ভর্চুএল ওইনা শগোলশেল নুমিৎতা পাংথোকপা ২৯সুবা ৱার্ল্দ দিসএবিলিতি দে থৌরমদা য়ুথ এফেয়ার্স অমসুং স্পোর্তসকী য়ুনিয়ন মিনিস্তর শ্রী কিরেন রিজিজু শরুক য়াখ্রে।  থৌরম অদুদা পেরালেম্পিক কমিতি ওফ ইন্দিয়াগী প্রসিদেন্ত দিপা মালিক, ভারতকী মমিং লৈরবা পেরা এথলেত দেবেন্দ্র ঝাঝারিয়া, পারুল পারমার অমসুং সতাবদি এৱাস্থি, পেরালেম্পিক কমিতি ওফ ইন্দিয়াগী সেক্রেতরি জেনেরেল শ্রী গুরসারন সিংহ অমসুং পেরালেম্পিক কমিতি ওফ ইন্দিয়াগী চীফ পেত্রোন শ্রী অভিনাস রাজ খান্না শরুক য়াখি।

শ্রী রিজিজুনা হায়খি পেরা এথলেতশিং অসি লৈবাক অসিদা মীওই খুদিংমক্কী পাঙ্গল অমসুং ইথিলগী হৌরকফম্নি অমসুং মখোয় শৌগৎনবা স্পোর্তস মিনিস্ত্রিনা পায়খৎপা য়াবা থবক খুদিংমক পায়খৎলে। ঐখোয়গী পেরা এথলেতশিং অমসুং দিবয়াং লান্মীশিং ঐখোয়গী থৌনানি। মখোয়না ঐখোয়না ইথিল পীরি। ঐখোয়গী স্পোর্তস মিনিস্ত্রিদা মশা ফবা শান্নরোয় অমসুং হকচাংগী ফিবম মীমান্নদ্রবা শান্নরোয়শিংগী মরক্তা খেন্নবা লৈতে। মখোয়দা ঐখোয়না চপ আম্নবা ইকায়খুম্নবা, শেনগী মনা অমসুং অতৈ কয়া পীরি।

শ্রী রিজিজুনা মখা তানা হায়খি রাজ্য সরকারশিংনা মখোয়গী রাজ্যশিংদা পেরা এথলেতশিং শৌগৎকদবনি। কোচিং অমসুং ত্রেনিংগী শেনফম পুথোকপদগী হৌরগা হিংনবা লম্বী পীবা য়াওনা কেন্দ্র সরকারনা পায়খৎলিবা থবকশিং অসিগুম্না ‘দিবয়াং’ লান্মীশিংগী থৌশিল অমা শেম্নবা ঐনা মরী লৈনবা রাজ্য সরকারশিংদা হায়জরি। সরকার, পেরালেম্পিক কমিতি ওফ ইন্দিয়া অমসুং মীওই খুদিংমক কাংবু অমনি অমসুং ঐখোয়গী পেরা এথলেতশিং শৌগৎনবা ঐখোয় থবক পাংথোকপা দরকার ওই।

পেরা এথলেতশিং মতেং পাংবগীদমক পদ্ম শ্রী, খেল রত্ন অমসুং অর্জুন এৱার্দ ফংলবা দেবেন্দ্র ঝাঝারিয়ানা সরকার থাগৎখি। মহাক্না হায়খি ঐখোয়গী খুদোংচাদবশিং নৎত্রগা দরকার ওইবশিং ফোঙদোক্তুনা ঐখোয়না চেরোল অমা থাখিবা মতমদা, ঐখোয়না পুং অমগী মনুংদা পাউখুম ফংখি। ঐ ভারত শীনবা থুংনা লৈরিবা ত্রেনিং সেন্তরশিং য়েংলে অমসুং তুংগী মীরোলশিংগী পেরা এথলেতশিং দরকার ওইবা পোৎলমশিংগী খুদোংচাদবা অমতা লৈররোই অমসুং খুদোংচাবা খুদিংমক লৈরে। ঐখোয়দা ‘ভিকলাং’ হায়না কৌবগী মহুত্তা ‘দিবয়াং’ হায়না কৌনবা মীওই খুদিংমক্তা খঙহনবগীদমক সরকার অমসুং মরুওইনা ঐখোয়গী প্রধান মন্ত্রী শ্রী নরেন্দ্র মোদী ঐখোয়না থাগৎলি। মসিগী ঐখোয় পুম্নমক্কী অচৌবা থৌনা অমনি।

****