য়োর এক্সিলেন্সী রাস্ত্রপতি পুতিন,

য়োর এক্সিলেন্সী রাস্ত্রপতি শী,

য়োর এক্সিলেন্সী রাস্ত্রপতি রামাফোসা,

য়োর এক্সিলেন্সী রাস্ত্রপতি বোল্সোনারো,

অহানবা মক্তদা ব্রিক্সপু মায় পাক্না শেন্নবীবগীদমক্তা রাস্ত্রপতি পুতিন্দা নুংঙাইবা ফোংদোকচরি. অদোমগী লমজিং মখাদা অমসুং ইনিসিএতিবনা মরম ওইদুনা লাইচৎ অসিগী মতম অসিদসু ব্রিক্সনা মসিগী খোংজল অসি কাইহন্দনা থম্বা ঙম্লি। ঐগী ৱারোল মখা তাদ্রিঙৈদা রাস্ত্রপতি রামাফোসাদা মপোক নুমিৎকী য়াইফ-পাউজেল পীজরি।

এক্সিলেন্সীশিং,

চহি অসিগী সমিৎকী থিম – ‘ব্রিক্স পার্তনরশিপ ফোর গ্লোবেল স্তেবিলিতী, শিয়র সেক্যুরিতী এন্দ ইনোভেতিব গ্রাোথ’ অসি মরী য়াম্না লৈনবতা নত্তনা তুং কোইনা য়েংবা মিৎয়েং অমসুনি। মালেম অসিদা মরুওইবা জিও-স্ত্রেতেজিক্কী অহোংবা পুরক্লি, মদুগী শাফু স্তেবিলিতী, সেক্যুরিতী অমসুং গ্রোথতা তাদুনা লৈগনি, অমসুং লম অহুম অসিদা ব্রিক্সনা মরুওইবা থৌদাং লৌগনি।

এক্সিলেন্সীশিং,

চহি অসিদা, অনিশুবা মালেমগী লাঞ্জাওগী ৭৫শুবা চহি অসিদা ঐখোয়না থৱাইনা পোন্থা পীখ্রবা লান্মীশিংগী মফমদা শ্রদ্ধাঞ্জলি কৎলি। ভারত্তগীসু মিলিয়ন ২.৫দগী হেনবা অথৌবশিংনা য়ুরোপ, অফ্রীকা, অমসুং সাউথ ইস্ত এসিয়াগুম্বা লানফম কয়াদা শরুক য়াখি। চহি অসি য়ুনাইতেদ নেসন্স  লিংখৎখিগী ৭৫শুবা কুমওনসুনি। য়ু.এন.গী ফাউন্দর মেম্বর অমা ওইনা ভারতনা মল্তিলেতরেলিজমদা কন্না শৌগৎলি। ভারতকী চৎনবী নাৎতসু মালেম অপুনববু ইমুং অমগুম লৌই, মরম অদুনা ঐখোয়গীদমক্তদি য়ু.এন.গুম্বা ইন্সতিত্যুৎ অসিদা শৌগৎপা অসি মশানা তাবনি। য়ু.এন.গী মাইকৈদা ফোংদোকখিবা ঐখোয়গী কমিৎমেন্ত লেংদনা লৈরি – পীচকীপিং ওপরেসনশিংদা খ্বাইদগী য়াম্না থৌনা ফবা লান্মী ভারতনা মাংজখি। অদুবু ঙসি মল্তিলেতরেল সিস্তেম অসি খুদোংথিবা মওং অমদা ওইরক্লি। গ্লোবেল গোভর্নেন্সগী ইন্সতিত্যুসনশিংগী ক্রেদিবিলিতী অমসুং ইফেক্তিবনেস অনিমক্তা ৱাহং হংলক্লি। মসিগী মরুওইবা মরমদি মসিদা মতমগা লোইননা মতিক চাবা অহোংবা পুরক্তে। মসি হৌজিকসু চহি ৭৫ লিরবা মালেমগী ৱাখল্লোন অমসুং অশেংবা অদুদা য়ুম্ফম ওইরি। ভারতনা লৌই মদুদি য়ু.এন. সেক্যুরিতী কাউন্সিলদা রিফোর্ম য়াম্না মথৌ তারে। মসিগী মতাংদা ঐখোয়না ঐখোয়গী ব্রিক্স পার্তনরগী মতেং পাম্মি। য়ু.এন.দা নত্তনা, অতৈ মালেমগী ওইবা ইন্সতিত্যুৎশিংসু ওইরিবা মতমগী মতুং ইন্না থবক তৌদ্রি। দবল্যু.তি.ও., আই.এম.এফ., দবল্যু.ঐচ.ও.গুম্বা ইন্সতিত্যুৎশিংদসু শেমদোকপা মথৌ তাই।

এক্সিলেন্সীশিং,

তেরোরিজম অসি ঙসি মালেমগী মাংদা খ্বাইদগী চাউবা সমস্যা ওইরি। ঐখোয়না মসি লেপথোক্কদবনি মদুদি তেরোরিস্তশিংবু য়োকখৎপা অমসুং মতেং পাংবা লৈবাকশিংবুসু মরাল শিগদবনি, অমসুং সমস্যা অসিবু অপুনবা মওংদা মায়োক্নগদবনি। ঐখোয়না নুংঙাইবা ফাওই মদুদি রুসকী প্রসিদেন্সীগী মতমদা ব্রিক্স কাউন্তর-তেরোরিজম স্ত্রেতেজীগী অরোইবা শক্তম পীখ্রে। মসি য়াম্না মরুওইবা মায় পাকপা অমনি। অমসুং ভারতনা থবক অসিবু ঐখোয়গী প্রসিদেন্সীগী মতমদা হেন্না মাংদা পুখৎকনি।

এক্সিলেন্সীশিং,

কোবিদকী মতুংগী মালেমগী রিকভরীদা ব্রিক্স ইকোনোমীগী মরুওইবা থৌদাং লৈগনি। ঐখোয়গী ইরক্তা মালেমগী মী মশিং চাদা ৪২ লৈরি অমসুং ঐখোয়গী লৈবাক অসি গ্লোবেল ইকোনোমীগী মকোক থোংবা ইঞ্জিনশিংগী মনুংদা অমনি। ব্রিক্স লৈবাকশিংগী মরক্তা ললোন-ইতিক চাউথোকহন্নবগী স্কোপ য়াম্না লৈ। ঐখোয়গী মুচুএল ইন্সতিত্যুসনশিং অমসুং সিস্তেমশিং – খুদম ওইনা ব্রিক্স ইন্তর-বেঙ্ক কোওপরেসন মেকানিজম, ন্যু দিবেলপমেন্ত বেঙ্ক, কন্তিংজেন্ত রিজর্ব এরেঞ্জমেন্ত অমসুং কোওপরেসন – অসিনচিংবনসু মালেমগী রিকভরীদা ঐখোয়গী থৌদাং অসি মতিক লৈহনবা য়াগনি। ভারত্তা, ঐখোয়না ‘আত্মনির্ভর ভারত’কী খোংজংগী মখাদা পাক চাউরবা রিফোর্ম প্রোসেস অমা হৌদোক্লে। খোংজং অসি হিরম অসিদা য়ুম্ফম ওই মদুদি সেল্ফ-রিলাইন্ত অমসুং রেসিলেন্স ভারত পোস্ত-কোবিদকী শেনমিৎলোনগীদমক্তা ফোর্স মল্তিপ্লায়র ওইবা য়াগনি। ভারতকী ফার্মা ইন্দস্ত্রীগী কেপাসিতীনা মরম ওইদুনা ঐখোয়না লৈবাক ১৫০দগী হেন্না মথৌ তাবা হিদাক থাবা ঙম্লিবনি। ঐনা মমাংদা হায়খিবগুম্না, ঐখোয়গী ভেক্সিনগী পোৎথোক অমসুং দিলিবরীগী কেপাসিতীসু মতৌ অসুম্না মীওইবগী কান্ননবগীদমক্তা ওইগনি। ভারত অমসুং খা অফ্রীকানা কোবিদ-১৯গী ভেক্সিন, লায়েং অমসুং থিজিনবগা মরী লৈনবা ইন্তেলেকচুএল প্রোপর্তী এগ্রীমেন্তশিংদা কোমথোক্নবা ৱাফম পুখৎলি। ঐখোয়না থাজৈ মদুদি ব্রিক্সকী অতৈ লৈবাকশিংসু মসিবু শৌগৎপীরক্কনি।

ঐখোয়না ব্রিক্সকী প্রসিদেন্সী ওইরকপা মতমদা ভারত দিজিতেল হেল্থ অমসুং ত্রেদিস্নেল মেদিসিন্দা ব্রিক্সকী তেংবা হেনগৎহন্নবা থবক তৌগনি। অসিগুম্বা লুরবা চহি অসিদসু রুসকী প্রসিদেন্সীদা পিপল-তু-পিপলগী মরী অসিবু হেনগৎহন্নবা ইনিসিএতিব কয়া লৌখৎখ্রে। খুদম ওইনা ব্রিক্স ফিল্ম ফেস্তিবেল, অমসুং নহা ওইরিবা সাইন্তিস্তশিং অমসুং নহা ওইরিবা দিপ্লোমেৎশিংগী মীফমশিং। মসিগীদমক্তা ঐনা রাস্ত্রপতি পুতিনবু থমোই শেংনা থাগৎপা ফোংদোকচরি।

এক্সিলেন্সীশিং,

২০২১দা ব্রিক্সকী চহি ১৫ মপুং ফারগনি। হৌখিবা চহিশিংদা ঐখোয়গী মরক্তা লৌখিবা ৱারেপশিংগী মমল লেপ্ননবা ঐখোয়গী শেরপানা রিপোর্ত অমা শেম্বা য়াই। ২০২১দা ঐখোয়গী প্রসিদেন্সীগী মতমদা ঐখোয়না ব্রিক্সকী য়ুম্বী অহুমদা ইন্ত্রা-ব্রিক্সকী তেংবাংবু মপাঙ্গল কলহন্নবা হোৎনগনি। ঐখোয় ইন্ত্রা-ব্রিক্স সোলিদরিতীবু হেনগৎহন্নবগীদমক্তা অমসুং পান্দম অসিগীদমক্তা ইন্সতিত্যুস্নেল ফ্রেমৱর্ক দিবেলপ তৌনবগীদমক্তা হোৎনগনি। ঐনা অমুক্কা হন্না রার্স্ত্রপতি পুতিন্না হোৎনবীরিবা পুম্নমক অসিগীদমক থাগৎচবগা লোইননা ঐগী ৱাহৈ মসিদা লোইশিঞ্জরি।

তাইনবা য়াদবা (দিস্কেলমর): মসি প্রধান মন্ত্রীগী মনিপুরীদা হন্দোকপা চাউরাকপা ৱারোলনি। মপুং ওইবা ৱারোল হিন্দীদা পীখি ।

*****