মথৌ ফজনা পাংথোকপা পুলিস স্তেসনশিং মনা পীনবা অমসুং স্তেসনশিংগী মরক্তা চাংদম্নবা ঙম্নবা লৈবাক শীনবা থুংনা চহি খুদিংগী ভারত সরকারনা খ্বাইদগী ফবা পুলিস স্তেসনশিংদা খনগৎলি।

২০২০গী ভারতকী খ্বাইদগী ফবা পুলিস স্তেসন ১০গী মমিং:

২০১৫দা গুজরাতকী কুচদা পাংথোকখিবা পুলিসকী দিরেক্তর জেনেরেলশিংগী মীফম মনুংদা প্রধান মন্ত্রী শ্রী নরেন্দ্র মোদীনা পীখিবা য়াথংশিংগী মতুংইন্না থবক অসি পাঙথোকপনি। পুলিসি স্তেসনশিং চাংদম্ননবা থবকশিং পায়খৎনবা অমসুং মীয়ামদগী ফংবা ৱাফমশিংদা য়ুম্ফম ওইরগা মখোয়গী থবক ফজনা পাংথোকপগী থাক লেপ্নবা প্রধান মন্ত্রীনা খঙহনখি।

শিংনবা কয়াগী মখাদা হোম এফেয়ার্স মিনিস্ত্রিনা চহি অসিগী খ্বাইদগী ফবা পুলিস স্তেসনশিং খন্নবা থিজিনখি। কোরোনা লাইচৎনা মরম ওইদনা চৎথোক-চৎশিনগী অথিংবশিং লৈবা মরম্না মনুং হুঞ্জিনবা মফমশিংদা লৈবা পুলিস স্তেসনশিং য়ৌবদা খুদোংচাদবা থেংনখি। মতুং তারকপদা, সর্ভে অদু সরকারগী চৎন-কাংলোনশিংগী মতুংইন্না পাংথোকখি।

য়ুনিয়ন হোম মিনিস্তরনা হায়খি লৈবাক অসিগী অপীকপা সহরশিং অমসুং খুঙ্গংশিংদা লৈরিবা পুলিস স্তেসন লিশিং কয়াদগী পুলিস স্তেসনশিং খনখৎখি। মকোক ১০গী মনুংদা চল্লবা পুলিস স্তেসনশিং অদু অফবা ঙাক্তনি। দরকার ওইবা পোৎলমশিং ফংবা অসি য়াম্না মরুওইরবসু, হেন্না মরুওইরিবদি মীহাৎ-মীপুনগী থৌদোকশিং মাংজৌন্না ঙাকথোক্নবা অমসুং লৈবাক্কী সেবা তৌনবা ঐখোয়গী পুলিসকী মীওইশিংগী কৎথোকপা অমসুং পুকচেল শেংবা অদুনি।

দেতা নৈনদুনা, হকথেংন্না য়েংদুনা অমসুং মীয়ামদগী পাউ লৌদুনা লৈবাক অসিগী পুলিস স্তেসন ১৬,৬৭১গী মনুংদগী খ্বাইদগী ফবা পুলিস স্তেন ১০ খনখৎপা অসি পান্দম অমনি। মখোয়না পাংথোকপা থবকশিংদা য়ুম্ফম ওইরগা রাজ্য অমগী খ্বাইদগী ফবা পুলিস স্তেসনশিং খনগৎপগী থবক পাংথোকপনি :

• লন-থুমগী খৎন-চৈনবা
• নু্পীশিংগী মথক্তা চৎথবা মীহাৎ-মীপুন
• অতোনবা কাংলুপশিংগী মথক্তা চৎথবা মীহাৎ-মীপুন
• মাঙখিবা মীওইশিং, মশক খঙদবা মীওই ফংবা অমসুং মশক খঙদবা অশিবা হকচাং ফংবা

চহি অসিদগী চৎনবা হৌখিবা অরোইবা পেরামিতর :

অহানবদা রাজ্য অমদগী খনগৎপা পুলিস স্তেসন মশিং:

• পুলিস স্তেসন ৭৫০দগী হেন্না লৈবা রাজ্য অমদগী স্তেসন অহুম
• অতোপ্পা রাজ্যশিং অমসুং দিল্লিদগী স্তেসন অনি
• য়ুনিয়ন তেরিতোরি অমমমদগী স্তেসন অমা

মথংগী তাঙ্কক্কী রেঙ্কিংগী থবকশিংগীদমক পুলিস স্তেসন ৭৫ খনগৎখি।

অরোইবা তাঙ্কক্তা, পাংথোকখিবা থবকশিং য়েংশিন্নবা পেরামিতর ১৯ মশক খঙদোকখি অমসুং পুলিসকী থবকশিং ফগৎহন্নবা তেক্নিকশিং মশক খঙদোকখি। হায়রিবা শরুক অসিদা অপুনবা স্কোরগী চাদা ৮০ পীখি। লেমহৌরিবা চাদা ২০ অদুনা পুলিস স্তেসন অদুগী মচাক-মথুমশিং অমসুং পর্সোনেলশিং লোইনবা নুংঙাইবা অমসুং মীয়ামদগী ফংবা পাউতাকশিংদা য়ুম্ফম ওই। পুলিস স্তেসনশিংগী অনকপদা লৈবা লৈকায়শিং, অনকপা কৈথেলশিংগী মীয়ামদগী মখোয়গী ৱাফম লৌখি। খনগৎলবা মফম অমগী চাউরাক্না মীওই ৬০ য়াওনা অপুনবা ওইনা মীওই ৪,০৫৬দগী মখোয়গী ওইবা ৱাফম তাখি।

লাইচৎ মনুংদা সর্ভে মপুংফানা পাংথোকপা ঙম্নবা চহি অসিগী সর্ভেদা লৈবাক অসিগী রাজ্যশিংনা মপুংফানা মতেং পাংখি। পুলিস স্তেসনশিং চহিগী ওইনা মকোক-মথং লাউথোকপা অসিনা  ঐখোয়গী পুলিস পর্সোনেলশিং থবক কন্না শুবা অদু মশক খঙলে, ঐখোয়গী পুলিস পর্সোনেলশিং পুক্নিং থৌগৎলে অমসুং তুংগী লমজিংনবগীদমক লৈবাক অসিদা পুলিসকী থবক থৌরম কয়াগী মতাংদা মীয়ামদগী ৱাখল্লোন ফংলে। থবক অসিদগী পুলিস স্তেসনশিংগী থাকশিং, অৱাৎপশিং অমসুং মখোয়গী দরকার ওইবা মচাক-মথুমশিংগী ফিবমগী অমা খঙবা ঙমহল্লে। পুলিস স্তেসনশিং চহিগী ওইনা মকোক-মথঙ লাউথোকপগী থবক অসিনা ফিবমশিং ফগৎনবা লমজিংবা অমা ওইনা থবক পাংথোকলে।

*****