প্রধান মন্ত্রী কিসান সম্পদা য়োজনা(পি এম কে এস ৱাই)গী এগ্রো-প্রোসেসিং ক্লস্তর(এ পি সি)গী মচাক-মথুমশিং শেমগৎনবা স্কিমগী মখাদা লাকখিবা প্রোজেকশিং খনন্নবা ঙসি ভিদিও কনফরেন্সকী খুৎথাংদা ফুদ প্রোসেসিং ইন্দস্ত্রিগী য়ুনিয়ন মিনিস্তর শ্রী নরেন্দ্র সিংহ তোমারনা লুচিংদুনা আই.এম.এ.সি মীফম পাংথোকখ্রে। ভিদিও কনফরেন্সকী খুৎথাংদা প্রোজেকশিংগী প্রোমোতরশিংসু শরুক য়াখি।

মেঘলয়, গুজরাত, মৈধ্য প্রদেস, কর্নাতাকা অমসুং মহারাস্ত্রা রাজ্যশিংগী লুপা করোর ৬০.৮৭গী গ্রান্তস-ইন-এদ য়াওনা অপুনবা লুপা করোর ২৩৪.৬৮গী প্রোজেক ৭ আই.এম.এ.সিনা অয়াবা পীরে।হায়রিবা প্রোজেকশিং অসিদা লনাই ওইনা লুপা করোর ১৭৩.৮১ থাদগনি অমসুং মীওই ৭৭৫০ রোম থবক পীগনি হায়বগী থাজবা থম্লি।

লৈবাক অসিদা লৌউ-শিংউগী পোৎথোকশিং শেম-শানবা মফমশিং লিংখৎপদা মতেং পাংনবা প্রধান মন্ত্রী কিসান সম্পদা য়োজনাগী মখাদা এগ্রো-প্রোসেসিং ক্লস্তরগী মচাক-মথুমশিং শেম্নবা স্কিম ২০১৭গী মে ৩দা অয়াবা পীখ্রে। হায়রিবা স্কিম অসিনা ক্লস্তর ওইনা ওন্ত্রেপ্রেনিউয়রশিংনা ফুদ প্রোসেসিং য়ুনিতশিং লিংখৎনবা অনৌবা মচাক-মথুমশিং শেমগৎপদা পুক্নিং থৌগৎনবা পান্দম থম্লি। হায়রিবা ক্লস্তরশিং অসিনা অহেনবা পোৎথোকশিং পৎতুনা মাঙবদগী হন্থহনগনি অমসুং হোর্তিকলচর অমসুং লৌউ-শিংউগী পোৎথোকশিং মগুন হেনগৎহন্দুনা লৌমীশিংগী শেন্থোক হেনগৎহনগনি অমসুং লৌমীশিং থবক ফংহনগনি।

*****