রাস্ত্রপতি শ্রী রাম নাথ কোবিন্দগী লুচিং মখাদা লৈবাক শিনবা থুংনা প্রিএম্বল পাবগা লোইননা পুক্নীং চেৎনা ৭১শুবা কন্সতিত্যুসন নুমিৎ পাংথোকখিবদা, গুজরাতকী কেবরিয়াদা কন্সতিত্যুসনগী মতাংদা পাংথোকখিবা অখন্নবা এগজিবিসনগীদমক পার্লিয়মেন্তরিয়নশিং অমসুং লেজিস্লেতরশিংনা থাগৎপা ফোংদোকখ্রে।

ইনফোর্মেসন অমসুং ব্রোদকাস্তিং মন্ত্রালয়গী ব্যুরো ওফ আউৎরিচ কম্যুনিকেসন্না পার্লিয়মেন্তরী ম্যুজিয়ম অমসুং আর্কাইবকী মতেংদগী গুজরাত্তা স্তেচু ওফ য়ুনিতীগী মফমদা প্রিসাইদিং অধিকারীশিংগী ৮০শুবা ওল ইন্দিয়া কনফরেন্সকী মখাদা পাংথোকপা এগজিবিসন অসি লোকসভাগী স্পীকর শ্রী ওম বীরলানা য়ুমশকৈশা নুমিত্তা হৌদোকখি। এগজিবিসন অদুদা বেদগী মতমদগী হৌরগা, লিচছবী রিপব্লিক্তগী অনৌবা ভারত শেমখিবগী মতম ফাওবা লৈবাক অসিদা দেমোক্রেসীগী চৎনবীশিংগী খোংচৎকী মতাংদা উৎখি।

স্ক্ব্যার ফীৎ ১,৬০০ পাক-চাউবা মল্তি-মীদিয়া এগজিবিসন অদুদা প্লাজমা দিস্প্লে, ইন্তরেক্তিব দিজিতেল ফ্লিপ বুক, আর.এফ.আই.দি. কার্দ রীদর, ইন্তরেক্তিব স্ক্রীন, দিজিতেল তচ ৱাল অসিনচিংবগা লোইননা পেনেল ৫০ য়াওরি।

লোকসভাগী স্পীকরনা মল্তি-মীদিয়া শিজিন্নবা অসিবু থাগৎখি অমসুং হায়খি মদুদি ইন্তরেক্তিব এগজিবিসনশিংনা নুংঙাইবা মওংদা ই-পাউ শন্দোকই। মহাক্না হায়খি মদুদি, এগজিবিসন অসি মতিং লৈবা মওংদা কন্সতিত্যুসন শেমখিবা অদু তাঙ্কক নাইনা উৎখি অমসুং ঐখোয়গী দেমোক্রেতিক্কী চৎনবী অসিগী মতাংদা খঙহন্নবগীদমক লৈবাক অসিগী তোঙান তোঙানবা শরুকশিংদা অসিগুম্বা এগজিবিসন পাংথোক্কদবনি।

এগজিবিসন্দা ভারতকী কন্সতিত্যুসনগী মশক-মওং শেমখিবা অদু য়াম্না শন্দোক্না আর্কাইবকী মচাকশিংনা তাকখি। মুম্বৈদা লৈবা ভারতকী ফিল্ম দিবিজনগী আর্কাইভরশিংদগী কন্সতিত্যুসনগী মশক-মওং শেম্বগা মরী লৈনবা থৌদোকশিংগী অতাংবা ফিল্মগী শরুক খরা অমসুং কন্সতিত্যুএন্ত এসেম্বলীগী দোক্তর বি.আর. অম্বেদকর, দা. রাজেন্দ্র প্রসাদ, পন্দিৎ জবাহরলাল নেহরু, সরদার বল্লভ ভাই পতেল, শ্যামা প্রসাদ মুখর্জী য়াওনা অতৈ মকোক থোংবা মীহুৎশিংনা ৱা ঙাংবা খোমজিনখি।

আর.এফ.আই.দি. কার্দ রীদর অসি ইন্তরেক্তিব দিস্পেল অমনি, মসিদা কন্সতিত্যুএন্ত এসেম্বলীগী মীহুৎ অমা হেক্তগী মিংগী কার্দ থম্বদা মহাক্কী প্রোফাইল অমসুং মহাক্না তৌরম্বশিংগী মতাংদা স্ক্রীন্দা পাবা ঙম্মি। মসি পুক্নীং চিংশিন্নীংঙাই ওইরবা মফম অমনি। মসিগীদমক্তা কাংলুপ অহুমদা কার্দ উৎলি – দ্রাফতিং কমিতীগী মেম্বরশিং, কন্সতিত্যুএন্ত এসেম্বলীগী নুপী মীহুৎশিং অমসুং হন্সা মেহতা অমসুং কহ্নৈয়ালাল মুনশী য়াওনা গুজরাত্তগী কন্সতিত্যুএন্ত এসেম্বলীগী মীহুৎশিং।

গুজরাতকী রাজ্যপাল আচার্য় দেবব্রতনা ভিজিতর বুক্তা ইখি মদুদি, “গেলরীনা তুংগী উবা ঙম্বা লুচিংবশিংগী অকনবা থৌগাইশিং অদুবু উৎথোক্লি। কলেক্সন অসিদা হৌখ্রবা আর্তক্রাফশিং নীংথিজনা উৎলি অমসুং প্রোজেক্ত অসিগীদমক্তা ঙম্লিমখৈ দিজিতেল ওইবা মওংদা শিজিন্নখি।” এগজিবিসন অদুবু য়েংবা লাকখিবশিংগী মনুংদা কেন্দ্রগী পার্লিয়েমেন্তরী এফিয়র্স, কোল অমসুং মাইন্স মন্ত্রী, শ্রী প্রহলাদ জোশী অমসুং পার্লিয়েমেন্তরী এফিয়র্সকী রাজ্য মন্ত্রী শ্রী অর্জুন রাম মেগৱাল অমসুং তোঙান তোঙানবা রাজ্যগী বিধান সভাগী স্পীকরশিং য়াওখি।

আর্কাইবেল দিস্প্লেগী অতৈ অথোইবা পেনেলদা দ্রাফতিং কমিতীগী মেম্বরশিং, সরকার অমসুং পার্লিয়মেন্তকী মকোক থোংবা ফম পায়বশিংগী খুৎয়েক, হান্নগী অমসুং হৌজিক্কী স্পীকরশিংগী শক্তম থেৎখি। এগজিবিসনগী অতোপ্পা পুক্নীং চিংশিন্নীংঙাই ওইরিবদি রাজ্য বিধানসভাশিংগী সেক্সন্নি, অরাকপশিংনা রাজ্যগী বিধানসভাগী বিল্দিংশিংগী আর্কিতেকচুএলগী ফজবা অমসুং মখল-মখাশিং অদুবু য়েংবা অমদি থাগৎনবা য়াই।

কোবিদকী য়েংদুনা মতিক চাবা মচৎশিংবু প্রোতোকোলশিংদা য়াওহনখি অমসুং লুবা নানবা ওইহন্নবগীদমক্তা অখন্নবা মওংদা তচ স্ক্রীন দিস্প্লেগী মতাংদা অখন্ননা থৌরাং তৌখি।

কেবরিয়াদা প্রিসাইদিং ওফিসরশিংগী নুমিৎ নিনিগী ওল ইন্দিয়া কনফরেন্স অদু দেমোক্রেসীগী ইন্সতিত্যুৎশিংবু মপাঙ্গল কলহন্নবা অমসুং ভারতকী কন্সতিত্যুএসন অমসুং দেমোক্রেতিক্কী চৎনবীগী মতাংদা মীয়ামদা খঙহন্নবা ৱারেপ লৌবগা লোইননা লোইশিনখি।

*****