ভারতকী সম্বীধান চৎনবা হৌখিবা নিংশিংবা ওইনা ঙসি পর্লিয়ামেন্তরি এফেয়ার্স মিনিস্ত্রিনা সম্বীধান নুমিৎ পাংথোকখ্রে।.

থৌরম অদুদা ভারতকী রাস্ত্রপতিগী লুচিং মখাদা মিনিস্ত্রিগী ওফিসারশিং অমসুং ওফিসিএলশিংনা ভারত সম্বীধানগী প্রিয়েম্বল পাখি। সম্বীধানগী প্রিয়েম্বল পারবা মতুংদা মরুওইবা থৌদাংশিং অমসুং শ্বচ্ছতাগী ৱাশক অমা লৌখি।

মীওই খুদিংমক শরুক য়াবা “সম্বীধানগী অচুম্বা ৱাখল্লোনশিং অমসুং মগুনশিং-লেজিসলেচর, জুদিসিয়ারি অমসুং ইজুকিউতিপগী মরক্তা পুনফম অমা” হায়বা হিরমদা ৱেবিনার অমসু পাংথোকখ্রে। পর্লিয়ামেন্তরি এফেয়ার্স মিনিস্ত্রিগী ওফিসিএলশিংগী মথক্তা আর্থ সাইন্সেস মিনিস্ত্রিগী ওফিসিএলশিংসু ৱেবিনার অদুদা শরুক য়াখি। থৌরম অদুদা পর্লিয়ামেন্তরি এফেয়ার্স মিনিস্ত্রিগী জোইন্ত সেক্রেতরি, দোক্তর সত্যা প্রকাসনা ৱাঙাংলোয় ওইখি।

সম্বীধানগী প্রিয়েম্বলদা য়াওরিবা তোঙান-তোঙানবা অচুম্বা ৱাখল্লোনশিংগী মরুওইবশিং মহাক্না পনখি অমসুং ঐখোয়গী গনতন্ত্রগী লৈঙাক অসিদা সম্বীধানগী গুনশিংগী মরুওইবশিং ফোঙদোকখি। ভারতকী লৈঙাক্তা কয়াৎ অহুমগী মরুওইবগী মতাংদসু মহাক্না শরুক য়াখিবশিংদা খঙহনখি। 

*****