সাইন্স অমসুং তেক্নোলোজী মন্ত্রালয়
মতুং তারকপদা লৈবাক অমনা কোবিদকুম্বা ফিভমশিং অসি থেংনবা মতমদা এস.তি.আই.পি.২০২০ অসিনা কমদৌনা মতেং পাংগদগে হায়বা অদুগী মতাংদা অখঙ-অহৈশিংনা খন্না-নৈনখ্রে
এস.তি.আই.পি.২০২০ অসিনা নোলেজ দেমোক্রতাইজেসন তৌবদা, গ্রোব্লেল্লী কমপিতিতিব প্রদক্তশিং হেন্না ফনা পুথোক্নবা রিসর্চ অমসুং দিভেলপমেন্তদা মতেং পাংলগনি অমসুং থবকশিং ফংহন্নবা রিসর্চ অমসুং ইন্নোভেসন্দা ঐখোয়গী ইন্দস্ত্রীশিং অসি য়োকখৎলগনি: দি.এস.তি.গী সেক্রেতরী প্রোফেসর অশুতোশ শর্ম
কোবিদ-১৯ অসিনা মালেম অসিদা চাওনা অহোংবা পীরে অদুবু মসিনসু হেন্না চাওখৎপলোমদা চংশিন্নবগী লম্বী অদুসু ঐখোয়দা উৎলে: নিতি আয়োগকী মেম্বর দা. ভি.কে. সরস্বত
Posted On:
03 DEC 2020 3:49PM by PIB Imphal
সাইন্স অমসুং তেক্নোলোজী দিপার্তমেন্ত(দি.এস.তি.)গী সেক্রেতরী প্রোফেসর অশুতোশ শর্মনা ৱেবিনার অমদা অসিগুম্বা লুরবা ফিভমশিং অসি মতুং তারকপদা অনৌবা সাইন্স, তেক্নোলোজী অমসুং ইন্নোভেসন পোলিসী(এস.তি.আই.পি.) ২০২০ অসিনা করম্না ঐখোয়না থেংনবা ঙমহনগদগে হায়না ফোংদোক্লিঙৈদা নিতি আয়োগকী মেম্বর দা. ভি.কে. সরস্বতনা কোবিদনা মতৌ করম্না খুদোংচাবশিং ফংহনবগে হায়বা অদুগী মতাংদা ফোংদোকখ্রে৷
হন্দক্তা ইকুই কুইদ্রিঙৈদা নেস্নেল কাউন্সিল ফোর সাইন্স অমসুং তেক্নোলোজী কম্ম্যুনিকেসন অমসুং ভিগ্যান প্রসনা শিন্দুনা পাংথোকখিবা দি.এস.তি. গোল্দল দিস্কোর্স সেরিস্কী মতাংদা-লাইনা-লাইচৎ অসিগী অতোপ্পা নাকল অমরোমদা- হায়না মমিং থোনবা ৱেবিনার অমদা কোবিদ-১৯ অসিনা মালেম অসিদা চাওনা অহোংবা পীরে অদুবু মসিনসু হেন্না চাওখৎপলোমদা চংশিন্নবগী লম্বী অদুসু ঐখোয়দা উৎলে হায়না দা. সরস্বতনা ফোংদোকখ্রে৷
“ক্রাইসিস অসিনা নুংশিরবা মরুপ-মপাংশিং অমসুং মীওইবা জাতিগী পুন্সি কয়ামরোম মাংহন্দুনা অমসুং মালেমগী ইকোনোমীগী ফিভম হেন্না শোকহল্লকপা অসিনা ওর্গনাইজেস্নেল নোর্মশিং, মী অমনা ইনগদবা প্রেক্তিসশিং অমসুং চাওখৎলক্লিবা লৈবাকশিংনা মশাগী ইকোনোমী অদু ফগৎহন্দুনা মরোমদোম লেপচবা ঙম্নবা খুদোংচাবা ফংহন্নবা ঐখোয়গী মরু ওইবা এজুম্পসনশিং অসি অমুক হন্না একজামিন তৌহল্লে৷ অসিগুম্বা কোবিদ-১৯না পীবা অকাইবশিং অসি থেংনবদা সাইন্স, তেক্নোলোজী অমসুং ইন্নোভেসন শিজিন্নবা অসিনা য়াম্না অচৌবা থৌদাং লৌরগনি,” হায়না দা. সরস্বতনা মখাতানা ফোংদোকখ্রে৷
অসিগুম্বা লুরবা তানফম অসিদা এস.তি.আই.পি. ২০২০না লৌরিবা থৌদাং অদু পল্লদুনা প্রোফেসর অশুতোশ শর্মনা অসুম্না ফোংদোকখ্রে, “ঐখোয়না মতুং তারকপদা থোক্লকপা চেলেঞ্জশিং অসি থেংনবা ঙম্নবা অমসুং মরোমদোম লেপচবা ঙম্বা লৈবাক অমা ওইবা ঙম্নবা পোলিসী অসিনা মতেং পাংলি৷
পোলিসী অসিনা নোলেজ দেমোক্রতাইজেসন তৌবদা, গ্রোব্লেল্লী কমপিতিতিব প্রদক্তশিং হেন্না ফনা পুথোক্নবা রিসর্চ অমসুং দিভেলপমেন্তদা মতেং পাংলগনি অমসুং থবকশিং ফংহন্নবা রিসর্চ অমসুং ইন্নোভেসন্দা ঐখোয়গী ইন্দস্ত্রীশিং অসি হেন্না য়োকখৎলগনি৷
“মমাংগী মতমদা সেক্তর খরদা ঐখোয়না খুদোংচাবা খরা নান্থোকখ্রে অমসুং মসিনা হায়রিবা হিরমশিং অসিদা অত্মনির্ভর ওইনবা হোৎনবদা পল অমা ওইরে হায়বা অদু উৎলে৷ সাইন্স, তেক্নোলোজী অমসুং ইন্নোভেসন শিজিন্নদুনা ঐখোয়গী লৈবাক অসি অত্মনির্ভর ওইনবা হোৎনবদা এস.তি.আই.পি. ২০২০ অসিনা চাওনা মতেং পাংলগনি”, হায়না দি.এস.তি.গী সেক্রেতরীনা ফোংদোকখ্রে৷
*****
(Release ID: 1678185)
Visitor Counter : 146