প্রধানমন্ত্রীগী লোইশঙ
প্রধান মন্ত্রীগী লুচিং মখাদা ভারতনা ঙসি ১২সুবা ব্রিক্স সমিৎতা শরুক য়াখ্রে
प्रविष्टि तिथि:
17 NOV 2020 6:25PM by PIB Imphal
প্রধান মন্ত্রী শ্রী নরেন্দ্র মোদীগী লুচিং মখাদা, ভারতনা ১২শুবা ব্রিক্স সমিৎতা শরুক য়াখ্রে। রুসকী রাস্ত্রপতি ব্লাদিমীর পুতিন্না ঙসিগী ভর্চুএল ফোর্মেত্তা পাংথোকপা সমিৎ অদুগী ময়াই তাংবল লৌখি। চহি অসিগী সমিৎকী থিমদি “গ্লোবেল স্তেবিলিতী, শিয়র সেক্যুরিতী এন্দ ইনোভেতিব গ্রোথ”নি। সমিৎ অদুদা ব্রাজিলগী রাস্ত্রপতি জের বোলসোনারো, চাইনাগী রাস্ত্রপতি শী জিনপিং অমসুং খা অফ্রীকাগী রাস্ত্রপতি সিরিল রামফোসানা শরুক য়াখি।
প্রধান মন্ত্রীনা কোবিদ-১৯গী লাইচৎ অসিদসু ব্রিক্সপু রুসনা নীংথিনা শেন্নবীবগীদমক্তা রুসকী রাস্ত্রপতি পুতিনবু থাগৎপা ফোংদোকখি। মহাক্না হায়খি মদুদি ব্রিক্সনা তেরোরিজমগী মায়োক্তা লান্থেংনবা অমদি মালেমগী শেন্মিৎলোনগী চাউখৎ-থৌরাংদা মরুওইবা থৌদাং য়ারি। প্রধান মন্ত্রীনা য়ুনাইতেদ নেসন্দা মথৌ তাবা শেমদোকপশিংগী মতাংদা পনখি, মদুদা সেক্যুরিতী কাউন্সলসু য়াওখি। মহাক্না মতমগী মতুং ইন্না থোং মান্ননা থম্নবগীদমক্তা দবল্যু.তি.ও., আই.এম.এফ., দবল্যু.ঐচ.ও. অসিনচিংবদা শেমদোক্নবগী ৱাফম পুখৎখি।
প্রধান মন্ত্রীনা কোবিদ-১৯গী লাইচৎকী মায়োক্তা তেংবাং পীননবা ফোংদোকখি। ভারতনা হৌজিক ফাওবদা লৈবাক ১৫০ হেনবদা মরুওইবা হিদাক-লাংথকশিং পীখ্রে। মহাক্না হায়খি মদুদি ২০২১দা ব্রিক্সকী প্রসিদেন্সী ওইনা মরী লৈনবা লৈবাকশিংগী মরক্তা তেংবাং পীনবদা পুক্নীং চংগনি। মসিগী মনুংদা ত্রোদিস্নেল মেদিসিন অমসুং দিজিতেল হেল্থ, পিপল-তু-পিপলগী মরী অমসুং চৎনবী-নাৎ পীথোক-পীশিন তৌনবা য়াওরি।
সমিৎকী অরোইবদা, ব্রিক্সকী লুচিংবশিংনা ‘মোস্কো দিক্লারেসন’ চৎনহনখি।
***
(रिलीज़ आईडी: 1675407)
आगंतुक पटल : 144
इस विज्ञप्ति को इन भाषाओं में पढ़ें:
Tamil
,
Kannada
,
English
,
Urdu
,
Marathi
,
Bengali
,
Assamese
,
Punjabi
,
Gujarati
,
Odia
,
Telugu
,
Malayalam