নুপাগী সেনিয়র হোক্কি তিমগী চীফ কোচগী পাউতাক মতুংইন্না হৌজিক সাই বেঙ্গলুরুদা চৎথরিবা নুপাগী নেসনেল হোক্কি কেম্প মশাগী ওইনা দিসেম্বর ১৮দা লোইশিনগদবা অদুগী মহুত্তা দিসেম্বর ১২ লোইশিল্লগনি।

থা মরি লেপ্তনা কেম্প চৎথরক্লবা মতুংদা, কেম্প অসিদগী শান্নরোয়শিং চয়োল অহুমগী মতম হায়বদি ২০২০গী দিসেম্বর ১২দগী ২০২১গী জনুৱারি ৫ ফাওবা পোথারগনি। হায়রিবা চয়োল অহুমগী অসিগী মনুংদা নুপাগী সেনিয়র তিমগী চীফ কোচ অমসুং সাইন্তিফিক এদভাইজরনা শান্নরোয়শিংদা স্ত্রেং অমসুং কন্দিসন্নিংগী থৌরম অমা পীগনি।

কোরোনাভাইরস লাইচৎনা মরম ওইদুনা মার্চ থাদগী লৈবাক শীনবা থুংনা লোকদাউন থম্লুরবা মতুংদা তাঙ্কক নাইনা শান্ন-খোৎনবগী থবকশিং অমুক হন্না হৌরকপদগী, চহি অসিগী অগস্ত থাদগী সাই বেঙ্গালুরু সেন্তরদা ভারতকী নুপাগী হোক্কি তিম ত্রেনিং পাংথোক্তুনা লাকপনি। তিম অসি মথং চহিদা পাংথোক্কদবা ওলেম্পিক্কী মাংজৌন্না ক্বালিফাই ওইখ্রবনি। 

*******