జీ ఎస్టీ అమలు కారణంగా ఏర్పడిన లోటు భర్తీకి ఆప్షన్-1 కు కేరళ, పశ్చిమ బెంగాల రాష్ట్ర ప్రభుత్వాలు తమ ఆమోదాన్ని తెలియజేశాయి. దీంతో ఇప్పటివరకు ఆప్షన్ -1 ఎంచుకున్న రాష్ట్రాల సంఖ్య 25 కు చేరింది. మరో మూడు కేంద్ర పాలిత ప్రాంతాలు ( ఢిల్లీ, జమ్మూ-కశ్మీర్, పాండిచ్చేరి) కూడా ఆప్షన్ -1 కు ఆమోదం తెలిపాయి.

ఈ విధంగా జీస్టీ లోటు భర్తీకి ఆప్షన్ -1- ఎంచుకున్న రాష్ట్రాలు ఆ మొత్తాన్ని ప్రత్యేక రుణం ద్వారా  భర్తీ చేసుకునేందుకు కేంద్ర ప్రభుత్వం వెసులుబాటు కల్పించింది. ఈ విధానం 2020 అక్టోబర్ 23 నుంచి అమలులోకి వచ్చింది. రాష్ట్రాల తరఫున కేంద్ర ప్రభుత్వం ఇప్పటికే నాలుగు వాయిదాలలో 24,000 కోట్లు రుణంగా సేకరించింది. ఈ మొత్తాన్ని  ఆప్షన్ -1 ఎంచుకున్న రాష్ట్రాలకు, కేంద్రపాలిత ప్రాంతాలకు అక్టోబర్ 23, నవంబర్ 2, నవంబర్ 9, నవంబర్ 23 తేదీలలో అందజేసింది.   ఇప్పుడు కేరళ, పశ్చిమ బెంగాల్ రాష్ట్రాలు కూడా ఇదే పద్ధతిలో వచ్చే రౌండ్ రుణాల నుంచి అందుకుంటాయి.

ఈ ఆప్షన్ కింద జీఎస్టీ అమలుతో ఏర్పడ్డ లోటు భర్తీకి ప్రత్యేక రుణం పొందటంతోబాటు 2020 మే 17న ఆత్మ నిర్భర్ భారత్ కింద కేంద్రం అనుమతించిన అదనపు 2% అప్పులో  స్థూల రాష్ట్ర జాతీయోత్పత్తిలో 0.5% మేర ఆఖరి విడత బేషరతుగా అప్పు పొందటానికి వీలవుతుంది.   ఇది 1.1 లక్షల కోట్ల ప్రత్యేక వెసులుబాటుకు అదనం.  కేరళ, పశ్చిమ బెంగాల్ రాష్ట్రాల్;ఇ ఆప్షన్ 1 పట్ల సానుకూలత ప్రకటించిన నేపథ్యంలో భారత్ ప్రభుత్వం అదనంగా రుణాలు పొందటానికి అనుమతించింది. కేరళకు ఆ రాష్ట్ర స్థూల జాతీయోత్పత్తిలో 0.5% కింద రూ, 4,522 కోట్లు, పశ్చిమ బెంగాల్ కు ఆ రాష్ట్ర స్థూల జాతీయోత్పత్తిలో 0.5% కింద రూ..6787 కోట్లు అందే వీలుంది.

25 రాష్ట్రాలకు అనుమతించిన అదనపు ఋణసేకరణ మొత్తం, ప్రత్యేక విధానంలో సేకరించుకోవటానికి అనుమతించిన మొత్తాల వివరాలను అనుబంధంలో జతపరచటమైనది. ఇందులో 25 రాష్ట్రాలు, 3 కేంద్ర పాలిత ప్రాంతాలు ఉన్నాయి.      రాష్ట్రాలవారీగా  వాటి రాష్ట స్థూల జాతీయోత్పత్తిలో 0.5 శాతం కింద అందుకునే అదనపు రుణాలు, ప్రత్యేక విధానంలో పొందే నిధులు నవంబర్ 23 వరకు ఇలా ఉన్నాయి.     

(Rs. in Crore)

***