“ঐখোয়গী মাংজিল থারিবা ইন্সতিত্যুসন্না – ইন্দিয়ন কাউন্সিল ওফ মেদিকেল রিসর্চ (আই.সি.এম.আর.)-কোবিদ-১৯ বেক্সিনশিংগী ত্রাইএল পাঙথোকপদা য়াওরি’। ভারতনা মরু ওইবা বেক্সিন কন্তেন্দরশিংগীদমক্তা ক্লিনিকেল ত্রাইএলশিংসু পাঙথোক্লি। ভারত্তা বেক্সিন ৩০রোম দিবেলপমেন্তগী তোঙান তোঙানবা স্তেজশিংদা লৈরি। মখোয়গী মনুংদা অনিদি দিবেলপমেন্তগী খ্বাসিদগী এদভান্স স্তেজতা লৈরি – আই.সি.এম.আর.-ভারত বাইওতেক চুংশিন্নদুনা দিবেলপ তৌখিবা কোবাসিন অমসুং সিরম ইন্সতিত্যুত ওফ ইন্দিয়াগী কোবিশিল্দ। মলেমগী খ্বাইদগী চাউবা বেক্সিন মেন্যুফেকচরর ওইরিবা ইন্সিত্যুত অসিনা ওক্সফোর্দ য়ুনিবর্সিতীনা দিবেলপ তৌবা বেক্সিনগী ত্রাইএলশিং পাঙথোক্লি। অনিমক ক্লিনিকেল ত্রাইএল স্তেজকী ফেস-IIIদা লৈরি। ঐখোয়গী খ্বাইদগী চাউবা ফার্মা অমা ওইরিবা দা. রেদী’স লেবোরেতরীসনা রুসিয়াগী বেক্সিন অসি মীওইবদা ত্রাইএল তৌবগী অরোইবা স্তেজ পাঙথোক্লবা মতুং অমসুং রিগুলেতরী এপ্রুবেল ফংলবা মতুংদা ভারত্তা য়েন্থোক্কনি”। হকশেল অমসুং য়াইফ-য়ুম্বাল, সাইন্স অমসুং তেক্নোলোজী অমসুং আর্থ সাইন্সেসকী মন্ত্রী দা. হর্শ বর্ধন্না ঙসি ভর্চ্যুএল ওইনা পাঙথোকখিবা অহানবা ভর্চ্যুএল এস.সি.ও. য়ং সাইন্তিস্ত কনক্লেবকী মহাক্কী থৌরম হৌদোকপগী ৱারোলদা মহাক্না অসুম্না ফোঙদোকখি। “কনক্লেব অসিগী মরু ওইবা পান্দমদি এস.সি.ও. (সঙঘাই কোওপরেসন ওর্গনাইজেসন)দগী নহা ওইরিবা লৌশিং লৈরবশিংবু অমত্তা ওইবা প্লেৎফোর্ম অমদা পুরক্তুনা রিসর্চ অমসুং ইন্নোবেসনগী খুত্থাংদা খুন্নাইনা থেংনরিবা চপ মান্নবা শিংনবশিং অসি কোকহন্ননবা মখোয়গী লৌশিং শীজিন্নবনি”।

দা. হর্শ বর্ধন্ন হায়খি, “কোবিদ-১৯ থেংনবদা, ভারতনা মাগী শীংথানিংঙাই ওইবা সাইন্তিফিক্কী তৌবা ঙম্বা অদু পুথোক্তুনা শীজিন্নখি। লহৌঙৈগী ওইবা লৌশিংদা য়ুম্ফম ওইবা ইন্দিজিনসকী বেক্সিনশিং পুথোকপআ, নোবেল পোইন্ত-ওফ-কিয়র দাইগ্নোস্তিক্স অমসুং য়ে থেরাপিয়োতিক ফোর্ম্যুলেসনশিং অসিদগী হৌদুনা রিসর্চ রিসোর্সশিং, পব্লিক অমসুং প্রাইবেৎ অনিমক্কী ইন্দিয়ন আর এন্দ দি এ্ন্তিতীশিং ফাওবদা লাইচৎ অসি লাকশিন্নবা খোঙথাংশিং পুথোকপদা চোকথবা লৈতনবা হোৎন্দুনা লাকখি”। “সরকারগী মতেংগা লোইননা স্তার্তঅপ ১০০গী মথক্না কোবিদ-১৯ লাকশিন্নবা অনৌবা প্রদক্তশিং অমসুং সোলুসনশিং ফংহনখি”, হায়না মহাক্না ফোঙদোকখি।

মন্ত্রীনা হায়খি, মালেমগী য়াইফনবা, মীওইবগী য়াইফনবা “নহা ওইরিবা এস.সি.ও.গী সাইন্তিস্তশিংদা অখন্ননা হায়জরি” মদুদি “হৌজিক থোক্লিবা কোরোনাগী লাইচৎ অসি য়াওনা খু্ন্নাইগী ওইবা চপ মান্নবা শিংনবশিংগীদমক্তা রারোইশিন পুথোক্নবা মখোয়না থোরক্তুনা অমসুং খুৎশম্ননা হোৎনগদবনি”। “কোবিদ-১৯ লাইচৎ অসি চাংয়েং অমনি” হায়না ফোঙদোক্লদুনা, মহাক্না হায়, “মসিনা অসিগুম্বা মালেমগী ওইবা শিংনবা অসি মায়োক্নবদা মল্তিলেতরেল কোওপরেসন মরু ওই হায়বা তাকখি”।

দা. হর্শ বর্ধন্না হায়খি ভারত সরকারনা কোবিদ-১৯ বেক্সিন রিসর্চকীদমক য়ু,এস. দোলরগী করোর ১২গী শেন্থং অমা লাউথোকখি। “মসি কোবিদ সুরক্ষা মিসন (কোবিদতগী ঙাকথোক্নবা মিসন)গীদমক্তা পীথখি অমসুং মসি লম অসিগী রিসর্চ অমসুং দিবেলপমেন্তদা খক্তা শীজিন্নগদবনি”, হায়না মহাক্না হায়খি।  পুথোকপা অমসুং য়াইফবা হেনগৎনবা ইন্নোবেসন্না মরু ওইবা দ্রাইবরনি”, হায়না ফোঙদোক্লদুনা মহাক্না তিল্লিবা মীয়ামদা হায়,"ভারত অসি স্তার্ত-অপশিং অমসুং ইন্নোবেসনগী হব অমা ওইরক্লি। ভারতকী নহাশিংনা মখোয়গী তুংলমচৎকা মরী লৈনবা অমসুং অনৌবা ৱাখল্লোন অসিনা মরম ওইরগা শীংথানরি”।

মহাক্না হায়খি, “নহা ওইরিবা তেলেন্তশিংদা সাইন্সকী অরুবা লমশিংদা খুদোংচাবশিং পীনবা অমসুং লুচিংনবা ভারতনা অখন্নবা রিসর্চ লেবোরেতরী মঙা লিংখৎখি। লেবোরেতরী অমমমনা সাইন্সকী লম অমদা মীৎয়েং থম্লি – আর্তিফিসিএল ইন্তেলিজেন্স, ক্বান্তম তেক্নোলোজীশিং, কোগনিতিব তেক্নোলোজীশিং, এসীম্মিত্রিক তেক্নোলোজীশিং অমসুং স্মার্ত মেতরিএলশিং”। “পীরিবা কাংলোনশিংগী মতুং ইন্না লেবোরেতরীশীং অসিগী দিরেক্তর য়াওনা মীপুম খুদিংমক চহি ৩৫গী মখাদা লৈ”, হায়না মহাক্না ফোঙদোকখি।

দা. হর্শ বর্ধন্না নবেম্বর ১০, ২০২০দা হন্দক্তা পাঙথোকপা এস.সি.ও.গী মকোক থোংবশিংগী স্তেৎস সম্মিৎ মীতিংদা ভারতনা স্তার্তঅপ ইকোসিস্তেমদা ঐখোয়গী লৈজরিবা খঙহৈবশিং অসি ফোঙদোক্নবা ইন্নোবেসন অমসুং স্তার্তঅপশিংগী স্পেসিএল ৱর্কিং গ্রুপ অমা শেম্নবা পুখৎখি।  “য়েলহৌঙৈগী অমসু অরিবা মতমগী হিদাক-লাংথক্কী লৌশিং অসি এস.সি.ও. লৈবাকশিংদা শিনবা থুংনা শন্দোক্নবা অমসুং হৌজিক লৈরিবা হিদাক-লাংথক অসিগা অমনা অমগী মতাং পাংনবগী লম্বীদা চংশিন্নবা ঐখোয়না ৱার্কিং গ্রুপ ওন ত্রেদিস্নেল মেদিসিন অমা প্রপোজ তৌখি”, হায়না মন্ত্রীনা ফোঙদোকখি। “এস.সি.ও.না চাউখৎপা হায়বা অসি সাইন্স, তেক্নোলোজী অমসুং ইন্নোবেসন সেক্তরগী মাই পাকপগী মখা পোল্লি। মসিগী ৱাখল্লোন অসি হোংদোকপা তঙাই ফদবা অমা ওইরক্লি”, হায়না দা. হর্শ বর্ধন্না ফোঙদোকখি।

ভারত্তা পাঙথোকপা অহানবা এস.সি.ও. য়ং সাইন্তিস্ত কনক্লেবকীদমক্তা নোমিনেৎ তৌরবা নহা ওইরিবা সাইন্তিস্ত পুম্নমকপু সাইন্স অমসুং তেক্নোলোজীগী মন্ত্রীনা থাগৎপা ফোঙদোকখি অমসুং মহাক্না “কোবিদ-১৯ লাইচৎ অসিনা থোকহল্লিবা শিংনবশিং অমসুং অপনবশিং লৈরবসু কনক্লেব অসি পাঙথোকপগীদমক্তা ঐগী ইশাগী সাইন্স অমসুং তেক্নোলোজী বিভাগ অমসুং ইন্দিয়ন ইন্সতিত্যুত ওফ কেমিকেল তেক্নোলোজী অমসুং মপাল থৌরম মন্ত্রালয়গী ওর্গনাইজেসনশিং”দা থাগৎপা ফোঙদোকখি।  মহাক্না হায়খি, “নহা ওইরিবা সাইন্তিস্তশিংগী মোত্তো অসি – ইন্নোবেৎ তৌবা, পেতেন্ত শেম্বা, পুথোকপা অমসুং চাউখৎপা ওইগদবনি। খোঙথাং মরি অসিনা ঐখোয়গী লৈবাকশিং খোঙজেল বাংনা চাউখৎপা ঙমগনি”।

থৌরম অসি ভর্চ্যুএল ওইনা য়াওখিবা মশক নাইবা মীওইশিংগী মরক্তা সঙঘাই কোওপরেসন ওর্গনাইজেসনগী সেক্রেতরী জেনরেলতরগন ওর্গনাইজেসনি অসিনা ঐাউভাগ  মিস্তর ব্লাদিমির নোরোব; ভারতকী হাইদরবাদকী সি.এস.আই.আর.-ইন্দিয়ন ইনস্তিত্যুত ওফ কেমিকেল তেক্নোলোজীগী দিরেক্তর দা. এস. চন্দ্রসেখর; ভারত সরকারগী মপাল থৌরম মন্ত্রালয়গী সেক্তেতরী(ৱেস্ত) মিস্তর বিকাস স্বরুপ; ভারত সরকারগী সাইন্স অমসুং তেক্নোলোজী বিভাগকী সেক্রেতরী প্রোফেসর অশুতোশ শর্ম; ইন্তরনেস্নেল কোওপরেসন দিবিজন, দি.এস.তি.গী হেদ মিস্তর সঞ্জীব কুমার বার্শনে; এস.সি.ও. মেম্বর স্তেৎশিংদগী খনগৎলবা নহা ওইরিবা সাইন্তিস্তশিং; এস.সি.ও. মেম্বর স্তেৎশিংগী মকোক থোংবা এক্সপর্তশিং/মেন্তরশিং; এস.সি.ও. মেম্বর স্তেৎশিংগী সাইন্তিফিল মন্ত্রালয়গী মীহুৎশিং; এস.সি.ও. লৈবাকশিংগী সাইন্স কাউন্সেলরগী মিসনশিং/এম্বেসেদরশিংগী ভারতকী মকোক থোংবশিং য়াওখি।

"এস.সি.ও. বেকগ্রাউন্দরগীদমক্তা মসিদা ক্লিক তৌবীয়ু".

*****