কোবিদ-১৯ লাইচৎ শন্দোরকপা অসিদা খাদি এন্দ বিলেজ ইন্দস্ত্রীস কম্মিসন (কে.ভি.আই.সি.)না হৌদোকপা ইশা ইরোমদোম লেপচনবা থৌরাং পাইখিবা অদু মহৈ চাবা হৌখ্রে। অৱাবা তারবা মাইগ্রেন্ত ৱার্করশিংনা অগস্ত থাদা উত্তর প্রদেশতা কে.ভি.আই.সি.গী হনী মিসন্দা থবক তৌবা হৌখিবা অদুগী অহানবা কোহী লোকখ্রে অমসুং দিসেম্বরদগী মার্চ ফাওবদা চাউনা লোকনবা ঙাইদুনা লৈরি।

অহানবদা নোংচুপ থংবা য়ু.পি.গী. মুজাফ্ফরনগরগী জিলাদা মাইগ্রেন্ত মঙানা চহি অসিগী অগস্ত ২৫দা মখোয়দা য়েন্থোকখিবা খোই উপু ৫০দগী খোহী কে.জি. ২৫৩ লোকখি। খোইরা অসি চাংচৎতা কি.জি. অমদা লুপা ২০০দা য়োনখি অমসুং মমল অসিদা য়োনবনা মাইগ্রেন্ত ৱার্করশিংদা লুপা ৫০,০০০গী ময়াদা ফংহল্লবা য়াই। মসিনা বেনিফিসরী খুদিংদা চাংচৎতা লুপা ১০,০০০গী ইকম লাকহনগনি। লমদম অসিদা কে.ভি.আই.সি.না ত্রেনিং তৌরবা মতুংদা মাইগ্রেন্ত ৱার্কর ৭০দা পুন্না খোই উপু ৭০০ য়েন্থোকখ্রে। মতম খরগী মতুংদা লেমহৌরিবা খোই উপুদগী খোহী লোকপগী থবক মখা চত্থগনি।

য়ুকেলপতস অমসুং হঙ্গাম অসি দিসেম্বরদগী মার্চ ফাওবদা মপুং ফানা হৌবনা মরম ওইরগা থাশিং অসিদা উপুশিং অসিদগী খোহী পুথোকপা অসি য়ামদ্রবদা শরুক ৫ হেনগৎলগনি। খোই উপু অমমমনা খ্বাইদগী য়াম্না পুথোকপা পন্থাদা খোহী কে.জি. ২৫গী ময়াদা পুথোক্কনি। মখা তানা খোই য়োক্লিবশিংনা খোইনা লৈরিক অমসুং লৈহী মরাং কাইনা ফংগদবা হরিয়ানা, রাজস্থানগুম্বা অনকপা রাজ্যশিং অমসুং নোংপোক থংবা উত্তর প্রদেশতা মখোয়গী উপু অদু পুবা য়াগনি অমসুং মসিনা খোহী পুথোকপদা হেনগৎহনগনি। ।

কে.ভি.আই.সি.গী চিয়রমেন শ্রী বিনাই কুমার সক্সেনানা হায়খি মাইগ্রেন্ত ৱার্করশিংনা মখোয় হৌরকফমদা অমুক হন্না মৃদা ্করন্ত মরী থমদুনা মশানা মশাবু থাবক পীজবা অসি উবদা নুংঙাইবা পোকই। “অতোপ্পা সহরশিংদগী মখোয়গী মরমদমদা হল্লক্লিবা অৱাবা তারবা শিন্মীশিং অসি আত্মানির্ভর ভারত অভিয়ানগী শক অমা ওইনা হনী মিসনদা য়াওহনখি। থা অহুম খক্তদা শিন্মীশিংনা মখোয় মশানা হিংনবগী লম্বী য়াৎচবা ঙম্বা অসি উবদা নুংঙাই। লাক্কদৌরিবা থাশিং অসিদা খোহী পুথোকপা অমসুং মখোয়গী ইনকম অসি শরুক কয়া থোক্না হেনগৎলগনি,” হায়না সক্সেনানা ফোঙদোকখি।

কে.ভি.আই.সি.না মতেং পাংবা অসিদা বেনিফিসরীশিংনা থাগৎপা ফোঙদোকখি অমসুং হায়খি খোই য়োকপা অসিনা মখোয়দা অতোপ্পা সহরশিংদা চৎতুনা থবক থিহনবা তৌদনা মশাগী হিংনবগী লম্বী পীবা ঙমখি। সহরনপুর জিলাগী কে.ভি.আই.সি.গী খোই য়োকপা মীওই অমা ওইরিবা অমিৎ কুমারনা হায়, “প্রধান মন্ত্রী শ্রী নরেন্দ্র মোদীগী আত্মানির্ভর ভারতকী ৱাখল্লোন অসিনা ঐখোয়গীদমক্তা মফম অসিদা থবক পীবিবা অসিগীদমক ঐহাক্না থাগৎপা ফোঙচোকচরি। খোই উপু ফংখিবা ঐখোয় শিন্মী মঙানি অমসুং থা ৩ খক্তদা খোহী কে.জি. ২৫৩ লোকপা ঙমখি।”

প্রধান মন্ত্রীগী আত্মানির্ভর ভারতকী খোলাও অদুবু পাওখুম পীরদুনা শিংথানীংঙাংই ওইবা মওংদা কে.ভি.আই.সি.না মাইগ্রেন্ত ৱার্কর কয়া উত্তর প্রদেশ অমসুং বিহারদা থবক পীরি অমসুং মখোয়গী মরক্তা মীওই কয়া হনি মিসন, কুমহর সশক্তিকরন য়োঝনা অমসুং প্রোজেক্ত দিগনিতিগুম্বা ফ্লেগশীপ স্কিমশিংদা থবক পীরি। মখোয়দা তঙাইফদবা তুল কিতশিং পীবদা নত্তনা মখোয়বু মতেং পাংনবা অনৌবা খোই য়োকলিবশিংদা তেক্নিকেল ত্রেনিং অমসুং সুপর্বিজনসু পীরি।  

*****