দিল্লীদা কেস মশিং হেঙ্গৎলকপা অমসুং হোস্পিতালশিংদা মেদিকেল ইনফ্রাস্ত্রকচরগী কেপাসিতী হেঙ্গৎলকপা অসি য়েংলগা দিল্লীদা লৈরিবা কোবিদ-১৯গী ফিভম কেন্দ্রগী গৃহ মন্ত্রী শ্রী অমিত শহাহনা ঙসি য়েংশিনখ্রে৷ দিল্লীগী এল.তি. রাজ্যপাল, কেন্দ্রগী হেল্থ মন্ত্রী;  দিল্লীগী মুখ্য মন্ত্রী;  দিল্লীগী হেল্থ মন্ত্রী;  গৃহ সেক্রেতরী;  হকশেল অমসুং য়াইফ য়ুম্বাল মন্ত্রালয়(এম.ও.ঐচ.এফ.দবল্যু.)গী সেক্রেতরী;  দা. ভি.কে. পোল; এ.আই.আই.এম.এস.কী দাইরেক্তর; আই.সি.এম.আর.গী দাইরেক্তর জেনেরেল;  দি.আর.দি.ও.গী সেক্রেতরী; দাইরেক্তর জেনেরেল, আর্ম ফোর্সেস মেদিকেল সর্ভিস(দি.জি.এ.এফ.এম.এস.) অমসুং অতোপ্পা সেনিয়র ওফিসিয়েলশিংনা মীফম অদুদা শরুক য়াখি৷

মীফম অদু হৌরকপা মতমদা দা.ভি.কে. পোলনা দিল্লীদা শোকচিল্লক্লিবা কোবিদ-১৯গী ফিভম অদুগী মতাংদা পুথোকখ্রে৷ নোংমদা নারিবা কোবিদ-১৯গী কেস মশিং অসিসু কা হেন্না হেঙ্গৎলে হায়না পনখি৷ কেস ফেতেলিতী রেত(সি.এফ.আর.) অসি কন্ত্রোল তৌদুনা থম্লিঙৈ চৈরক অসিদা হেল্থ অমসুং মেদিকেল ইনফ্রাস্ত্রকচরশিং খুদম ওইনা দেদিকেতেদ কোবিদ-১৯ ফমুংশিং, ভেন্তিলেতরশিং অমসুং আই.সি.য়ু.শিং য়াওবা ফমুংশিং অসি ফৎচিল্লক্ত্রে৷ মসিনা মরম ওইরগা সর্ভিলেন্স হেঙ্গৎনবা, কন্তেন্তমেন্ত মিজরশিং চেকশিন্না চৎনবা, তেস্ত তৌবা হেঙ্গৎনবা অমসুং দরকার লৈরিবা মেদিকেল ইনফ্রাস্ত্রকচর য়াম্না থুনা শেমগৎপা তঙাই ফদে৷

মীফম অসিদা কেন্দ্রগী গৃহ মন্ত্রীনা হিরম কয়ামরোম ইসু তৌখ্রে৷ ইহান হানবদা, দিল্লী মনুংদা লৈরিবা লেব কেপাসিতী অসি কা হেন্না শিজিন্নদুনা; সমাজ অসিদা লৈরিবা লাইরবা অমসুং কা হেন্না শোকহনবা য়াবা কাংলুপনা খুন্দারিবা মফমশিংদা মোবাইল তেস্তিং লেবশিং হকশেল অমসুং য়াইফ য়ুম্বাল মন্ত্রালয়(এম.ও.ঐচ. অমসুং এফ.দবল্যু.) অমসুং আই.সি.এম.আর.না দিপ্লোই তৌদুনা; লৈবাক অসিগী অতোপ্পা মফমদা লৈরিবা অতোপ্পা তেস্তিং লেবশিং অদু শিজিন্নদ্রবা মতম অদুদা মতম খরগী ওইনা দিল্লীদা হোংদোরক্নবা; অমসুং দিল্লীগী য়ুমথংনবা রিজনশিংদা লৈরিবা স্পেয়র কেপাসিতী অদু শিজিন্নদুনা দিল্লীদা আর.তি.-পি.সি.আর. তেস্তকী তেস্তিং কেপাসিতী শরুক অনি হেঙ্গৎহনগদবনি হায়না ফোংদোকখি৷ মমাংগী চয়েল খরা অসিদা দিল্লীদা লেপ্পা লৈতনা কা হেন্না হেঙ্গৎলক্লিবা পোজিতিব মশিং অসি হন্থনবা হোৎনবা যাম্না মরু ওই হায়না ফোংদোকখি৷

 হোস্পিতালগী কেপাসিতী অমসুং অতোপ্পা মেদিকেল ইনফ্রাস্ত্রকচর অসিসু হেঙ্গৎহনগদবনি হায়না শ্রী অমিত শহাহনা ফোংদোকখ্রে৷ দৌলা কোনদা লৈরিবা দি.আর.দি.ও.দা হৌজিক লৈরিবা মেদিকেল ফেসিলিতী কোবিদ-১৯ ফমুং পুন্না ১০০০ লৈবা অসিগী মনুংদা আই.সি.য়ু. ফমুং ২৫০রোম লৈরিবা অসিগী মথক্তা আই.সি.য়ু. য়াওবা ফমুং ২৫০-৩০০ হাপচিন্নবা ৱারেপ লৌখ্রে৷ ওক্সিজেন কেপাসিতী য়াওবা ফমুং মশিং অসি হেঙ্গৎনবগী পান্দমদা চত্তরপুরদা লৈরিবা কোবিদ কেয়র ফমুং মশিং ১০,০০০ অসি হেন্না ফনবা শেমগৎলগনি৷ বি.আই.পি.এ.পি. মেছিন মশিং অসি নিংথীজনা লৈহন্নবা অমসুং দিল্লী সরকার অসিদা মথংগী পুং ৪৮ অসিগী মনুংদা নসাল কেলুলস ৱাংনা লৈনবা গৃহ মন্ত্রীনা এম.ও.ঐচ.এফ. অমসুং দবল্যু.দা খঙহনখ্রে৷

দিল্লীদা মেদিকেল স্তাফ ৱাৎলিবা অসি য়েংলগা, সি.এ.পি.এফ.শিংদগী অহেনবা দোক্তরশিং অমসুং পেরামেদিকেল স্তাফশিং ফংহন্নবা মোদী সরকার অসিনা খন্নখ্রে অমসুং মখোয়শিং অদু অথুবা মতমদা দিল্লীদা থুংলগনি৷ দেদিকেতেদ মল্তি-দিপার্তমেন্তেল তীমশিংনা লৈরিবা কোবিদ-১৯ মেদিকেল ইনফ্রাস্ত্রকচর অদু ফিজিকেল্লী চেক তৌনবা দিল্লীদা লৈরিবা প্রাইভেৎ হোস্পিতাল পুম্নমক্তা চৎলগনি হায়না ৱারেপ লৌখ্রে৷ দিল্লীগী মুনিসিপাল কোর্পোরেসন্সকী খন্দোক্লবা হোস্পিতাল খরদি মরু ওইনা মাইল্দ সিম্পোম লৈবা কোবিদ-১৯ লাইয়েং চৎথনবা দেদিকেতেদ হোস্পিতালশিং ওন্থোক্লগনি৷ কোবিদ-১৯ অনাবশিং খুদক্তা লাইয়েংবা য়ান্নবগীদমক প্লাস্মা থেরাপী অমসুং প্লাস্মা এদমিনিস্ত্রেসনগী স্তেন্দর্দ প্রোতোকোল অমা এম.ও.ঐচ.এফ. অমসুং দবল্যু.না ফোংলগনি হায়না ৱারেপ লৌখ্রে৷

সমাজ অসিগী হেন্না শোকহননিংঙাই ওইরবা সেক্সনদা মীৎয়েং থমদুনা মমাংদা চৎনখ্রবা খোংথাং পুম্নমক খুদম ওইনা কন্তেন্তমেন্ত জোনশিং থম্বা, কন্ত্রেক ত্রেসিং অমসুং ক্বারেন্তিন অমসুং স্ক্রিনিং হায়রিবা মিজরশিং অসিগী মরক্তা গেপ লৈতনবা লেপ্পা লৈতনা য়েংশিনগদবনি হায়না গৃহ মন্ত্রীনা ফোংদোকখ্রে৷ হায়রিবা কন্তেনমেন্ত স্ত্রাতিজীশিং অসি চেকশিন্না চৎনগদবনি৷ মরী লৈনবা ওফিসরশিং মরু ওইনা জিলাগী লেভেলদা লৈরিবশিংনা হায়রিবা হিরম অসিদা মশামক য়াওনা য়াম্না চেকশিন্না য়েংশিনগদবনি৷ হোম আইসোলেসন তৌদুনা লৈরিবা কোবিদ-১৯ পেসেন্তশিং অদু লেপ্পা লৈতনা ত্রেক তৌনবা অমসুং মখোয়শিং অদু তঙাই ফদনা মেদিকেল এতেন্সন দরকার ওইরকপা মতমদা রুগুলর হোস্পিতালশিংদা হোংদোকহন্নবা কেন্দ্রগী গৃহ মন্ত্রীনা খঙহনখ্রে৷ দিল্লীগী এন.সি.তি. সরকারগী এ.আই.আই.এম.এস.কী তীমশিং অমসুং দিল্লীগী মুনিসিপাল কোর্পোরেসনশিং(এম.সি.দি.শিং)না দিল্লীগী মফম খুদিং শিনবা থুংনা য়ুম-য়ুমদা চৎতুনা সর্ভে তৌরগনি হায়না ৱারেপখ্রে; মতুং তারকপদা সর্ভে অসিদা ফংবা সিম্তোম উৎপা মীওইশিং তেস্ত তৌরগনি অমসুং দরকার লৈবা লাইয়েং চৎথরগনি৷

কোবিদ-১৯ এপ্রোপ্রিয়েত বিহেবিয়র অসিগী মতাংদা মীয়ামশিং খঙহন্নবা অফবা কম্ম্যুনিকেসন স্ত্রাতিজী লৈগদবনি অমসুং লোঙ্গ তর্ম মেদিকেল অমসুং হেল্থ পেরামিতরশিংদা লাইনা অসিগী নেগেতিব ইমপেক্ত অসিগী মতাংদা মখোয়দা খঙহনগদবনি হায়না গৃহ মন্ত্রীনা ফোংদোকখ্রে৷ কোবিদ-১৯ এপ্রোপ্রিয়েত বিহেবিয়র য়েংশিনবদা চেকশিন্নবা মরু ওইবা খোংথাংশিং মরু ওইনা ফেস মাক্স উপ্নবা দিল্লী সরকারগী ওথোরিতীশিং অমসুং কম্মিশনার ওফ পোলিসনা য়াম্না চেকশিননা য়েংশিন্নবা মহাক্না হায়খ্রে৷

অরোইবদা, গৃহ মন্ত্রীনা দিল্লীদা লৈরিবা কোবিদ-১৯গী ফিভম অসি অথুবা মতমদা হন্থহনবা তঙাই ফদে হায়না ফোংদোকখ্রে অমসুং লাইনা-লাইচৎ অসিনা শোকহল্লিবা মীওইশিং মরু ওইনা লাইরবা অমসুং হেন্না শোকহন্নিংঙাই ওইরবা মীওইশিংদা মতম চানা মেদিকেল লাইয়েং চৎথবদা গেপ লৈতনবা মন্ত্রী অদুনসু খঙহনখ্রে৷ দিল্লীদা লৈরিবা কোবিদ-১৯গী ফিভম অমসুং নেস্নেল কেপিতেল রিজন (এন.সি.আর.)গী তাইনবা মফমশিংদা লৈরিবা কোবিদকী ফিভম অসি লাক্লিবা চয়োলশিং অসিদা লেপ্পা লৌতনা য়েংশিনগদবনি হায়না মহাক্না ফোংদোকখ্রে৷

*****