অইং-অশাগী খল হোংলকপগী মতাংদা হায়দোকখিবা ৱাফম থবক ওইনা পাংথোক্নবা ভারতকী থৱায় য়াওবা অদু অমুক হন্না উৎনবা অতোপ্পা খোঙথাং অমদা, পেরিস এগ্রিমেন্ত থবক ওইনা পাংথোক্নবা ইনভাইরোনমেন্ত, ফোরেস্ত অমসুং ক্লাইমেত চেঞ্জ মিনিস্ত্রিনা অৱাংবা থাক্কী মিনিস্তরশিংগী কমিতি অমা শেম্লে। ইনভাইরোনমেন্ত, ফোরেস্ত অমসুং ক্লাইমেত চেঞ্জ মিনিস্ত্রিগী সেক্রেতরিনা কমিতি অসিগী চিয়রমেন ওইগনি।

শেম্নবা থৌরাং তৌরিবা ইন্তর-মিনিস্তরিয়েল এপেক্স কমিতি ফোর ইমপ্লিমেন্তেসন ওফ পেরিস এগ্রিমেন্ত(এ আই পি এ)না লৈবাক অসিগী নেসন্নেল্লি দিতরমাইন কন্ত্রিবুসন্স(এন দি সি) য়াওনা পেরিস এগ্রিমেন্তগী মখাদা ভারতনা অইং-অশাগী খল হোংলকপগী মতাংদা পাংথোকফম থোকপশিং পাংথোক্নবা থবক কয়া পায়খৎকনি।

মিনিস্ত্রি ১৪গী সেনিয়র ওফিসিএলশিংনা ইন্তর-মিনিস্তরিয়েল এপেক্স কমিতি ফোর ইমপ্লিমেন্তেসন ওফ পেরিস এগ্রিমেন্তগী মেম্বরশিং ওইনা থৌ পুগনি অমসুং ভারতকী এন.দি.সি থবক ওইনা পাংথোকপগী খুমাঙ চাউশিনবা য়েংশিনগনি অমসুং পেরিস এগ্রিমেন্তগী দরকার ওইবশিং ফংনবা থবক থৌরমশিং য়েংশিনগনি অমসুং পান্দমশিং অমুক হন্না য়েংশিনগনি।  

ইন্তর-মিনিস্তরিয়েল এপেক্স কমিতি ফোর ইমপ্লিমেন্তেসন ওফ পেরিস এগ্রিমেন্তগী অতোপ্পা মরুওইবা থবক অমনা পেরিস এগ্রিমেন্তগী আর্তিকল ৬গী মখাদা ভারতকী কার্বোন মার্কেতশিং য়েংশিন্নবা নেসনেল ওথোরিতি অমা ওইনা থবক পাংথোকপা, কার্বোন মমলগী চৎন-কাংলোনশিং পীবা, কৈথেলগী থবকশিং পাংথোকপা অমসুং অইং-অশাগী খল হোংলকপা অমসুং এন.দি.সিশিংগী মতাংদা অতোপ্পা থবকশিং পাংথোকপনি। অইং-অশাগী খল হোংলকপগী মতাংদা লনাই কাংবু অমসুং এজেন্সি কয়ানা মতেং পাংলিবশিং কমিতি অসিনা য়েংশিনগনি অমসুং মখোয়না পায়খৎলিবা থবকশিং লমজিংগনি।

২০২১দগী পেরিস এগ্রিমেন্ত থবক ওইনা পাংথোকপা হৌরগনি অমসুং অইং-অশাগী খল কাইরকপা থিংনবা পায়খৎলিবা থবকশিং য়েংশিন্নবা অমসুং লৈবাকশিংনা পায়খৎলিবা থবকশিং মপাঙ্গল কনখৎহন্নবা ইন্তর-মিনিস্তরিয়েল এপেক্স কমিতি ফোর ইমপ্লিমেন্তেসন ওফ পেরিস এগ্রিমেন্তগী সংবিধান অসি য়াম্না মরুওই। পেরিস এগ্রিমেন্তগী পান্দমশিংগা চুন্না মালেমদা অইং-অশাগী খল কাইরকপা থিংনবা থবক পায়খৎলিবা লৈবাক খরগী মনুংদা ভারত মাংজিল থারি।

*****