প্রধান মন্ত্রী নরেন্দ্র মোদীনা ঙরাং আত্মনিরভর ভারতকীদমক ‘লমদমসিগীদমক খোঞ্জল থোকপা’ হায়বা ৱাফমবু স্পিরিচুএল লুচিংবশিংনা শন্দোকপীনবা ৱাফম থমখিবা মতুংদা লৈবাকসিগী মশক নাইবা স্পিরিচুএল লুচিংবশিংগী মরক্তগী পাউখুম চাউনা লাক্লি‍। ‘সন্ত সমাজ’না প্রধান মন্ত্রীগী ৱাফমবু পুক্নীং চঙনা পাউখুম পীরকখি‍। স্পিরিচুএল পর্সোনেলিতীশিংনা আত্মনিরভর ভারতকীদমক ‘লমদমসিগীদমক খোঞ্জেল থোকপা’ হায়বা ৱাফমবু শন্দোক্নবা অমদি য়োকখৎনবা চোংথোরকপগা লোয়ননা হীরম অসিদা মখোয়না শৌগৎকনি হায়না ৱাশক্লি‍।

প্রধান মন্ত্রীগী ৱাফম অদু ঙরাং ভিদিও কন্ফরেন্সিংগী খুত্থাঙদা জৈনচার্য়া শ্রী ভিজয় বল্লভ সুরিস্বের জী মহারাজকী ১৫১শুবা মপোক কুমওন থৌরমগা মরী লৈননা ‘ইং চিকপগী মীতম’ মায়খুম হাংদোকপদা ফোঙদোকখিবনি‍। নীংতম ইহৌগী য়ুম্ফম ভক্তি ইহৌনা থোনখিবগুম, ঙসি আত্মনিরভর ভারতকী য়ুম্ফমসু ঐখোয়গী লৈবাকসিগী লাইনীংবশিং, মহাত্মা, মহন্তশিং অমদি অচার্য়াশিংনা থোনগনি, হায়না শ্রী মোদীনা হায়খিবনি‍। মহাক্না স্পিরিচুএল লুচিংবশিংবু মখোয়গী তুং ইনবশিংগা ৱারী ৱাতা শানবা মতমদা অমদি পাউতাক পীবা মতমদা আত্মনিরভর ভারতপু য়োকখৎপিনবা ৱাফম থমখিবনি‍।

শ্রী শ্রী রবি শঙ্করনা প্রধান মন্ত্রীগী ৱাফমবু শৌগৎলদুনা মহাক্কী লূপগী নহাশিংনা এপ অমা শেম্লে হায়না ফোঙদোকখি অমদি নুংতিগী শীজিন্নবা পোৎলমশিংগী মতাঙদা আত্মনিরভর ভারতপু য়োকখৎনবা ৱাফমসু শ্রী শ্রীনা থমখি‍।

বাবা রামদেবনসু আত্মনিরভর ভারতপু পতাঞ্জলি অমদি মহাক্কী তুংইনবশিংনা শৌগৎকনি হায়না ৱাশকখি‍। মহাক্না অতোপ্পো স্পিরিচুএল লুচিংবশিংগা পাউ ফাওনদুনা ‘লমদমসিগীদমক খোঞ্জেল থোকপা’ হায়বা ৱাফমসিগীদমক মখোয়বু ফম্পাক অমত্তদা পুরক্নবা হোৎনগনি হায়না ফোঙদোকখি‍।

সাদগুরু জগ্গি বাসুদেবনা প্রধান মন্ত্রীগী ৱাফমগী পাউখুম ওইনা ত্বীত তৌরকখিবদা “মরোমদোম লেপচবা হায়বা অসি মপাঙ্গল কনবা মরা চেৎপা লৈবাক অমগী চঙদ্রবা য়াদ্রবা মতিং অমনি‍। তোখায়না লেপ্লোইদবনি, লৈবাক্কী মপাঙ্গল কলহন্নবা লেপকদবনি অমদি মালেমদা মশক থোকপা ওইহনগদবনি‍। হায়ববরিবসি মীয়াম্না খোঙফম চেৎনা লেপ্লবা মতমদা ওইথোকপা ঙমগনি‍।”

স্বামী অৱাধেসনন্দনা মকোক থোংবা স্পিরিচুএল লুচিংবশিংগী মহুৎ শিল্লগা পুন্না শৌগৎমিন্নগনি হায়না পাউখুম পীরকপগা লোয়ননা প্রধান মন্ত্রীগী ৱাফমদুবু পুক্নীং থৌগৎনিংঙাই ওই হায়না ফোঙদোকখি‍।

ভগৱত ৱারী লীবা অমদি স্পিরিচুএল পর্সোনেলিতী দেবকি নন্দন থাকুরনা প্রধান মন্ত্রীগী ৱাফম তারগা মহাক্কী তুংইনবশিংনা ‘লমদমসিগীদমক খোঞ্জেল থোকপা’ হায়বসি মখোয়গী পুন্সিগী খোল্লাউ ওইহনখ্রে‍ হায়না হায়খি‍।

আত্মনিরভর ভারতকী ৱাফমবু পুক্নীং চঙনা শৌগৎপা অমদি থাগৎপগী খোঞ্জেলনা স্পিরিচুএল লুচিংবশিংগী পাউজেলদা নিনখি‍। মখোয়না ৱাফমদুবু মখোয় মশাগী থাক্তা খক্তা নত্তনা ‘সন্ত সমাজ’কী পাউখুমগা পুন্না চৎমিন্নদুনা মখোয়বু শৌগৎপশিংদা ‘লমদমসিগীদমক খোঞ্জেল থোকপা’ হায়বা ৱাফমবু তুং ইন্নবা ৱাফম থমখি, অদুগা হীরম অসিদা মখোয়গী ইনফ্রাস্ত্রকচর অমদি মচাক মথুম শীজিন্ননবসু ৱাশক্লি‍। ইহৌ অসিবু খোঙফম লেঙদনা শৌগৎনবা ৱাফমশিং মখাগী পাউজেলশিং অসিদা উবা ফংগনি‍।

******