প্রধানমন্ত্রীগী লোইশঙ

৩শুবা রি-ইনভেস্ত ২০২০দা পীখিবা পি.এম.গী ৱারোল

Posted On: 26 NOV 2020 7:20PM by PIB Imphal

থোইদোক হেন্দোক্না ইকায় খুম্নরবা ইস্রাএলগী প্রধান মন্ত্রী, থোইদোক হেন্দোক্না ইকায় খুম্নরবা নেদরলেন্দ্সকী প্রধান মন্ত্রী, মালেমগী মফমশিংদগী ইকায় খুম্নবদা মতিক চারবা মন্ত্রীশিং, ঐগী মন্ত্রী মন্দলগী মরুপ মপাংশিং, চীফ মিনিস্তরশিং, লেফ্তনেন্ত গভর্নরশিং অমদি শক্নাইরবা মীথুংশিং, থোইদোক হেন্দোক্না ইকায় খুম্নরবা নেদরলেন্দ্সকী প্রধান মন্ত্রীবু মহাক্কী পাউজেল থম্বিবগীদমক্তা ঐনা থাগৎচরি‍।

অদোম পুম্নমকপু রিইনভেস্তকী অহুমশুবা থৌরমগী শরুক অমা ওইনা উবা ফংবদা নুংঙাইজৈ‍। মমাঙগী থৌরমশিংদা রিনিউএবূ ইনর্জীগী মতাঙদা মেগাৱাত্তগী গিগাৱাত্তা চঙশিন্নবগী খোঙচৎকী থৌরাংগী মতাঙদা ঐখোয়না ৱারী শানখ্রে‍। নুমিৎকী ইনর্জী শিজিন্ননবগীদমক্তা ঐখোয়না ‘নুমিৎ অমা, মালেম অমা, গ্রীদ অমা’ হায়বসিদসু ৱারী শানখ্রে‍। অতেনবা মতমগী মনুংদা হায়রিবা থৌরাংশিং অসিগী মনুংদা কয়া অমদি তশেংবা ওইরক্লি‍।

মরূপশিং,

হৌখিবা চহী ৬সিদা ভারতনা হান্নগা মান্নদবা খোঙচৎ অমদা চঙশিল্লক্লি‍। ভারতকী মীপুম খুদিংমক্না মখোয়গী মতিং মপুং ফানা ফুদোকচবা ঙমজনবা ইলেক্ত্রিসিতী ফংহন্নবগীদমক ঐখোয়না ঐখোয়গী মৈ পুথোকপগী চাং অমদি নেতৱর্ক পাকথোক চাউথোকহল্লে‍। অদুগা অমুকসু ঐখোয়না রিনিউএবল ওইবা হৌরকফমদগী ইনর্জী পুথোকপগী চাংসু খোঙলৈ থুনা হেনগৎহল্লি‍। অদোমগী মফমদা অচুমবা ৱাফম খরা ঐনা তমজনিংই‍।

ঙসিদি, ভারতকী রিনিউএবল পৱার মঙম অসি মালেমগী খ্বাইদগী চাউবা ৪শুবা ওইরে‍। অচৌবা লৈবাকশিংগী মনুংদা ভারতনা খ্বাইদগী খোঙজেল য়াঙনা চেনখৎলক্লি‍। হৌজিক লৈরিবা ভারতকী রিনিউএবল ইনর্জীগী মঙম অসি গিগাৱাত ১৩৬ ওইদুনা ঐখোয়গী অপুনবা মঙমগী চাদা ৩৬ লোম ওইরি‍। ইং ২০২২ ফাওবগী মনুংদা রিনিউএবল ইনর্জীগী মঙম গিগাৱাত ২২০গী হেল্লগনি‍।

ঐখোয়গী চহীগী ওইনা হাপচিল্লক্লিবা রিনিউএবল ইনর্জীগী মঙম অসি ২০১৭দগী হৌরগা কোইলাদা য়ুম্ফম ওইবা থর্মেল পৱারদগী হেন্দুনা লাক্লি হায়বসি খঙবদা অদোম হরাউগনি‍। হৌখিবা চহী ৬সিদা ঐখোয়গী পানখৎলবা রিনিউএবল ইনর্জীগী মঙম অসি শরুক অনি মখায় হেনগৎহল্লে‍। হৌখিবা চহী ৬সিদা পানখৎলবা নুমিৎকী ইনর্জীগী মঙম অসি শরুক ১৩ হেনগৎলে‍।

মরূপশিং,

ভারতনা রিনিউএবল ইনর্জীগী লমদা খোঙজেল য়াঙনা চঙশিল্লিবা অসি ঐখোয়গী অইং অশাগী খল হোংলক্লিবা অসি থেংননবা লেপ্লিবা ফিরেপ অমদি খোঙথাংগী মহৈনি‍। শেল য়াম্না চঙজরবসু ঐখোয়না রিনিউএবল ইনর্জীদা শেল থাদরি‍। হৌজিক্তি ঐখোয়না শেল থাদবা অমদি পাক চাউনা পায়খৎলিবা থৌরাংসিনা শেল চঙবসু হন্থহল্লে‍। অফবা অকোয়বগী ফীভমগী খুজিল থৌরাং অসি অফবা শেন্মিৎলোনসু ওইবা য়াই হায়বা ঐখোয়না মালেমদা উৎলে‍। ঙসিদি ভারতসু দিগ্রী ২গী কম্প্লাইএন্স পান্দম ফংবগী লম্বীদা চঙশিল্লিবা লৈবাখ খরখক্তুগী মনুংদা অমা ওইরে‍।

মরূপশিং,

হেন্না তরু তরুবা ইনর্জীগী হৌরকফমলোমদা ঐখোয়না মায় ওনশিল্লক্লিবা অসি এক্সেস, ইফিসিএন্সী অমদি ইভোলুসন্না থৌদুনা পুবনি‍। ঐনা ইলেক্ত্রিসিতী ফংহনবগী মতাঙদা হায়বা মতমদা মশিং কয়া য়ামগদগে হায়বসি অদোম্না চাউরাক্না পাবা ঙমগনি‍। হৌখিবা চহী খরসিদা য়ুমথোঙ করোর ২.৫ নৎত্রগা মিলিয়ন ২৫গী মথক্তা ইলেক্ত্রিসিতী কন্নেক্সন পীখ্রে‍। ঐনা ইনর্জী মরায় কায়বগী মতাঙদা পল্লকপদা ঐখোয়না পান্দম অসি মন্ত্রালয় নৎত্রগা দিপার্তমেন্ত অমখক্তগী থৌদাং ওইনা লৌদে‍। ৱাফমসি লৈঙাক অপুনবগী পান্দম ওইহন্নবা ঐখোয়না থবক পায়খৎলি‍। ঐখোয়গী থৌরাং খুদিংমক ইনর্জী মরাং কায়বা ফীভম ফংনবা থৌরাং য়াওরি‍। মসিদা এল.ই.দি. বল্ব, এল.ই.দি. স্ত্রীত-লাইত, স্মার্ত মিতর, ইলেক্ত্রিক ভেহিকল শীজিন্নবা হেনগৎহনবা অমদি ত্রান্সিসনদা মাঙদা হন্থহন্নবা থৌরাং য়াওরি‍। ঐনা ইনর্জীগী অওনবা পুরকপগী মতাঙদা পল্লবদা, ঐখোয়না পি.এম.-কুসুমগী মখাদা লৌফমশিংদা নুমিৎকা পৱারনা চলাইবা ঈথৈ লৌখোঙ পীদুনা ঐখোয়গী লৌউ-শিংউগী সেক্তরবু মপাঙ্গল কলহন্নবা হোৎনরি‍।

মরূপশিং,

ভারত অসি রিনিউএবলশিংগী লমদা শেল থাদবগী পাম্নবা পন্থুংফম অমা ইচঙ থৌনা ওইরক্লি‍। হৌখিবা চহী ৬সিদা ভারতকী রিনিউএবল ইনর্জী সেক্তরদা চাউরাক্নল লুপা করোর লাখ ৫গী ময়াদা নৎত্রগা দোলর বিলিয়ন ৬৪গী মথক্তা শেল থাদখ্রে‍। ঐখোয়না ভারতপু রিনিউএবল ইনর্জী সেক্তরদা মালেমগী মেনুফেকচরিং হব অমা ওইহনবা পাম্মী‍।

করিগীদমক্তা অদোম্না রিনিউএবল ইনর্জীগী লমদা ভারত্তা শেল থাদগদৌরিবনো হায়বসিগী মতাঙদা ঐনা মরম কয়া পীজগে‍। ভারত্তা রিনিউএবলগী লমদা য়াম্না মনিং মখা তমবা ফোরেন ইনভেস্তমেন্ত পোলিসী লৈ‍। মপান লমগী  ইনভেস্তরশিংনা মখোয় মশাগী ওইবা মওংদা নৎত্রগা ভারতকী খোঙবু অমগা খুৎশম্নরগা শেল থাদদুনা রিনিউএবল ইনর্জীদা য়ুম্ফম ওইবা মৈ পুথোকপগী প্রোজেক্তশিং পায়খৎচবা য়াই‍। ভারতনা পুং ২৪ চুপ্না রিনিউএবলদগী মৈ পীননবা অনৌবা ৱাখল্লোনগী ওইবা মওংশিংদা মায় ওনশিল্লি‍। নুংশা-নুংশিৎ হাইব্রিদ প্রোজেক্তশিংসু মায় পাক্না চঙশিল্লি‍।

লমদমসিদা পুথোকচবা সোলার সেল অমদি মোদ্যুলশিংগী দিমান্দ লাক্কদৌরিবা চহী অহুমসিদা গিগাৱাত ৩৬কী ময়াদা ওইরবা য়াই‍। ঐখোয়গী থৌরাংশিং তেক্নোলোজী রিভোলুসনগা চুননা চৎলি‍। ঐখোয়না শুপচিল্লবা নেসনেল হাইদ্রোজেন ইনর্জী মিসন অমা পায়খৎনবা ৱাফম হৌদোক্লি‍। ইলেক্ত্রোনিক মেনুফেকচরিংগী লমদা পি.এল.আই. মায় পাক্লবা মতুংদা ঐখোয়না মান্নবা ইন্সেন্তিবশিং হায় ইফিসিএন্সী সোলার মোদ্যুলশিংদা পীননবা ফিরেপ লৌরে‍। “লল্লোন ইতিক তৌবদা কোমহনবা” ফীভম ফংহনবা অসিনা ঐখোয়গী খ্বাইদগী মরুওইবা পান্দমনি‍। ইনভেস্তরশিং কোমহন্নবদগীদমক্তা ঐখোয়না মন্ত্রালয় খুদিংমক্তা অখন্নবা প্রোজেক্ত দেভেলপমেন্ত সেলশিং অমদি এফ.দি.আই. সেলশিং লিংখৎলে‍।

ঙসিদি, ভারতকী খুঙ্গং খুদিংমক্তা অমদি য়ুমথোম অয়ামবনা মৈ ফংলে‍। হয়েংদি, মখোয়গী ইনর্জী দিমান্দ হেনগৎলক্লগনি‍। অসুম্না ভারত্তা ইনর্জীগী দিমান্দ হেনগৎলক্কনি‍। মফমসিদা মথংগী চহী তরাগী চাউরবা রিনিউএবল ইনর্জী দিপ্লোইমেন্তকী থৌরাংশিং লৈ‍। মসিনা হীরমসিদা চহীদা লুপা করোর লাখ ১.৫ নৎত্রগা দোলর বিলিয়ন ২০লোমগী বিজিনেস প্রোস্পেক্ত শেম্লবা য়াই‍। মসি ভারত্তা শেল থাদনবগী চাউরবা খুদোংচাবা অমনি‍। ঐনা ইনভেস্তরশিং, দেভেলপরশিং অমদি লল্লোন ইতিকশিংবু ভারতকী রিনিউএবল ইনর্জীগী খোঙচত্তা শরুক য়ারনবা পাউকৎচরি‍।

মরূপশিং,

থৌরম অসিনা ভারতকী রিনিউএবল ইনর্জী স্তেকহোল্দরশিংবু মালেমগী খ্বাইদগী ফবা ইন্দসস্ত্রী, খুজিল থৌরাং য়াৎপশিং অমদি একাদমিয়াশিংগা শম্নহল্লি‍। খন্ন-নৈনবা অসিনা মহৈ য়ান্দুনা ভারতপু অনৌবা ইনর্জীগী তুংগী লম্বী অমদা মমায় চুম্বদা মতেং ওইগনি হায়না ঐনা চপ চানা থাজৈ‍।

অদোমবু থাগৎচরি‍।

*****



(Release ID: 1676421) Visitor Counter : 20