নৌনা খল্লবা ভারতকী চীফ ইনফোর্মেসন কম্মিশনার শ্রী য়াশবর্ধন কুমার সিনহনা দিভেলপমেন্ত ওফ নোর্থ ইস্তর্ন রিজন(দোনর), এম.ও.এস. পি.এম.ও., পর্সোনেল, পব্লিক গ্রিভেন্স, পেন্সন্স, এতোমিক ইনর্জী অমসুং স্পেস্কী রাজ্যগী কেন্দ্রগী মন্ত্রী দা. জিতেন্দ্র সিংহগা উন্নখ্রে৷

চহী ৬২ শুরবা শ্রী শিনহনা ইনফোর্মেসন কম্মিশনার ওইনা থৌ পুদ্রিঙৈগী মমাংদা যুনাইতেদ কিংদমদা লৈবা ভারতকী হাই কম্মিশনার ওইরম্মী৷ হৌজিক হৌজিক ভারতকী চীফ ইনফোর্মেসন কম্মিশনার ওইনা ফম পাইরিবা মহাক অসি আর্মী স্তাপকী মমাংগী ভাইস চীফ অমসুং জম্মু অমসুং কাশ্মীর অমসুং অসামগী মমাংগী রাজ্যপাল ওইনা ফম পাইরম্বা  লৈখিদ্রবা লিয়্যুতেনেন্ত জেনেরেল এস.কে. সিনহগী মচা নুপা ওইরম্লে৷

মন্ত্রী অসিগা পুংখায় অমরোম শাংবা মীফম অদুদা নৌনা চীফ ইনফোর্মেসন কম্মিশনার ওইনা ফম পাইরিবা অসিনা এপ্লিকেসনশিংগী দিস্পোস তৌবগী চাং অদু কা হেন্না হেঙ্গৎলকপা অসিগী মতাংদা তেনতক্না ফোংদোকখ্রে অমসুং কোবিদ লাইনা-লাইচৎ অসি লৈনা-লৈনা জুন থা অসিগী মনুং অসিদা আর.তি.আই. এপ্লিকেসনশিং থা খুদিংগী দিস্পোস তৌখিবগী চাং অদু মমাং চহী(২০১৯)গী হায়রিবা মতম অসিদা দিস্পোস তৌখিবা চাং অদুদগী হেন্না ৱাংবা হেল্লি হায়না ফোংদোকখি৷ সেন্ত্রেল ইনফোর্মেসন কম্মিসন অসিনা ওনলাইন, ভর্চুয়েল অমসুং ভিদিও কনফরেন্সিংগী অনৌবা তেক্নোলোজী শিজিন্নদুনা কোবিদ লাইনা-লাইচৎ অসিগী মনুং অসিদা মহাক্কী মথৌ অদু লেপ্তনা তৌরকখিবা অসিনা মরম ওইরগা হায়রিবা অসি ওইথোকপনি হায়না মহাক্না ফোংদোকখি৷

চহী অসিগী অঙনবা শরুক্তা সেন্ত্রেল ইনফোর্মেসন কম্মিশনারগী মখাদা জম্মু অমসুং কাশ্মীর য়ুনিয়ন তেরিতোরী অসি লৈখিবদগী জম্মু অমসুং কাশ্মীরদগী আর.তি.আই. এপ্লিকেসনশিং দিস্পোস তৌবগী চাং অদুগী মতাংদা শ্রী সিনহনা দা. জিতেন্দ্র সিংহদা তেনতক্না ফোংদোকখ্রে৷ সরকার অসিদগী লেপ্পা লৈতনা সপোর্ত পীরকখিবা অমসুং দিপার্তমেন্ত ওফ পর্সোনেল অমসুং ত্রেনিং(দি.ও.পি.তি.)না কোর্দিনেসন পীরকখিবা অসিগীদমক মন্ত্রী অসিবু মহাক্না থাগৎখ্রে৷

সোন্ত্রেল ইনফোর্মেসন কম্মিসন মথৌ নিংথীনা তৌবা হেঙ্গৎনবা অমসুং আর.তি.আই. অপীলশিং নিংথীনা দিস্পোস তৌবা হেঙ্গৎনবা প্রধান মন্ত্রী নরেন্দ্র মোদীগী লুচিং মখাদা পাইখৎলক্লিবা অনৌবা ইনিসিয়েতিবশিং অদু দা. জিতেন্দ্র সিংহনা পনখ্রে৷ জম্মু অমসুং কাশ্মীরগী ওইনা  হৌজিক খেন্নবা লৈরিবা অদুদি জম্মু অমসুং কাশ্মীরগী নন-দোমিসাইল নত্রগা নন-স্তেত সবজেক্তশিং অসি য়ু.তি. ইসুশিং নত্রগা এজেন্সীশিং অসিগা মরী লৈনবা আর.তি.আই.শিংদা মমিং থোনবা অসিনা ওই হায়না মহাক্না ফোংদোকখি৷

অয়ুক অমসুং নুমিদাং নাইদনা অমসুং লৈবাক অসিগী অমসুং অতোপ্পা মফম অমহেক্তদগী আর.তি.আই. এপ্লিকেসনশিংগী ই-ফিলিং তৌন্নবগীদমক পুং ২৪গী পোর্তেল সর্ভিস হৌদোকখিবা অদু মোদী সরকার অসিগী মতমদনি হায়না কেন্দ্রগী মন্ত্রী অদুনা ফোংদোকখি৷ সেন্ত্রেল ইনফোর্মেসন কম্মিশনারগী ওফিস অদু মশাগী এক্সক্লুসিব ওফিস কমপ্লেক্সতা হোংদোরকখিবা অদুসু প্রধান মন্ত্রী শ্রী নরেন্দ্র মোদীগী মতমদনি হায়না মহাক্না ফোংদোকখি৷

প্রধান মন্ত্রী মোদীগী ত্রান্সপরেন্সী অমসুং সিতিজনগী মংলান ওইরিবা-সরকার অসি মথৌ তৌবদা শরুক য়ামিন্নবা হায়বা অসি লেংদনা লৈহন্নবা সেন্ত্রেল ইনফোর্মেসন কম্মিসনগী মথৌ অসি য়াম্না মরু ওই হায়না দা. জিতেন্দ্র সিংহনা ফোংদোকখ্রে৷

*****