پیرالمپک کمیٹی آف انڈیا (پی سی آئی) کے صدر دیپا ملک، قابل احترام ہندستانی پیرا ایتھلیٹس دیویندر جھاجھریا ، پارل پرمار اور شتابدی اوستھی، سکریٹری جنرل، پی سی آئی جناب گرشرن سنگھ اور چیف سرپرست، پی سی آئی جناب اویناش رائے کھنہ کی موجودگی میں جمعرات کو معذوروں کے 29 ویں عالمی دن کے موقع پر نوجوانوں کے امور اور کھیلوں کے مرکزی وزیر جناب کرن رجیجو نے ایک مجازی سیشن میں شرکت کی۔

جناب رجیجو نے کہا کہ پیرا ایتھلیٹس ملک میں ہر ایک کے لئے طاقت اور ترغیب کا ذریعہ ہیں اور وزارت کھیل ان کی مدد کرنے میں کوئی کسر نہیں چھوڑ رہی ہے۔ وزیر موصوف نے کہا "ہمارے پیرا ایتھلیٹ اور '' دیویانگ '' جانباز ہماری طاقت ہیں۔ وہ ہمیں ترغیب دیتے ہیں۔ ہماری وزارت کھیل میں ایک قابل اور معذور کھلاڑی کے درمیان کوئی فرق نہیں ہے۔ ہم انہیں یکساں طور پر تسلیم کرتے ہیں اور مساوی انعام کی رقم سے نوازتے ہیں''۔

جناب رجیجو نے مزید کہا کہ وہ ریاستی حکومتوں سے درخواست کریں گے کہ وہ اپنے اپنے اپنے خطے میں پیرالمپینوں کی بہتر ممکنہ طریقے سے مدد کریں۔ “انہوں نے کہا کہ میں متعلقہ ریاستی حکومتوں سے درخواست کروں گا کہ مرکزی حکومت کی طرح وہ بھی’ دیویانگ ‘جانبازوں کے لئے پالیسی بنائیں تاکہ مالی امداد سے لے کر کوچنگ اور تربیت کی سہولیات اور مناسب ذریعہ معاش تک پیرالمپینوں کی بھرپور مدد کی جا سکے۔ حکومت ، پی سی آئی اور ہر کوئی ایک ٹیم ہے اور ہمیں اپنے پیرا ایتھلیٹوں کی مدد کے لئے اپنا کام جاری رکھنے کی ضرورت ہے۔

پدم شری، کھیل رتن اور ارجن ایوارڈ یافتہ دیویندر جھاجھریا نے حکومت کی جانب سے ہمیشہ پارا ایتھلیٹوں کی تیزی سے مدد کرنے پر اس کا شکریہ ادا کیا۔ انہوں نے کہا "جب بھی ہم حکومت کو اپنے مسائل یا اپنی ضرورت کی چیزوں کے بارے میں ایک میل بھیجتے ہیں تو ہمیں ایک گھنٹہ میں جواب مل جاتا ہے۔ میں ہندوستان بھر کے بیشتر تربیتی مراکز کو دیکھتا ہوں اور اتنا خوش ہوں کہ پیرا ایتھلیٹس کی اگلی نسل کو کوئی پریشانی نہیں ہوگی کیونکہ انفراسٹرکچر اور سہولیات پہلے سے موجود ہیں۔ ہم حکومت کے اور خاص طور پر ہمارے وزیر اعظم جناب نریندر مودی کے بہت زیادہ ممنون ہیں جنھوں نے سبھی سے کہا ہے کہ وہ ہمیں ’وکلانگ‘ نہیں ، بلکہ ’دیویانگ‘ کہیں۔ یہ ہم سب کے لئے بہت زیادہ باعث ترغیب ہے۔

***************

م ن ۔ ن ا۔ م ف

U.No:7797