নোংলৈ নুংশিৎ “নিবার” পুদুচেরীগী নোংপোক-খানোংপোক্তা কি.মি. ৩৮০ রোম অমসুং চেন্নাইগী খানোংপোক্তা কি.মি.৪৩০দা শিৎলি। সাইক্লোন “নিবার” মখা তানা কনশিল্লক্তুনা পুং ১২গী মনুংদা হেন্না অকনবা নোংলৈ নুশিৎ অমা ওইরক্কদৌরি অমসুং তামিল নাদু অমদি পুদুচেরীগী কারইকল অমসুং মামল্লপুরমগী মরক্তা লৈবা সমুদ্র মপালশিং পুদুচেরীগী অকোইবদা নুংশিৎকী খোঙজেল পুংদা কি.মি. ১০০-১১০দগী পুংদা কি.মি. ১২০ ফাওবা শিৎকদবা অকনবা নোংলৈ নুংশিৎ অমা ওইনা নবেম্বর ২৫গী নুমিদাং অথেংবদা শিৎলবা য়ানা লৈরি।

সিস্তেম অসি কুপ্না য়েংশিল্লি। তামিল নাদু অমসুং অন্ধ্র প্রদেশতা লৈবা নেস্নেল দিজাস্তর রেস্পোন্স ফোর্স (এন.দি.আর.এফ) ঐচ.ক্যু অমসুং বাত্তালিয়নগী কম্মান্দেন্তশিংগা লোইননা রাজ্যশিং অসিগী ওথোরিতীশিংগা লোইননা থবক তৌমিন্নরি। ইন্দিয়ন মেতিয়োরোলোজিকেল দিপার্তমেন্ত (আই.এম.দি.)গী ফোর্কাস্ত অমসুং রাজ্যগী ওথোরিতীশিংনা মথৌ তাই হায়না ফোঙদোরকপগী মতুং ইন্না শোহল্লকপা য়াবা মফমশিংদা তিম ২২ (তামিল নাদুদা তিম ১২, পুদুচেরীদা তিম ০৩ অমসুং অন্ধ্র প্রদেশতা তিম ০৭) মাংজৌননা শেম শাদুনা লৈখ্রে। গুনতুর (অন্ধ্র প্রদেশ), ত্রিশুর (কেরেলা) অমসুং মুন্দলি (ওরিশা)দা অহেনবা মথৌ তারকপশিংগীদমক্তা তিমশিং রিজর্ব তৌদুনা থমখ্রে।

তিম পুম্নমক্কী মথৌ তৌরিবা ৱায়রলেস অমসুং স্তেলাইৎ কম্ম্যুনিকেসনশিং, করিগুম্বা মথৌ তারক্লবদি লেন্দফোলগী মতুংদা অমাং অতা থোকপা শেমজিন্নবা উগী কত্তরশিং /পোলগী কত্তরশিং লৈ। হৌজিক ওইরিবা কোবিদ-১৯গী ফীভম অসি য়েংলগা এন.দি.আর.এফ.কী তিমশিং মতিক চাবা পি.পি.ই.শিং থম্লি।

এন.দি.আর.এফ.না দিস্ত্রিক্ত অমসুং লোকেল এদমিনিস্ত্রেসনশিংগা লোইননা পুন্না থবক তৌমিন্নরি। সাইক্লোনগী মরমদা ইপাউ পীনবা মওংদা, তৌগদবশিং অমদি তৌরোইদবশিং অমসুং শোকহল্লবা মফমশিংদা কোবিদ-১৯গী মরমদা ই-পাউ অমসুং চেকশিল থৌরাংশিংগী মতাংদা প্রজা পুম্নমক্তা এৱের্নেস প্রোগ্রামশিং পাঙথোক্লি। দিপ্লোই তৌরিবা তিম পুম্নমক্না সাইক্লোন অসিনা শোকহল্লবা য়াবা মফমশিংদা লৈরিবা মীওইশিং হোন্দোক্নবা লোকেল এদমিনিস্ত্রেসনগী মতেং পাংলি। এন.দি.আর.এফ.না প্রজানা পাখৎতনবা মখোয়গী তিমশিংনা মীয়ামগী মতেং পাংনবা লৈরি অমসুং হান্নগী ফীভমদা হঞ্জিল্লক্ত্রিবা ফাওবা মখোয় মফম অসিদা লৈখিগনি হায়না ৱাখল ৱাদনবা হোৎনরি।

******