেতশিংনা কন্ত্রিব্যুসন তৌবা য়াহল্লি৷

এ.এফ.এফ.দি.এফ.তা কন্ত্রিব্যুসনশিং তৌবা অসি ইনকম তেক্স এক্ত ১৯৬১গী সেক্সন ৮০ জি (৫) (vi)গী মখাদা ইনকম তেক্স থিহন্দে৷

কনক্লেব অসিদা দিফেন্স প্রদক্সন সেক্রেতরী শ্রী রাজ কুমার অমসুং ইন্দস্ত্রী লিদরশিং অমসুং সি.এস.আর. হেদশিংনা শরুক য়াখি৷

আর্ম ফোর্সেস ফ্লেগ দে অসি লৈবাক অসি শিনবা থুংনা মমাংগী চহীগুম্না হন্দক্কী চহী অসিদসু ২০২০গী দিসেম্বরগী তাং ০৭তা পাংথোক্লগনি৷ ১৯৪৯দগী হৌদুনা হায়রিবা নুমিৎ অসি লৈবাক অসিগী ইকাই খুম্নবা অসি মাংদনবা থৌনা লৈনা ঙমখৈ ঙাক শেনবদা থৱাই কৎখ্রবা লান্মীশিং অমসুং য়ুনিফোর্মদা লৈরিবা নুপা অমসুং নুপী লান্মী পুম্নমকপু ইকাই খুম্নবা উৎপা ওইনা পাংথোকপনি৷

*****