ঙসি হেমবাতি নন্দন গরহৱাল য়ুনিভর্সিতিগী ৮সুবা কনভোকেসন্দা থৌরম অদুগী চীফ গেস্ত ওইনা য়ুনিয়ন ইজুকেসন মিনিস্তর শ্রী রমেস পোখ্রিয়াল ‘নিশঙ্ক’না ভর্চুএল ওইনা মহৈরোয়শিংদা ৱা ঙাংখ্রে। থৌরম অদুদা য়ুনিভর্সিতিগী চান্সেল্লর দোক্তর য়োগেন্দ্র নারয়ন্না প্রসিদেন্ত অমসুং য়ু.জি.সিগী চিয়রমেন প্রোফেসার দি.পি সিংহনা গেস্ত ওফ ওনর ওইনা শরুক য়াখি। কনভোকেসন অসিগী পান্দমদি “২০২০ ওনলাইন ইজুকেসন এন্দ রিসিলিয়েন্স”নি, মসি হিমালয়াগী থৌনা অমা পীনবা তাকপীবা, তম্বা অমসুং স্কিল হেনগৎহনবগী য়ুনিভর্সিতিনা পায়খৎলিবা থবকশিং অদু ফোঙদোকপা অমনি।

চহি অসিগী ওইনা মহৈরোয় ১৫৫ ওনলাইন কনভোকেসনগী মিং চনখি, মহৈরোয় ৭২ পি.ঐচ.দি পীখি, তোঙান-তোঙানবা সবজেকশিংদা মকোক তারবশিংদা সনাগী তকমান ৫৯ পীখি, মসিগী মনুংদা সনাগী তকমান ১৫দি স্পোন্সরশিংনা পীখি।

থৌরম অদুদা শ্রী পোখ্রিয়ালনা হায়খি লিংখৎখিবা চহি ৪৭সুরবা য়ুনিভর্সিতি অসি খুদোংচাদবা মতম মায়োক্নরসবু মসিগী খোঙচৎ খুমাং চাউশিনখি অমসুং ২০০৯দা য়ুনিভর্সিতি অসি সেন্ত্রেল য়ুনিভর্সিতি অমা ওইখি। নিতি অয়োগনা য়ুনিভর্সিতি অসিদা হিমালয়ান সেন্ত্রেল য়ুনিভর্সিতি কন্সোরতিয়ম(আই ঐচ সি য়ু সি) লিংখৎপদা মহাক্না হরাওবা ফোঙদোকখি অমসুং কন্সোরতিয়ম অসিনা চীংগী লমদমশিংদা নুপী শিন্মীশিংগী শেন-থুমগী ফিবম য়েংশিনগনি হায়বগী থাজবা থমখি। মহাক্না হায়খি চীংগী লমদমশিংদা মমল হোঙবা অমসুং অকোয়বগী ফিবম শোকহন্দবা তুরিজম চাউখৎহন্নবা, চীংগী লমদমশিংদগী য়ুম হোঙখিবা লাকশিন্নবা থবক ফংনবা খুদোংচাবশিং শেমগৎনবা হিমালয়গী রাজ্যশিংগী এগ্রো-ইকোলোজিগী লমদা কন্সোরতিয়ম অসিনা থবক পাংথোক্কনি।

মিনিস্তরনা হায়খি য়ুনিভর্সিতি অসিগী মহৈরোয় অমা ওইবা অসি মহাক্কী লাইবক ফবনি অমসুং য়ুনিভর্সিতি অসিগী কনভোকেসনদা চীফ গেস্ত অমা ওইবগী খুদোংচাবা ফংলে। য়ুনিভর্সিতি অসিদা তম্লকপগী মহাক্কী থৌদোক কয়া অমসুং খুদোংচাদবা কয়া মায়োক্নদুনা মহৈরোয় অমা ওইরম্বদগী চীফ গেস্ত ওইরকখিবগী খোঙচৎ অদু মহাক্না পাউদমখি।

মহাক্না হায়খি লৈবাক অসিদা কেম্পস খ্বাইদগী ফজবশিংগী মনুংদা য়ুনিভর্সিতি অসি অমনি অমসুং মসিদা সাইন্স, ইনভাইরোনমেন্ত নৎত্রগা স্পিরিচুএলগী খুদোংচাবা কয়া লৈরি। “সেন্তর ওফ এক্সলেন্স” অমা ওইনা য়ুনিভর্সিতি অসিনা লৈবাক অসি লমজিংবা ঙমগনি। মহাক্না শরুক য়াখিবশিং থাগৎখি অমসুং মসি মহৈরোয় অমগী খ্বাইদগী হরাওবা তাঞ্জা অমনি হায়না ফোঙদোকখি।

মিনিস্তরনা হায়খি ঐখোয় লমচৎ-শাজৎ শেমগৎপদগী লৈবাক শেমগৎপদা চঙশিল্লে। লৈবাক্না অহানবা, লমচৎ-শাজৎ ফজগদবনি হায়বা লাইৱা অসি কাউরোইদবনি। অনৌবা ইজুকেসন পোলিসি অসিগী মখাদা শীনফম কয়াগী মীওইশিং পুথোকপা খক নত্তনা ‘লৈবাক্না অহানবা’ হায়বা অসি খঙবা অমসুং বসুধাইবা কুতুমবাকমগী ৱাখল্লোনশিং ইনবা ভারতকী গুনশিং চেনবা অমসুং মালেমগী পান্দম অমা লৈবা মালেমগী নাগরিকশিং পুথোকপা ঙমগনি।

মহাক্না হিমলায়গী রাজ্যশিংদা লৈরিবা য়ুনিভর্সিতিশিংনা চীংগী লৌউ-শিংউ, হোর্তিকলচর, হর্ব পুথোকপা, লৈ থাবা, ওর্গনিক লৌউ-শিংউ, ইকো-তুরিজম অমসুং তেক্নোলোজিগী লমদা থিজিন্নবা তকশিনখি। মসিনা হিমালয় লমদমদা হিংনবা লম্বী পীগনি।

থৌরমগী গেস্ত ওফ ওনর ওইখিবা অমসুং য়ু.জি.সিগী চিয়রমেন দোক্তর ধিরেন্দ্র প্রতাপ সিংহনা মেম্বরশিং, মহৈরোয়শিং অমসুং মখোয়গী মমা-মপাশিং থাগৎখি। য়ুনিভর্সিতি অসিদা মহাক্না মহৈরোয় অমা ওইরিঙৈ মতম নিংশিংলদুনা, য়ুনিভর্সিতি অসি লাইরিক তম্নবগী খ্বাইদগী ফবা মফমনি হায়না মহাক্না ফোঙদোকখি। মহাক্না হায়খি দিগ্রি ফংলবা মহৈরোয়শিংগীদমক কনভোকেসন অসি মরুওইবা নুমিৎ অমনি। মসিগী তুংদা মখোয়না তমখিবা লৌশিং অদু মখোয়গী খুন্নাইগী য়াইফনবা মখোয়না শীজিন্নগনি।

থৌরম অদুদা শরুক য়াখিবশিং অমসুং মরুওইনা ভারত সরকারগী য়ুনিয়ন ইজুকেসন মিনিস্তর রমেস পোখ্রিয়াল য়ুনিভর্সিতিগী চান্সেল্লর দোক্তর য়োগেন্দ্র নারায়ন্না থাগৎখি।

থৌরম অদুদা য়ুনিভর্সিতিগী ভাইস চান্সেল্লর প্রোফেসার অন্নাপুর্না নৌতিয়ালনা হায়খি মালেমগী কোবিদ-১৯ লাইচৎ লৈরবসু লাইরিক-লাইসু তম্বগী থৌনা হেনগৎহন্নবা চহি অসিগী ওইনা ওনলাইন্দা কনভোকেসন পাংথোক্নবা য়ুনিভর্সিতিনা ৱারেপ লৌখিবনি। মসিগীদমক মহাক্না য়ুনিভর্সিতিগী ওজাশিং অমসুং গেস্তশিং থাগৎখি।

ভাইস চান্সেল্লরনা য়ুনিভর্সি অসি মশক তাকখি অমসুং য়ুনিভর্সতি অসিগী মাইপাকপশিং পনখি। মহাক্না হায়খি লম্মিৎ-তুমিৎকী অমসুং মচাক-মথুমশিং ৱাৎপগী তোঙান-তোঙানবা খুদোংচাদবশিং লৈরবসু, ওনলাইন মেদিয়মশিং শীজিন্নদুনা কোবিদ-১৯না থোকহনবা খুদোংচাদবশিং অসিনা য়ুনিভর্সিতিনা খুদোংচাবা অমা ওন্থোক্লে। নেসনেল ইজুকেসন পোলিসি ২০২০ থবক ওইনা পাংথোক্নবা থৌরাং তৌনবা হৌজিক য়ুনিভর্সিতি অসিগী কেম্পস অহুমদা স্কুল ১১দা দিপার্তমেন্ত ৭৯ মথৌ পাংথোক্লি।

থৌরম অদুদা প্রোফেসার আর.সি রোমোলা, ওফলাইন কনভেনর প্রোফেসার ৱাই.পি রেহমনি, মেদিয়া কমিতি কনভেনর প্রোফেসার এম.এম সেমৱাল, প্রোফেসার আর.সি বাত, দাক রানা, রাজেন্দ্র প্রসাদ, প্রোফেসার পি.এস নেগি, প্রোফেসার ইন্দু খান্দুরি, দোক্তর প্রিতম সিংহ নেগি,  দোক্তর নরেস রানা, দোক্তর নরেস কুমার, প্রোফেসার অরুন বহুগুনা, শ্বেতা ভর্মা, প্রদিপ মাল, হিমসিখা গুসেন অসিনচিংবা শরুক য়াখি।

*****