হ্যুমেন রিসোর্স চাউখৎ-থৌরাংগী মন্ত্রালয়
মমালোন্দা তেক্নিকেল ইজুকেসন তম্বীনবা লম্বী অমা শেম্নবা য়ুনিয়ন ইজুকেসন মিনিস্তরনা তাক্স ফোর্স অমা লিংখৎলে
Posted On:
02 DEC 2020 6:12PM by PIB Imphal
মমালোন্দা তেক্নিকেল ইজুকেসন তম্বীনবা লম্বী অমা শেম্নবা ঙসি য়ুনিয়ন ইজুকেসন মিনিস্তর শ্রী রমেস পোখ্রিয়াল ‘নিশঙ্ক'না তাক্স ফোর্স অমা লিংখৎলে। হয়র ইজুকেসনগী সেক্রেতরিনা চিয়রমেন ওইবা তাক্স ফোর্স অসিনা তোঙান-তোঙানবা মরী লৈনবশিংদগী পীরকপা পাউতাকশিং খন্নগনি অমসুং থা অমগী মনুংদা রিপোর্ত অমা পীশিনগনি। মমালোন্দা তেক্নিকেল ইজুকেসন তম্বীনবগী মতাংদা অৱাংবা থাক্কী মীফম অমদা মিনিস্তরনা ৱারেপ লৌখিবনি। থৌরম অদুদা হয়র ইজুকেসনগী সেক্রেতরি, শ্রী অমিত খারে, আই.আই.তিগী দিরেক্তরশিং, অখঙ-অহৈশিং অমসুং মিনিস্ত্রগী সেনিয়র ওফিসিএলশিং শরুক য়াখি। মীফম অদুদা নেসনেল ইজুকেসন পোলিসি-২০২০ থবক ওইনা পায়খৎনবগী মতাংদা খন্নখি।
শ্রী পোখ্রিয়ালনা হায়খি ঙসিগী মীফম অসি মহৈরোয়শিংনা মখোয়গী মমালোন্দা প্রোফেসনেল কোর্সশিং হায়বদি মেদিসিন, ইঞ্জিনিয়ারিং, লো অসিনচিংবা তম্নবা প্রধান মন্ত্রীগী পান্দম অদু থবক ওইনা পাংথোকপা ঙম্নবা মাইকৈদা থাংজিনবা খোঙথাং অমনি।
মিনিস্তরনা হায়খি মহৈরোয় অমতদা লোন নমদুনা তম্বীরোইদবনি অদুবু ইংলিস লোন খঙবা ৱাৎপদগী মতিক চারবা মহৈরোয়শিং তেক্নিকেল ইজুকেসন তম্বা ঙমদবা অদু কোকহন্নবা খুদোংচাবশিং পীগদবনি। অনৌবা ইজুকেসন পোলিসি-২০২০ মপুংফানা থবক ওইনা পাংথোক্নবা মরী লৈনবশিংনা অকনবা থবকশিং পায়খৎলে।
*****
(Release ID: 1677804)
Visitor Counter : 223