লখনৌ মিউনিসিপাল কোর্পোরেসনগী লুপা করোর ২০০গী মিউনিসিপাল বোন্দ ইসু ঙসি বোম্বে স্তোক একচেঞ্জতা য়াওরে। ঙসি মুম্বাইদা নেসনেল স্তোক একচেঞ্জতা বেল সেরিমোনি থৌরমদা উত্তর প্রদেসকী চীফ মিনিস্তর য়োগী অদিত্যনাথ শরুক য়াখ্রে। মসিগা লোয়ন্না মিসন অমরুত(অতল মিসন ফোর রিজুবেনেসন এন্দ অর্বান ত্রান্সফোর্মেসন)গী মখাদা হাওসিং অমসুং অর্বান এফেয়ার্স মিনিস্ত্রিনা মতেং পাংদুনা মিউনিসিপাল বোন্দশিং শেমগৎপা ৯সুবা সহর লখনৌ ওইরে। বোন্দ ইসু অসিনা শেন্দোয়গী সবসিদি পীনবা লখনৌ মিউনিসিপাল কোর্পোরেসন্না লুপা করোর ২৬ ফংলগনি। মতেং পাংলিবা শেনফমশিং অসিনা মিউনিসিপাল কোর্পোরেসনগী শেন্দোয়গী পোৎলুম চাদা ২দা হন্থরগনি। মসিনা মিউনিসিপালগী লৈঙাক অমসুং শেন-থুম ফগৎনবা, সহর অসি মশা মরোমদোম লেপচবা ঙম্নবা, মীয়ামগী দরকার ওইবশিং শেমগৎনবা মতেং পাংলগনি। মসিনা অত্মানির্ভর ভারতকী শরুক অমা ওইনা অত্মানির্ভর সহর ওইহনবদা মতেং পাংগনি।

লখনৌ মিউনিসিপাল কোর্পোরেসন্না ২০২০গী নবেম্বর ১৩দা হৌদোকখিবা মসিগী অহানবা মিউনিসিপাল বোন্দ ইসু ঙসি লিস্ততা য়াওখি অমসুং বোম্বে স্তোক একচেঞ্জতা ললোন-ইতিক চৎথবা য়ারগনি। লুপা করোর ১০০গী অপুনবা ইসু(লুপা করোর ১০০গী গ্রিন সু ওপসন য়াওনা) অসি ইনভেস্তর মশিং য়াম্না পাম্নখি অমসুং লুপা করোর ৪৫০গী অপুনবা বিদশিং লাকখি। চহি ১০গী বোন্দ অসি চাদা ৮.৫গী কপন রেতকা লোয়ন্না ক্লোজ তৌখি, মসি মরুওইনা কোবিদ মতম অসিদা রেকোর্দ অমনি অমসুং মগুন লৈবা অমসুং মওং-মরিল তারবা মিউনিসিপাল বোন্দশিং ওইবনা ইনভেস্তরশিংনা য়াম্না পাম্নখি।

মসি পুৱারি ওইরবা থৌরম অমনি অমসুং মসি অৱাং ভারতকী অহানবা মিউনিসিপাল বোন্দ ইসুনি অমসুং অমরুত স্কিম হৌদোক্লবা মতুংদা উত্তর প্রদেসতগী অহানবনি। বোন্দ অসি ওভর-সবস্ক্রিবসন তৌবা অসিনা ইভেস্তরশিংনা পাম্নরে হায়বা তাক্লে অমসুং শেন-থুমগী ফিবম ফগৎলকপগী খুদম অমনি। ইনফ্রাস্ত্রকচর প্রোজেকশিংদা শেন থাদনবা ১৯৯৮গী জনুৱারিদা রাজ্য সরকারগী গরেন্তি য়াওদনা অহমেদবাদ মিউনিসিপাল কর্পোরেসন্না লুপা করোর ১০০গী অহানবা মিউনিসিপাল বোন্দ য়েন্থোকখিবা অদুগী মতুং তারকপা খোঙথাং অমনি।

ইসু অসিদা উত্তর প্রদেস সরকার অমসুং ভারত সরকারনা মপুংফানা মখোয়না মতেং পাংদুনা সহরগী লৈঙাক্তা অহোঙবা অমা পুরকপা হৌরে অমসুং কৈথেলদা মিৎয়েং থম্বা অমসুং অরোন-অথুপ লৈতবা লৈঙাক লৈহন্নবা হেন্না হোৎনগনি। লখনৌ মিউনিসিপাল কর্পোরেসন্না খুদম ওইদুনা রাজ্য অসিগী লোকেল বোদিশিং পুক্নিং থৌগৎনবা উত্তর প্রদেস সরকারনা হোৎনরি। লাক্লিবা থা খরগী মনুংদা গাজিয়াবাদ, বারানসী, অগ্রা অমসুং কানপুর মিউনিসিপাল কর্পোরেসনশিংগী মিউনিসিপাল বোন্দশিং ইসু তৌগনি হায়বগী থাজবা লৈরে। মসিগী মতুংদা রাজ্য অসিগী অপীকপা মিউনিসিপাল বোদিশিং পুনশিন্দুনা অপুনবা মিউনিসিপাল বোন্দ ইসু তৌগনি হায়রি।

লখনৌ মিউসিপাল কর্পোরেসন্না পীবা বোন্দ অসি ইন্দিয়া রেতিংসনা ‘এ.এ’ রেত পীরে অমসুং ব্রিকৱাক রেতিংসনা ‘এ.এ(সি ই) রেত পীরে। ইসুদগী লাকপা শেনফমশিং অদু ভারত সরকারগী অমরুত স্কিমগী মখাদা পায়খৎলিবা ঈশিং পীনবা স্কিম অমা অমসুং হাওসিং প্রোজেক অমদা থাদগনি। লখনৌ মিউনিসিপাল কর্পোরেসন বোন্দগী মতম অসি চহি ১০নি অমসুং মসি এস.তি.আর.আর.পি ৭(এ-জি) য়াওবা স্ত্রিপ বোন্দ অমা  ওইরে অমসুং প্রিন্সিপাল শিংবগী থবক অসি ৪সুবা চহিদগী ১০ সুবা চহি ফাওবদা চহি অমদা তরেৎলক পাংথোক্কনি। মতম চানা শেল্লেপ অমসুং শেন্দোয় অনিমক পীথোকপা ঙম্নবা শেন পীনবা থৌরাং অমা পায়খৎলে।

উত্তর প্রদেসকী সহরগী লোকেল বোদি অমদগী অহানবা ওইনা বোন্দ ইসু তৌবা অসিনা সহরগী দরকার ওইবা মচাক-মথুমশিং শেমগৎনবা শেন থাদনবা শেন খোমগৎনবা কান্নবা  খক নত্তনা লখনৌ মিউনিসিপাল কর্পোরেসন অসি সহরগী লৈঙাক্কী নমুনা অমা ওইনবা অওনবা পুরক্নবা মীয়ামদা উৎনবা হোৎনবা অমনি।

****