নুমিৎ মঙানি চৎথদুনা হন্দক্তা লোইশিনখিবা শঙ্গহাই কোওপরেসন ওর্গনাইজেসন(এস.সি.ও.) য়ঙ্গ সাইন্তিস কনক্লেব অসিদা থোঙান তোঙানবা থিমেতিক এরিয়াশিংদা নহা ওইরিবা সাইন্তিসশিং অসিনা মখোয় মখোয়গী ইন্নোভেতিব ওইবা ৱাখল্লোনশিং পুথোকখ্রে৷ মনুং চনখ্রবা এরিয়াশিং অদুদি লৌউ-শিংউ অমসুং ফুদ প্রোসেসিং;  সস্তেনেবল ইনর্জী অমসুং ইনর্জী স্তোরেজ; বাইওতেক্নোলোজী অমসুং বাইওইঞ্জিনিয়রিং; রিসর্চ অমসুং ইন্নোভেসন শিজিন্নদুনা কোবিদ-১৯ অমসুং থোকলক্লিবা লাইনা-লাইচৎশিং থেংনবা; এনভাইরোনমেন্ত ঙাক শেনবা অমসুং নেচরেল রিসোর্চ মেনেজমেন্ত অসিনচিংবনি৷

নহা ওইরিবা সাইন্তিসশিং অসি এস.সি.ও. লৈবাকশিং অসিগা পুন্না থবক তৌমিন্নবা পাম্নবা মখোয় মখোয়গী ইন্নোভেতিব রিসর্চ ৱর্ক অমসুং ৱাখল্লোন অসিগীদমক নহা ওইরিবা সাইন্তিস ২২দা পুক্নিং থৌগৎপা৪ ওইনা সর্তিফিকেৎ পীখ্রে৷

কনক্লেব অসিবু হৌদোকখিবা সাইন্স অমসুং তেক্নোলোজী, আর্থ সাইন্সেস, হকশেল অমসুং য়াইফ য়ুম্বাল মন্ত্রী দা. হার্শ বর্ধননা হৌজিক লৈরিবা মতম অসিদা খ্বাইদগী চাওরিবা চেলেঞ্জ ওইরিবা কম্মন মেন অমগী পুন্সি মহিং অসি ফগৎনবা হোৎনবদা খুৎলাই অমা ওইনা সাইন্সপু শিজিন্ননবা এস.সি.ও. মেম্বর রাজ্যশিং অসিদগী মঙাব লৈরবা নহা ওইরিবা সাইন্তিস পুম্নমক্তা ফোংদোকখ্রে৷ ‘ইন্নোভেতিব, পেতেন্ত, প্রদ্যুস অমসুং হেন্না চাওখৎপা’ অমরোমদা ঐখোয়গী লৈবাকশিং অসি পুরক্নবা এস.সি.ও.গী ইহান হানবা য়ঙ্গ সাইন্তিস কনক্লেবতা লৌশিং লৈরবা সাইন্তিসশিং অসিদা মহাক্না ফোংদোকখ্রে৷

কনক্লেব অসিনা এস.সি.ও. সাইন্তিফিক ফ্রতর্নিতীগী মরক্তা ৱাখল্লোনশিং পুনশিনবা ঙমহল্লে অমসুং মসিনা মেম্বর রাজ্যশিংগী মরক্তা নেতৱার্ক অমা শেমগৎন্নবগী লম্বী অমা য়াৎলে৷ মসিনসু ফ্যুচর কোলাবোরেসনগীদমক এস.সি.ও. পার্তনরশিংগী ফ্রেমৱর্ক অসিগী মনুংদা এস.তি.আই. প্রোস্পেক্তশিংগা জোইন্ত প্রপোজেলশিংগী খুদোংচাবা অদু ফংহল্লে৷ এস.সি.ও. মেম্বর রাজ্যশিংদা নহা ওইরিবা সাইন্তিসশিং অসি একচেঞ্জ তৌননবগীদমক হায়রিবা হিরমশিং অসিদা নেকৱার্কিং অমসুং কোলাবোরেসনগীদমক প্রোভিজনশিং য়াওরবা রোদমেপ অমা শেমখ্রে৷ নোলেজ অমসুং তেক্নোলোজীগীদমক মালেমগী মহৈরোই একচেঞ্জ হেন্না তৌননবা নহা ওইরিবা মীওইশিংবু অমতা ওইনা পুনশিনহনবা অসিনা কনক্লেব অসিগী তোপ-তোপ্পা অমা ওইরি৷

লাইনা-লাইচৎ অসিনা মরম ওইরগা ভর্চুয়েল ওইবা মওং অমদা পাংথোক্লিবা কনক্লেব অসিনা নহা ওইরিবা রিসর্চরশিং কম্মন ওইবা প্লেতফোর্ম অমদা পুরক্নবা অমসুং রিসর্চ অমসুং ইন্নোভেসন শিজিন্নদুনা কম্মন সোসাইতেল চেলেঞ্জশিং অসি থেংন্নবগীদমক মখোয়গী নোলেজ অদু শিজিন্ননবা নহাশিং পুক্নিং থৌগৎখ্রে৷ কনক্লেব অসিদা এস.সি.ও. লাইবাকশিং অসিদগী খল্লবা নহা ওইরিবা সাইন্তিস অমসুং মহৈরোই ৬৭ য়াওনা পুন্না মীওই ২০০রোম্না রুক য়াখি৷

তোঙান তোঙানবা ফোর্মেততা মল্তি-দিসিপ্লিনরী আর অমসুং দি প্রোজেক্তশিং অসি সপোর্ত তৌন্নবগীদমক এস.সি.ও. এস.তি.আই. ফ্রেমৱর্ক প্রোগ্রাম অসি ফাইনেলাইজ স্তেজতা লৈরে হায়না ইন্তরনেস্নেল কোওপরেসনগী এদভাইজর অমসুং হেদ দা. এস.কে. ভার্শনি ফোংদোকখ্রে৷ নহা ওইরিবা সাইন্তিসশিং অসিগীদমক এস.সি.ও.মেম্বর রাজ্যশিংনা ফেলোশিফ প্রোগ্রাম অমা শেম্নবা খন্নগদবনি হায়না মহাক্না ফোংদোকখ্রে, মসিনা এস.সি.ও. লৈবাকশিং অসিগী মরক্তা মহৈরোইশিং ওন্থোক ওনশিনা তৌবদা অমসুং ঙন্না কেরিয়র রিসর্চরশিং পাংথোকপা য়াহল্লগনি৷

*****