ঙসি য়ুনিয়ন স্পোর্তস মিনিস্তর শ্রী কিরেন রিজিজুনা ‘ফিত ইন্দিয়া স্কুল ৱিক’ থৌরমগী অনিসুবা ইদিসন হৌদোকখ্রে। থৌরম অদুদা ফিত ইন্দিয়া মিসন দিরেক্তর এক্তা বিসনোই; সি.বি.এস.ই চিয়রমেন মনোজ অহুজা; সি.আই.এস.সি.ই চিয়রমেন দোক্তর জি.ইম্মানুএল; এম.পি ইন্তরনেসনেল স্কুল, কাসারাগোদকী প্রিন্সিপাল দোক্তর অবদুল জালিল মারথ্যা; জয়পি পব্লিক স্কুল,গ্রেতর নোইদাগী পি.ই অমসুং স্পোর্তসকী মকোক নিরাজ সিংহ অমসুং জয়পি পব্লিক স্কুল,গ্রেতর নোইদাগী মহৈরোয় প্রকৃতি অর্ধস অমসুং এম.পি ইন্তরনেসনেল স্কুল, কাসারাগোদকী য়াসির অমির অলি শরুক য়াখি অমসুং স্পোর্তস এনকর মনিস বাতাবিয়ানা হোস্ত ওইখি।

স্কুল অসি হৈনবী শেম্নবগী অহানবা মফম অমা ওইনা অঙাংশিংনা মখোয়গী নোংমগী তঙাইফদবা থবক-থৌরমশিংদা শান্নবা অমসুং হকচাং শাজেল য়াওহন্নবা পুক্নিং থৌগৎনবা পান্দমদা ভর্চুএল ওইনা থৌরম অসি পাংথোকপনি।

হৌদোকপা থৌরম অদুদা শ্রী কিরেন রিজিজুনা হায়খি মশা-মউ ফবা ভারত ওইহনবদা মহৈরোয়শিংনা অচৌবা থৌদাং লৌরি অমসুং স্কুল কয়া ফিত ইন্দিয়া স্কুল ৱিক্তা মিং চনবদা ঐ হরাওই অমসুং নোংম-নোংমগী মশিং হেনগৎলক্লি। হায়রিবা স্কুলশিং অসিদগী লৈবাক অসিগী পাঙ্গল শেমগৎতুনা মসিনা ভারতমচা খুদিংমক হকচাং ফনা লৈনবা ঐখোয়গী পান্দম অদু ফংবদা মতেং পাংগনি।

হৌখিবা চহিগী নবেম্বরদা ফিত ইন্দিয়া স্কুল ৱিক থৌরম হৌদোকখিবনি অমসুং মসিদা লৈবাক শীনবা থুংনা স্কুল ১৫,০০০ হেন্না শরুক য়াখি।

লাইভ ওইনা পাংথোকপা থৌরম অদুদা জয়পি পব্লিক স্কুলগী লাইবক ফরবা মহৈরোয় অমা, প্রকৃতি অর্ধসনা স্পোর্তস মিনিস্তরদা ৱাহং হংনবগী খুদোংচাবা ফংখি অমসুং মহাক্না মিনিস্তরদা মহাক্কী হকচাং ফনা লৈনবগী লাইৱা অমসুং মহাক্কী চহি মতাং অসিদা হেন্না নহা ওইনা উনবা কমদৌনা হোৎনবগে হায়না হংখি।

নোক্লদুনা শ্রী রিজিজুনা পাউখুম পীখি অমসুং হায়খি “ঐ চহি ২৫-৩০গী নুপামচা অমনি হায়না ঐনা খল্লি অমসুং হকচা ফনা লৈনবা দরকার ওইবা খুদিংমক ঙাক্না চৎলি। হকচাং ফনা লৈনবা অদোম্না মতম পুম্নমক্তা খাংবা কনবা অমসুং পামজবা লৈগদবনি”।

হৌজিক থেংনরিবা লাইচৎকী ফিবম অসি য়েংলগা, চহি অসিগী থৌরম ওনলাইন ওইনা পাংথোক্লে অমসুং পাংথোক্নবা পান্দম থম্লিবা থৌরমশিং স্কুলশিংনা ভর্চুএল ওইনা পাংথোক্লগনি।

থৌরম অসিদা শরুক য়ানবা স্কুলশিংনা মখোয় মশামক https://fitindia.gov.in/fit-india-school-week/ দা মিং চনগদবনি।

ফিত ইন্দিয়া স্কুল ৱিক পাংথোক্নবা ২০২০গী দিশেম্বরদা অপাম্বা চয়োল অমা মখোয়না খনগদবনি অমসুং মখোয়না মিং চনবা মতমদা মাংজৌন্না পীশিনখিবা পাংথোক্কদবা থবকশিং অদু নুমিৎ খুদিংগী পাংথোক্কদবনি।

চহি অসিগী স্কুল ৱিক থৌরমদা পাংথোক্নবা থৌরাং তৌখ্রবা থৌরম খরদি-এরোবিক্স, লাইয়েকপা, কুইজ/দিবেতশিং, জগোয়, স্তেপ-অপ চাংদম্নবা অমসুং অতৈ কয়ানি।

*****