ব্রাহমোস সুপরসোনিক ক্রুস মিসাইল এন্তি-শিপ মোদতা ঙসি পুং ৯দা দিকম্মিসন তৌরবা জহাজ অমদা মাই পাক্না তেস্ত ফায়র পাঙথোকখ্রে। তেস্ত ফায়র অসি ইন্দিয়ন নেভীনা পাঙথোকখি। মিসাইল অসিনা য়াম্না অরুবা চেকশিন্না থৌরাং তৌরবা থবক অসি পাঙথোকখি অমসুং পান্দম অদু চপ চান্না ফংখি।

ব্রাহমোস অসি দি.আর.দি.ও. অমসুং রুসিয়াগী এন.পি.ও.এম.না হৌজিক্না ব্রাহমোস এরোস্পেস প্রাইবেৎ লিমিতেদ ওইখ্রবা ব্রাহমোস এরোস্পেস জোইন্ত বেঞ্চর অমা ওইনা পুন্না দিবেলপ তৌখিবা সুপরসোনিক ক্রুস মিসাইলনি। হৌজিক মতম অসিগী অরুবা লানফমশিংদা মিসাইল অসিগী লম্বা লৈত্রবা এন্তি-শিপ অমসুং লেন্দ-এতেক তৌবা ঙম্বগা লোইননা মখল কয়াগী থৌদাং লৌবা অমসুং মখল কয়াগী প্লেৎফোর্মশিং ওইবা ঙম্বা অসিনা মশাবু অচৌবা মপাঙ্গল হাপ্পা ঙম্বা অমা ওইহল্লগনি অমসুং ইন্দিয়ন আর্ম ফোর্সেসকী ৱিঙ্গ অহুমমক্তদা দিপ্লোই তৌখ্রে।

ব্রাহমোস অসি অহানবা ওইনা ২০০১দা লোঞ্চ তৌখি অমসুং ঙসি ফাওবদা তোঙান তোঙানবা জহাজশিং, মোবাইল ওতোনোমস লোঞ্চরশিং অমসুং সু-২০ এম.কে.আই. এয়রক্রাফদগী লোঞ্চ মশিং কয়া তৌদুনা হিরম খুদিংদা শীজিন্নবা য়ারবা খুৎলাই অমা ওইহল্লি।

মাই পাক্না তেস্ত পাঙথোকখিবগীদমক দি.দি.আর. এন্দ দি.গী সেক্রেতরী অমসিং দি.আর.দি.ও.গী চিয়রমেন দা. জি. সথীশ রেদীনা ইন্দিয়ন নেভীবু থাগৎপা ফোঙদোকখি।

****