(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• লৈবাক অসিদা হৌখিবা পুং ২৪দা ৩৬,৩৬৭ নাবা ফগৎখিবগী রেজিস্তর তৌখি
• লৈবাক অসিদা হৌখিবা পুং ২৪গী মনুংদা কনফর্ম তৌরবা অনৌবা কোবিদ কেস ৪৪,৪৮৯ রেজিস্তর তৌখ্রে
• ভারতকী হৌজিক ওইরিবা এক্তিব কেসলোদ (৪,৫২,৩৪৪) অসি অপুনবা পোজিতিব কেসকী ৪.৪৮৮% ওইরি
• ঙসি লৈবাক অসিগী নাবা ফগৎপগী চাং ৯৩.৬৬% ওইখি
• ভারতকী নোংমগী অনৌবা কেসশিংগী চাদা ৬১%দি কেরেলা, মহারাস্ত্রা, দিল্লী, ৱেস্ত বেঙ্গল, রাজস্থান অমসুং উত্তর প্রদেশতগীনি

ভারতকী নোংমগী অনৌবা কেসশিংগী চাদা ৬১%দি কেরেলা, মহারাস্ত্রা, দিল্লী, ৱেস্ত বেঙ্গল, রাজস্থান অমসুং উত্তর প্রদেশতগীনি

লৈবাক অসিদা হৌখিবা পুং ২৪গী মনুংদা কনফর্ম তৌরবা অনৌবা কোবিদ কেস ৪৪,৪৮৯ রেজিস্তর তৌখ্রে। মসিগী মনুংদা ৬০.৭২%দি রাজ্য তরুক হায়বদি কেরেলা, মহারাস্ত্রা, দিল্লী, ৱেস্ত বেঙ্গল, রাজস্থান অমসুং উত্তর প্রদেশতগীনি।

কেরেলানা অনৌবা কোবিদ কেস ৬,৪৯১গা লোয়ননা তেল্লি অসিদা মকোক চিংলি। হৌখিবা পুং ২৪গী মনুংদা মহারাস্ত্রাদা অনৌবা কেস ৬,১৫৯ রিপোর্ত তৌখি, অদুগা দিল্লীদা অতোপ্পা অনৌবা কেস ৫,২৪৬ রেজিস্তর তৌখি। হৌখিবা পুং ২৪গী মনুংদা রিপোর্ত তৌরকখিবা শীবগী কেস ৫২৪গী মনুংদা ৬০.৫০%দি রাজ্য/য়ু.তি. তরুক- দিল্লী, মহারাস্ত্রা, ৱেস্ত বেঙ্গল, হরিয়ানা, পঞ্জাব অমসুং উত্তর প্রদেশতগীনি। মহারাস্ত্রা, দিল্লী, উত্তর প্রদেশ অমসুং ৱেস্ত বেঙ্গলনা অনৌবা কেসশিংগা লোইননা নোংমগী শীবগী চাং খ্বাইদগী ৱাংবা রাজ্য তরুক্কী মরক্তা মকোকথোংবা রাজ্যশিংনি। দিল্লীদা মীওই ৯৯ শীবগা লোইননা শীখিবগী খ্বাইদগী য়াম্না রিপোর্ত তৌখি। মহারাস্ত্রাদা মীওই ৬৫ শিখি অদুগা মসিগী মতুং তারকপদা ৱেস্ত বেঙ্গলদা মীওই ৫১ শীখি। ভারতকী হৌজিক ওইরিবা এক্তিব কেসলোদ (৪,৫২,৩৪৪) অসি অপুনবা পোজিতিব কেসকী ৪.৪৮৮% ওইরি অদুগা ৫% মার্ক মখাদা লৈরি। এক্তিব কেসকী ৬৫%দি নোংমগী অনৌবা কেস অমসুং নোংমগী শীবগী মশিং খ্বাইদগী য়াম্না থেংনরিবা রাজ্য/য়ু.তি. ৮দগীনি। অপুনবগী শীবগী চাংগী ৬১%দি মসিগী রাজ্য/য়ু.তি. ৮দগীনি। রাজ্য/য়ু.তি. ৮ অসিগী মিলিয়ন অমদা থেংনবা কেসকী মশিং অসি লৈবাক্কী লৈরিবা চাংচৎ (৬,৭১৫)কা চাংদম্নবা অদু মখাদা পীরি। রাজ্য/য়ু.তি. ৮দা লৈরিবা কেস ফেতেলিতী রেৎ (সি.এস.আর.)কা লৈবাক অসিগী লৈরিবা চাংচৎ (১.৪৬%)কা চাংদম্নবা অদু মখাদা পীরি। ভারতকী অপুনবা নাবা ফগৎখিবা কেস লাখ ৮৭গী ময়া (৮৬,৭৯,১৩৮) য়ৌরে। ঙসি লৈবাক অসিগী নাবা ফগৎপগী চাং ৯৩.৬৬% ওইখি। লৈবাক অসিদা হৌখিবা পুং ২৪দা ৩৬,৩৬৭ নাবা ফগৎখিবগী রেজিস্তর তৌখি। রাজ্য/য়ু.তি. ১৫না নাবা ফগৎলকপগী চাং অসি লৈবাক অসিগী লৈরিবা চাংচৎতগী হেনখি। রাজ্য/য়ু.তি. ২০না নাবা ফগৎলকপগী চাং অসি লৈবাক অসিগী লৈরিবা চাংচৎতগী তানা রিপোর্ত তৌরকখি।

অকুপ্পা ৱারোলগীদমক:

পি.এম.না ৮০শুবা ওল ইন্দিয়া প্রিসাইদিং ওফিসর্স কনফরেন্সকী লোইশিনবগী সেসন্দা ৱা ঙাংখ্রে

প্রধান মন্ত্রী শ্রী নরেন্দ্র মোদীনা গুজরাতকী কেৱারিয়াদা পাঙথোকপা ৮০শুবা ওল ইন্দিয়া প্রিসাইদিং ওফিসর্স কনফরেন্সকী লৌশিনবগী সেসন্দা ঙসি ভিদিও কনফরেন্সকী থোংদা ৱা ঙাংখ্রে। প্রধান মন্ত্রীনা হায়খি ঙসি অসি গান্ধীজিনা পীরম্বা ইথিল অমসুং সদর বল্লভভাই পতেলনা কত্থোক লম্বা অদু নীংশিংনবা নুমিৎ অমনি। মহাক্না ২০০৮গী নুমিৎ অসিদা মুম্বাইদা তেরোরিস্তনা লান্দবদা থৱায় থাখ্রবা মীওইশিংবুসু নীংশিংখি। মহাক্না লৈবাক্কীদমক থৱায় থাখ্রবা সেক্যুরিতী ফোর্সশিংদা ইকাই খুম্নবা উৎখি অমদি ঙসি ভারতনা অনৌবা লম্বীদা তেরোরিজমবু থেংনরি হায়খি অমসুং সেক্যুরিতী ফোর্সশিংদা মহাক্না ইকাই খুম্নবা উৎখি। প্রধান মন্ত্রীনা কন্সতিত্যুসনগী ভেল্যুশিং শন্দোকপা মথৌ তাই হায়না ফোঙদোকখি। মহাক্না হায়খি কে.ৱাই.সি.- নো য়োর কন্সতিত্যুসন্না দিজিতেল সেক্যুরিতীগী মরু ওইবা শরুক ওইবনা, কে.ৱাই.সি.- নো য়োর কন্সতিত্যুসন্না সেফতী শিল্দগী অচৌবা ঙাকশেল অমা ওইগনি। লোগী শীজিন্নরিবা লোল অসি অরায়বা অমদি মীয়াম্না খঙবা ঙম্বা ওইহনগদবনি অসুম্না তৌদুনা মখোয়না লো খুদিংমক্কা লোইননা হকথেংননা মরী অমা লৈ ফাওহনগদবনি হায়না মহাক্না ফোঙদোকখি। চৎনদ্রবা লোশিং লৌথোকপগী থবক থৌরমশিং অসি অরায়বা ওইগদবনি অমসুং ঐখোয়না অমেন্দ তৌবা মতমদা অরিবা লোশিং রিপীল তৌনবা ওতোমেতিক সিস্তেম অমা থম্বা য়াই হায়না অপাম্বা ফোঙদোকখি।

অকুপ্পা ৱারোলগীদমক:

পি.এম.না লখনৌ য়ুনিভর্সিতীগী লিংখৎখিবা চহি চাম্মাশুবা নুমিৎকী থৌরমদা ৱা ঙাংখ্রে

প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা লখনৌ য়ুনিভর্সিতী লিংখৎখিবা চহি চাম্মাশুবা নুমিৎকী থৌরমদা ৱা ঙাংখ্রে। প্রধান মন্ত্রীনা থৌরম অদুদা য়ুনিভর্সিতীগী চহি চাম্মা শুবগী নীংশিং শেলয়েক ফোংখি। থৌরম অদুদা মহাক্না ইন্দিয়ন পোস্তনা থাদোকপা অখন্নবা নীংশিং পোস্তেল স্তাম্প অমসুং মদুগী অখন্নবা কভর অমসুং ফোংখি। থৌরম অদুদা কেন্দ্রগী ঙাক-শেল মন্ত্রী অমসুং লখনৌদগী এম.পি. শ্রী রাজনাথ সিংহগা লোইননা উত্তর প্রদেশকী মুখ্যমন্ত্রী শ্রী য়োগী আদিত্যনাথ শরুক য়াখি। প্রধান মন্ত্রীনা য়ুনিভর্সিতীদা মফম অদুগী কলাশিং অমসুং পোৎথোকশিংগা মরী লৈনবা কোর্সশিং য়াওহন্নবা খঙহনখি লোইননা হায়রিবা মফম অসিগী পোৎথোকশিংগী মগুন হেনগৎহন্নবা রিসর্স তৌনবা হায়খি। লখনৌগী ‘চিকনকারী’, মুরাদাবাদকী পিথ্রাইগী পোৎলমশিং, অলীগরগী শোশিং, ভদোহীগী কার্পেৎনচিংবা পোৎথোকশিংবু মালেমগী থাক্তা য়াওহন্নবা মেনেজমেন্ত, ব্রান্দিং অমসুং লাল্লোং শেম্নবা য়ুনিভর্সিতীনা ফংহল্লিবা কোর্সশিংগী মনুংদা য়াওহনগদবনি। মসিনা ৱান দিস্ত্রিক্ত ৱান প্রদক্তকী ৱাখল্লোন অদু অচুম্বা ওইহনবদা মতেং পাংবা ঙমগনি। প্রধান মন্ত্রীনা কলা, নাৎ অমসুং ধর্মগী ওইবা হিরমশিংদা শরুক য়াবা মখা চৎথনবা মখোয়বু মালেমগী থাক্তা পুখৎনবসু খঙহনখি।

অকুপ্পা ৱারোলগীদমক:

লখনৌ য়ুনিভর্সিতী লিংখৎখিবা নুমিৎকী চহি চাম্মা শুবা থৌরমদা পি.এম.না পীখিবা ৱারোল

অকুপ্পা ৱারোলগীদমক:

পি.এম.না ৩৩শুবা প্রগতিগী ৱারী-ৱাতাইগী ময়াং তাংবল লৌখ্রে

প্রধান মন্ত্রী শ্রী নরেন্দ্র মোদীনা ঙসি প্রগতিগী মীফমগী ময়াই তাংবল লৌখ্রে। মসি কেন্দ্র অমসুং রাজ্য সরকারশিংবু য়াওহন্দুনা, প্রো-এক্তিব গোভর্নেন্স অমসুং মতম চানা থবক পাইখৎপা ঙম্নবগীদমক আই.সি.তি.দা য়ুম্ফম ওইবা মল্তি-মোদেল প্লেৎফোর্ম অমা ওইরিবা প্রধান মন্ত্রীগী ৩৩শুবা প্রগতিগী ৱারী ৱাতাইনি। ঙসিগী প্রগতিগী মীফমদা প্রোজেক্ত কয়ামরুম, ৱাকৎশিং অমসুং থৌরমশিং য়েংশিনখি। পাইখৎখিবা প্রোজেক্তশিং অদু রেল মন্ত্রালয়, মোর্থ, দি.পি.আই.আই.তি., অমসুং পাৱর মন্ত্রালয়গীনি। ওরিশা, মহারাস্ত্রা, কর্নাতক, উত্তর প্রদেশ, জম্মু অমসুং কশ্মীর, গুজরাত, হরিয়ানা, মধ্য প্রদেশ, রাজস্থান অমসুং দাদরা অমসুং নাগর হবেলী য়াওনা রাজ্য অমসুং য়ু.তি. তরাদা পুন্না লুপা করোর লাখ ১.৪১ চংনা পাইখৎপা প্রোজেক্তশিং য়াওরি। প্রধান মন্ত্রীনা কেন্দ্র সরকারগী মরী লৈনবা সেক্রেতরীশিং অমসুং রাজ্য সরকারশিংগী চীফ সেক্রেতরীশিংদা থবকশিং অদু মতমগী মমাংদা লোইশিন্নবা খঙহনখি। মীফম অদুদা কোবিদ-১৯ অমসুং প্রধান মন্ত্রী অৱাস য়োজনা (খুঙ্গং)গা মরী লৈনবা ৱাকৎশিং খন্ন-নৈনখি। এক্সপোর্ত হবশিং অমসুং পি.এম. স্বনিধি, লৌউ-শিংউগী রিফোর্মশিং অমসুং দিস্ত্রিক্তশিংগী চাউখৎ-থৌরাংশিং য়েংশিনখি। প্রধান মন্ত্রীনা রাজ্যশিংদা স্তেৎ এক্সপোর্ত স্ত্রেতেজী অমা শেমগৎনবসু খঙহনখি।

অকুপ্পা ৱারোলগীদমক:

পি.আই.বি. ফিল্দ ওফিসশিংদগী ফংবা পাউ

•           মহারাস্ত্র: মহারাস্ত্রদা দিল্লী, গুজরাত, রাজস্থান অমসুং গোৱাদগী লাক্লিবা পেসেঞ্জরশিংগীদমক্তা থম্লিবা এস.ও.পি.শিং চৎনহনবনা চেকপোস্তশিং অমসুং রেলৱে স্তেশনশিংদা য়াম্না চেকশিন্না স্ক্রীনিং তৌখ্রে। রাজ্য মরি অসিদগী লাকপা পেসেঞ্জরশিং স্ক্রীন তৌনবা নাশিক্তা অখন্নবা হেল্থকেয়র সেন্তর থমখ্রে।

•          গুজরাত: গুজরাতকী হকশেল মন্ত্রী, কুমার কনানিনা য়ুমশকৈশা নুমিত্তা হায়খি মদুদি মপান লমদা চৎলিবশিং নত্রগা রাজ্য অসিগী মপানদা চৎলিবশিংনা হৌজিক্তি কোরোনাভাইরস তেস্ত তৌনবগীদমক্তা লুপা ১,০০০ অমা থিরগনি। হন্দক্কী থা অসিদা অনিশুবা ওইনা হৌখিবা পুং ২৪দা গুজরাত্তা কেস ১,৫৪০ থেংনখিবগা লোইননা নৌনা ৱাংখৎলকখিবা থেংনখি। হায়রিবা অসি অহুমলক শুবা ওইনা নোংমদা থেংনখিবা কেসশিংগী মশিং অদু ১,৫০০গী মথক্তা ওইখি। হৌজিক ফাওবদা গুজরাত্তা কোবিদ-১৯গী কেস ২,০১,৯৪৯ থেংনখি। ইনফেক্সন অসিনা মরম ওইরগা পেসেন্ত ১৪ অমুক লৈখিদবগা লোইননা শিখিবশিংগী মশিং অদু ৩,৯০৬তা হেনগৎখি।

•          রাজস্থান: মুখ্য মন্ত্রী, অশোক গেহলোতনা ইনফেক্সনগী মশিংদা খঙহৌদনা হেনগৎলকপা অসি য়েংলগা কোবিদকী গাইদলাইনশিং নীংথিনা চৎনবা লুহোংবা লাক্লিবা মীথুংলেনশিংদা পুকচেল শেংনা আপীল তৌরকখি। রাজ্য অসিনা নবেম্বর ২৫দগী দিসেম্বর ১১ ফাওবদা হন্দক্কী পন্থা অসিদা জয়পুরদগী ৬,০০০ য়াওনা চাউরাক্না লুহোংবা মশিং ২০,০০০ ময়া নক্না লৈখি। রাজ্য অসিদা লৈরিবা কোবিদ-১৯ এক্তিব কেসশিংগী মশিং অদু ২৬,৩২০ ওইখি।

•          মধ্য প্রদেশ: মধ্য প্রদেশতা ইন্দোর, ভোপাল, গ্বালিয়র, রতলাম, ৱিদিশা অমসুং শিবপুরি য়াওনা রাজ্য অসিদা চাউরাক্না জিলা ১২দা মমাংগী চয়োলদগী পোজিতিব ওইবগী চাং য়াম্না ৱাংনা লৈখি। মুখ্য মন্ত্রী, শিবরাজ চৌহন্না মাস্ক নীংথিনা উপহন্নববগী মতাংদা য়েংশিন্নবা ওফিসিয়েলশিংদা খঙহল্লকখ্রে। এক্তিব কেসশিংগী মশিং অদু হৌজিক ১২,৯৭৯ য়ৌখ্রে। রাজ্য অসিগী চাংচত্তা পোজিতিব ওইবগী চাং অসি চাদা ৫.৫ য়ৌখ্রে।

•          ছত্তিসগর: ছত্তিসগরদা কোবিদ-১৯গী মায়োক্তা ভেক্সিনেশন তৌনবগীদমক্তা শেম-শাবা হৌখ্রে। খ্বাইদগী ইহান হান্না ভেক্সিন কাপথোক্নববগীদমক্তা রাজ্য অসিগী হেল্থ ৱার্করশিং অদুগী চাউরাক্না চাদা ৯৮গী দেতা অদু হান্নদগী খোমগৎখ্রে। চট্তিসগর সরকারগী জেনরেল এদমিনিস্ত্রেশন দিপার্তমেন্তনা রায়পুর অমসুং জগদলপুর এয়রপোর্ত্তা মপান লমদগী লাক্লিবা পেসেঞ্জর পুম্নমকক কোবিদ স্ক্রীনিং নীংথিজনা তৌনবা নৌনা শেমদোক্লববা ইন্সত্রক্সনশিং থোকখ্রে।

•          গোৱা: গোৱাদা য়ীমশকৈশা নুমিত্তা কোবিদ-১৯গী অনৌবা কেস ১২৫ থেংনখি, মসিনা মরম ওইরগা ইনফেক্সন তৌখিবশিংগী মশিং অদু ৪৭,১৯৩ য়ৌহনখি। ইনফেক্সন অসিনা মরম ওইরগা মীওই মরি অমুক লৈখিদবগা লোইননা শিখিবশিংগী অপুনবা মশিং অদু ৬৮৩ য়ৌখ্রে।

•          অসাম: অসামদা পোজিতিব ওইবগী চংআ চাদা ০.৭৫% ওইখিবগা লোইননা তেস্ত ২৪,৪২৬ পাংথোকখিবগী মনুংদা কেস ১৮২ থেংনখি। পেসেন্ত ১১৭ দিসচার্জ তৌখ্রে, অপুনবা কেসশিংগী মশিং ২,১২,০২১ ওইখি, ৯৭.৯৯% ফগৎখি, এক্তিব কেসশিং- ১.৫৩% ওইখি, হায়ানা রাজ্যগি হকশেল মন্ত্রীনা ত্বীত তৌরকখি।

•          নগালেন্দ: অনৌবা কেস ৬০ থেংনখিববগা লোইননা রাজ্য অসিগী কোবিদ-১৯গী অপুনবা মমশিং অদু ১০,৯৯১ য়ৌখ্রে অদুগা এক্তিব কেসশিংগী মশিংননা ১,৪৬৫ ওইখি।

•          সিক্কিম: সিক্কিমদা হৌখিবা পুং ২৪গী মনুংদা নোভেল কোরোনাভাইরসকী অনৌবা কেস ৪২ থেংনখিবগা লোইননা য়ুমশকৈশা নুমিত্তা কোবিদ-১৯ কনফর্ম কেসশিংগী অপুনবা মশিং অদু ৪,৮১৯ য়ৌখ্রে। মরক অসিদা লৈবাকপোকপা নুমিত্তা রাজ্য অসিদা লৈরিবা ফেসিলিতীশিং অমসুং ওম আইসোলেশনশিংদগী পেসেন্ত ৪৪ অমুক দিসচার্জ তৌখ্রে, মসিনা দিসচার্জ তৌখিবা পেসেন্তশিংগী মশিং অদু হেনগৎলক্তুনা ৪,৩৯৫ য়ৌহনখ্রে।

•          কেরলা: রাজ্য সরকার অসিনা কোবিদ-১৯না মরম ওইরগা লৈখিদবশিং অদুগী হকচাং অদু শোক্না-শম্নদনা পোৎলোইনবগী অয়াবা পীখ্রে। কোবিদ-৯১ প্রোতোকোলদা কোমথোকখিবা অদুগী মতুং ইন্না কোবিদ-১৯না মরম ওইরগা লৈখিদবা মীওইশিং অদুগী পোৎলোইবদা ধর্মগী ওইবা থবক-থৌরমশিং খুদম ওইনা লাই খুরুম্বা অমসুং অশেংবা ঈশিং চাইথোকপনাচিংবশিং অসি পাংথোকপগী অয়াবা পীখ্রে। রাজ্য অসিনা মহারাস্ত্রদগী লৌখিবা রেপিদ এন্তিজেন তেস্ত কার্দ ৩২,১২২ হন্দোক্নবা হন্দক ৱারেপ লৌখি।

•          তামিল নাদু: পুদুচেরী রিলীফ কেমপশিংদা  কোবিদ-১৯ তেস্তশিং পাংথোকপা হৌখ্রে, ভাইরস অসি কিবনা মীয়ামশিং অদু থাপ্না লৈহনখি; তৌইগুম্বসুং এদমিনিস্ত্রেশন্না হেন্না খুদোংথিনিংঙাই ওইবা মফমশিংদা লৈবা মীশিংগী অসোই-অঙাম য়াওদনবা স্কুলশিং অমসুং কম্যুনিতী হোলশিংদা রিলীফ কেমপ ২৫০ থম্লবসু, হৌজিক ফাওবদা ১০ খক্তমক শিজিন্নখি। তামিল নাদুনা সাইক্লোন নিভারগা ময়োক্ননবা শেম-শাজরবসু, রাজ্য অসিনা য়ুমশকৈশা নুমিত্তা কোবিদ-১৯ কেস ১,৫৩৪ থেংনখি অমসুং ১৬ শিকীবগী পাউ লৈখি, মসিনা অপুনবা মশিং অদু ৭,৭৪,৭১০ য়ৌহনখি অমসুং শিখিবগী মশিংনা ১১,৬৫৫ ওইখি।

•          কর্নাতকা: কর্নাতকাদা কোবিদ-১৯ কেসলোদ লেপ্তনা হন্থরকপনা মরম ওইরগা নুমিদাংদা করফ্যু থমদবা য়ানা লৈরি; “হায়রিবা অসি ওপ্সন অমনি অদুবু হৌজিক লৈরিবা ফিভম অসিনা মরম ওইরগা তম্বদি ঙমদে। অনৌবা কন্তেনমেন্ত অমসুং সর্ভিলেন্্স গাইদলাইনশিংগী মতাংদা ওইরবদি ঐখোয়না মখোয়শিং অদুগী অয়ম্বদি ইমপ্লিমেন্ত তৌখ্রে,” হায়না হেল্থ কমিশনর পঙ্কজ কুমার পান্দেনা হায়খি।

•          অন্ধ্র প্রদেশ: কোভেক্সিনগী অহুমশুবা তাঙ্কক্কী ক্লিনিকেল ত্রায়লশিং অদু গুন্তুরদা লৈবা গোভর্নমেন্ত ফিবর হোসপিতালদা হৌখ্রে; জিলাগী কলেক্তর সমুৱেল আনন্দ কুমারনা অহুমশুবা তাঙ্কক্কী ক্লিনিকেল ত্রায়েলশিং অদু আইনগী ওইবা মওংদা হৌদোক্লবা মতুংদা গোভর্নমেন্ত ফিবর হোসপিতালদা ক্লিনিকেল ত্রায়েলশিংগীদমক্তা দোজ ১,০০০ পীখ্রে হায়না মহাক্না হায়খি।

•          তেলঙ্গনা: বি.জে.পি.না ঙসি কেন্দ্র সরকারনা পীথোক্লিবশিং অদুগী মতুং ইন্না মীয়ামদা কোরোনা ভেক্সিন অমসুং তেস্তিং ফংহল্লগনি আয়না থাজবা পীরদুনা গ্রেতর হাইদ্রবাদ মুনিসিপাল কোর্পোরেশন (জি.ঐচ.এম.সি.) পোলশিংগীদমক্তা মখোয়গী মেনিফেস্তো থাদোকখি। তেলঙ্গনাদা ঙসি কোবিদ-১৯গী অনৌবা কেস ৮৬২ থেংনখি, মসিনা রাজ্য অসিদা লৈরিবা কেসশিংগী  অপুনবা মশিং অদু ২,৬৬,৯০৪ য়ৌহনখি; ভাইরস অসিদা মীওই অহুম অমুক লৈখিদ্রে, মসিনা শিখিবশিংগী মশিং অদু ১,৪৪৪ য়ৌহনখি।

ফেক্ত চেক

*****