প্রধানমন্ত্রীগী লোইশঙ
পি.এম.না কোবিদ-১৯ রেস্পোন্স অমসুং মেনেজমেন্তকী ফীভম অমসুং শেম-শরিবা অসি য়েংশিন্নবা সি.এম.শিংগা লোইননা অৱাংবা থাক্কী মীফমদা ময়াই তাংবল লৌখ্রে
কোবিদ-১৯ বেক্সিন ফংহনবা, য়েন্থোকপা অমসুং হিদাক থাবগী থৌওংগী হিরমশিং খন্নখ্রে
কোবিদকী মায়োক্তা লান্থেংনবদা মীপুম খুদিংমক্কী পুন্সি কনবদা মীৎয়েং চংখিবগুম্না মীপুম খুদিংমক্তা বেক্সিন য়ৌহনবা অসিনা মরু ওইগনি: পি.এম.
সি.এম.শিংনা রাজ্যশিংদা হৌজিক ওইরিবা ফীভমগী মতাংদা অকুপ্পা মারোলগী ফীদবেক পীখি
Posted On:
24 NOV 2020 3:09PM by PIB Imphal
প্রধান মন্ত্রী শ্রী নরেন্দ্র মোদীনা কোবিদ-১৯ রেস্পোন্স অমসুং মেনেজমেন্তকী ফীভম অমসুং শেম-শরিবা অসি য়েংশিন্নবা নবেম্বর ২৪, ২০২০দা ভিদিও কনফরেন্সিংগী থোংদা রাজ্য অমসুং য়ু.তি. পুম্নমক্কী মুখ্য মন্ত্রীশিংগা লোইননা পাঙথোকপা অৱাংবা থাক্কী মীফম অমদা ময়াই তাংবল লৌখ্রে লোইননা রাজ্য নিপান্দা অখন্নবা মীৎয়েং চংখি। রাজ্যশিং অদুদি হরিয়ানা, দিল্লী, ছত্তুসগর, কেরেলা, মহারাস্ত্র, রাজস্থান, গুজরাত অমসুং ৱেস্ত বেঙ্গলনি। মীফম অসিদা কোবিদ-১৯ বেক্সিন ফংহনবা, য়েন্থোকপা অমসুং হিদাক থাবগী থৌওংগী হিরমশিং খন্নখ্রে।
হেল্থ ইনফ্রাস্ত্রকচর ফগৎহনবা
প্রধান মন্ত্রীনা হায়খি লৈবাক অসিনা লাইচৎ অসি পুন্না হোৎন্দুনা মায়োক্নখি অমসুং নাবা ফগৎলকপগী চাং অমসুং শীখিবগী চাং অনিমক্তা ভারতকী ওইরিবা ফীভম অসি অতোপ্পা অয়াম্বা লৈবাকশিংদগী ফরি। মহাক্না তেস্ত তৌবা অমসুং লায়েংবগী নেৎৱার্ক চাউথোরক্লিবগী মতাংদা ফোঙদোকখি অমসুং পি.এম. কিয়র্স ফন্দনা মরু ওইনা ওক্সিজেন ফংহন্নবা হোৎনখি হায়না থমখি। মহাক্না মেদিকেল কোলেজশিং অমসুং দিস্ত্রিক্ত হোস্পিতালশিং অসি ওক্সিজেন পুথোকপদা মীপাল-তাংদনবা হোৎনখি অমসুং অনৌবা ওক্সিজেন প্লান্ত ১৬০গী মথক্তা লিংখৎনবা থবক পাইখৎপা হৌরে হায়না ফোঙদোকখি।
মীয়ামগী রেস্পোন্সকী তাঙ্কক মরি
মীয়াম্না লাইচৎ অসি করম্না থেংনবগে হায়বা অসি খংবা মরু ওই হায়না ফোঙদোক্লদুনা প্রধান মন্ত্রীনা মসি তাঙ্কক মরি থোক্না খাইদোকপা য়াই হায়না হায়খি। অহানবা অসিনা অকিবা, মীয়াম্না পাখৎনখিবা মতম। অনিশুবা তাঙ্কক্তানা ভাইরস অসিগী মতাংদা চিংনবশিং থোরকপা, মীওই কয়ানা মসিনা নারে হায়বা অসি মখোয়না লোৎশিন্নবা হোৎনখিবা মতম। অহুমশুবা তাঙ্কক অসিনা ইশানা য়াজবা, মীয়াম্না ভাইরস অসিগী মতাংদা হেন্না লুনা লৌবা হেল্লকপা অমসুং চেকশিনবা হেল্লকপা মতম। মরিশুবা তাঙ্কক অসিনা নাবা ফগৎলকপগী চাং হেনগৎলকপগা লোইননা মীয়াম্না ভাইরস অসিগী ঙাকথোক্নবগী অরানবা ৱাখল্লোন দিবেলপ তৌবনা মরম ওইরগা লাইথোকপা হেনগৎলকপা। প্রধান মন্ত্রীনা মরিশুবা তাঙ্কক্তা ভাইরস অসিগী লুশিল্লক্লিবা ফীভমগী মতাংদা এৱের্নেস হেনগৎবা মথৌ তাই হায়না ফোঙদোকখি। মহাক্না হায়খি মমাংদা লাইচৎ অসিগী চৈথেং হন্থখ্রবা লৈবাকশিংদা শন্দোকপা হেনগৎলক্লিবা অসিগুম্না রাজ্য খরদসু ওইরক্লিবা অসিনা এদমিনিস্ত্রেসন্না খোংলৈ থুবা অমসুং চেকশিনবা তঙাই ফদ্রে।
মন্ত্রীনা আর.তি.-পি.সি.আর. তেস্তশিং হেনগৎপা, মরু ওইনা হোম আইসোলেসন তৌদুনা লৈরিবা অনাবশিং মোনিতর তৌবা হেনগৎনবা, খুঙ্গং অমসুং কম্ম্যুনিতীগী থাক্তা হেল্থ সেন্তরশিং মতিক চানা লৈহনবা অমসুং ভাইরস অসিদগী ঙাকথোক্নবা এৱের্নেস কেম্পেনশিং মখা চত্থবা মরু ওই হায়না ফোঙদোকখি। মহাক্না হায়খি ঐখোয়গী পান্দমদি শীবগী চাং অসি ১%গী মখাদা থম্বনি।
অপনবা লৈতবা, পথাপ নাইবা অমসুং লেপ্তনা বেক্সিনেসন তৌহন্নবা হোৎনবা
প্রধান মন্ত্রীনা সরকার অসিনা বেক্সিন পুথোক্নবা হোৎনরিবা অসি কুপ্না য়েংশিল্লি অমসুং ভারতকী দিবেলপরশিং অমসুং মেন্যুফেকচররশিং লোইননা মালেমগী রিগুলেতরশিং , অতোপ্পা লৈবাকশিংগী সরকারশিং, মল্তিলেতরেল ইন্সতিত্যুসনশিং অমসুং ইন্তরনেস্নেল কম্পনীশিংগা পাউ ফাওনরি হায়না অমুক হন্না থাজবা পীখি। মহাক্না মখা তারদুনা হায়খি প্রজাশিংগী বেক্সিন অসি মথৌ তাবা সাইন্তিফিক্কী ওইবা ক্রাইতেরিয়া পুম্নমক শুহনগনি। মহাক্না হায়খি কোবিদকী মায়োক্তা লান্থেংনবদা মীপুম খুদিংমক্কী পুন্সি কনবদা মীৎয়েং চংখিবগুম্না মীপুম খুদিংমক্তা বেক্সিন য়ৌহনবা অসিনা মরু ওইগনি। বেক্সিনেসনগী দ্রাইফ অসি অপনবা লৈতনা, পথাপ-নাইনা অমসুং লেপ্তনা চত্থনবা সরকারনা থাক পুম্নমক্তা পুন্না থবক তৌমিন্নরি।
মন্ত্রীনা হায়খি রাজ্যশিংগা লোইননা তান্নদুনা বেক্সিনেসনগী অহানবা খুদোংচাবা পীবগী মতাংদা ৱারেপ লৌখি। রাজ্যশিংগা লোইননা অহেনবা কোল্দ চেন স্তোরেজশিংগী মথৌ তাবশিং অদু খন্নখি। মহাক্না মুখ্য মন্ত্রীশিংদা চাং নাইনা স্তেৎ লেবেল স্তীরিং কম্মিতি অমসুং স্তেৎ এন্দ দিস্ত্রিক্ত লেবেল তাস্ক ফোর্স চাং নাইনা য়েংশিন্দুনা অফবা ফলশিং পুরক্নবা খঙহনখি।
হৌখিবা থৌদোক্না বেক্সিনশিংগী মতাংদা লান্না থাজনবা অমসুং তোকঙা কয়া শন্দোকই হায়না প্রধান মন্ত্রীনা মাংজৌননা চেকশিল ৱা ফোঙদোকখি। বেক্সিনগী সাইদ ইফেক্তশিংগী মতাংদা তোকঙাশিং শন্দোরক্লি। সিবিল সোসাইতী, এন.সি.সি. অমসুং এন.এস.এস.গী মহৈরোয়শিং অমসুং মীদিয়াদগী অঙম্বা মতেং পুম্নমক লৌদুনা এৱের্নেস পাকশিন্না শন্দোকপগী খুত্থাংদা অসিগুম্বা অসি লাকশিনবা মথৌ তাই হায়না মহাক্না ফোঙদোকখি।
মুখ্য মন্ত্রীশিংনা ৱা ঙাংবা
মুখ্য মন্ত্রীশিংনা প্রধান মন্ত্রীনা পুম্নমকপু লুচিংলিবগী মতৌ অসিবু থাগৎপা ফোঙদোকখ্রে অমসুং রাজ্যশিংগী হেল্থ ইনফ্রাস্ত্রকচর ফগৎহন্নবা মথৌ তাবা মতেং পীরিবা অসিগীদমক কেন্দ্র সরকারবু থাগৎপা ফোঙদোকখি। মখোয়না মখোয়গী রাজ্যশিংদা হৌজিক ওইরিবা ফীভম অসিগী অকুপ্পা মরোল য়াওবা ফীদবেক পীখি। মখোয়না কেসশিংগী মশিং হেনগৎলক্লিবা অসিগী মতাংদা পাউদমখি, কোবিদ মতুংদা ওইরক্কদবা খুদোংচাদবা অসিগুম্বা সমস্যাশিং খন্নখি, তেস্ত তৌবা হেনগৎনবা লৌখৎপা পাম্বৈশিং, রাজ্যগী ঙমখৈশিংদা তেস্ত তৌবা অসিগুম্বা খোঙথাংশিং লৌখৎপা, য়ুম অমদগী অমদা চৎতুনা তেস্ত তৌবা, মীয়াম তিনবা হন্থনবা খোঙথাং লৌখৎপা, কার্ফিয়ু থম্বা অমসুং অতোপ্পা মী তিনবা থিংনবা পাম্বৈশিং, চত্থরিবা এৱের্নেস কেম্পেনশিং অমসুং মাস্ক শীজিন্নবা হেনগৎনবা লৌখৎপা খোঙথাংশিংগী মতাংদা খন্নখি। বেক্সিনেসন দ্রাইফকী মতাংদা খন্নখি অমসুং সজেসনশিং পীখি।
কেন্দ্রগী হকশেলগী সেক্রেতরী শ্রী রাজেশ ভুশন্না হৌজিক ওইরিবা কোবিদকী ফীভমগী মতাংদা প্রজেন্তেসন অমা পীখি অমসুং মখোয়না শেম-শারিবা অসিগী অকুপ্পা মরোল অদু পাউদমখি। মহাক্না তার্গেৎ তেস্তিং, ত্রেসিং অমসুং কন্তেক্ত পুম্নমক পুং ৭২গী মনুংদা তেস্ত তৌবা, আর.তি.পি.সি.আর. তেস্তিং হেনগৎহনবা, হেল্থ ইনফ্রাস্ত্রকচর ফগৎহন্নবা হোৎনবা অমসুং রাজ্যশিংগী রিপোর্ত তৌরকখিবা দেতাগী ফাইন-ত্যুনিংগী মতাংদা খন্নখি। নিতি আয়োগকী মেম্বর দা ভি.কে. পোলনা বেক্সিন ফংহনবা, য়েন্থোকপা অমসুং হিদাক থাবগী থৌওংগী মতাংদা প্রসেন্তেসন অমা পীখি।
******
(Release ID: 1675426)
Visitor Counter : 205
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam