সাইক্লোন নোংলৈ-নুংশিৎ “এন.আই.ভি.এ.আর.”গী য়ংলগা কেবিনেৎ সেক্ত্রেতরী শ্রী রাজিব গৌবানা চেয়র লৌদুনা নেস্নেল ক্রাইসিস মেনেজমেন্ত কম্মিতি (এন.সি.এম.সি.) মিতিং অমা ঙসি ভিদিও কনফরেন্সকী খুত্থাংদা তামিল নাদু, পুদুচেরী অমসুং অন্ধ্র প্রদেশকী সেক্ত্রেতরীশিং অমসুং মিনিস্ত্রী মখল কয়াগী সেক্ত্রেতরীশিংগা লোয়ননা পাংথোকখ্রে।  

শ্রী গৌবানা হায় মদুদি ঐখোয়গী পান্দমদি মীওই অমত্তগী পুন্সি মাংহন্দবা অমসুং অমাং অতা অসি য়ারিমখৈ থোকহন্দবা অমসুং পাৱর, তেলোকোম অমসুং অতৈ মরুওইবা মফমশিং য়ারিবমখৈ অথুবা মতমদা মহৌশাগুম্না লৈহনবা অসিনি হায়না মহাক্না হায়খি।

চীফ সেক্ত্রেতরীনা এন.সি.এম.সি.দা মখোয়বু শেম-শাদুনা লৈনবা খংহনখি। দি.জি., আই.এম.দি.না কম্মিতিদা নোংলৈ-নুংশিৎ “এন.আই.ভি.এ.আর.”গী খ্বাইদগী অনৌবা ফিবম খঙহনখি। দি.জি. এন.দি.আর.এফ.না নুমিৎ হুম্নিগী শেম-শাদুনা লৈরবা অসি খংহনখি অমসুং এন.দি.আর.এফ.কী তিম ৩০ অমসু লেঙদনা লৈরে অমসুং অহেনবা তিম ২০ অমসু তামিল নাদু, পুদুচেরী অমসুং অন্ধ্র প্রদেশকীদমক খাক্তুনা লৈরি। 

ঙা-ফাবা মীওইশিং অসিবু শমুদ্রদা চৎতনবা পাউতাক পীরি অমসুং শমুদ্র তোর্বান্দা লৈবা মীওইশিংবু শাফগদবা মফমদা লৈহনখ্রে। কেবিনেৎ সেক্ত্রেতরীনা ফিবম অসিদা ঙতাইফদনা চংদবা য়াদ্রশিং স্তেত সরকারদা পীনবা থাজবা থমখ্রে।

*****