অহানবা খোঙথাং অমা ওইনা, শেনবা চহি ২০২০-২১দগী হৌরগা মথং চহি ৪ হেন্না খেলো ইন্দিয়া স্কিমগী খুৎথাংদা লনাই মহৈলোয়শঙ ৫০০দা শেন পীনবা থৌরাং অমা স্পোর্তস মিনিস্ত্রিনা হৌদোক্লে।

নমুনা অসিদা, মহৈলোয়শঙ অদুনা তম্বীখিবা শান্নরোয়শিংগী মাইপাকপা, মহৈলোয়শঙ অদুদা লৈরিবা কোচশিংগী থাক, শান্নবুং অমসুং মরী লৈনবা মচাক-মথুমশিংগী মগুন, স্পোর্তস সাইন্সগী খুদোংচাবশিং অমসুং স্তাফশিংদা য়ুম্ফম ওইদুনা লনাই মহৈলোয়শঙশিং তোঙান-তোঙানবা কাংলুপ কয়া থোক্না খায়দোক্কনি। ওলেম্পিক্স ২০২৮দা ফজনা শরুক য়ানবা মশক খঙদোক্লবা মশান্না ১৪ অহানবা তাঙ্কক্কী ওইনা শেন্থং লৌবা য়াগনি।

ৱারেপ অসিগী মতাংদা য়ুথ এফেয়ার্স অমসুং স্পোর্তসকী য়ুনিয়ন মিনিস্তর, শ্রী কিরেন রিজিজুনা হায়খি লৈবাক অসিগী খ্বাইদগী মনুং হুঞ্জিনবা মফমশিং ফাওবদা শান্ন-খোৎনবগী হৈথোই-শিংথোইবা য়োকখৎনবা হায়রিবা মহৈলোয়শঙশিং মতেং পীবা অসি সরকারগী মরুওইবনি। শান্নরোয়শিং মশক খঙদোকপা অমসুং ত্রেনিং পীবদা অফবা থবক কয়া পাংথোক্লিবা অপীকপা মহৈলোয়শঙ কয়া লৈবাক অসিগী তোঙান-তোঙানবা মফমশিংদা লৈরি। মসিগী খোঙথাঙ অসিনা মহৈলোয়শঙশিং পুক্নিং থৌগৎনবা পান্দম থম্লি,মরুওইনা শান্নরোয়শিং খ্বাইদগী ফবা ত্রেনিং মখল ফংনবা লনাই মহৈলোয়শঙশিং অসিগী মচাক-মথুমশিং অমসুং স্পোর্তস সাইন্স মখা তানা ফগৎহনগনি।

ৱারেপ অসিগী মতাংদা, গাগন নরাং স্পোর্তস প্রোমোসন ফাউন্দেসনগী মখাদা গুন ফোর গ্লোরি কৌবা লনাই মহৈলোয়শঙ অমা লিংখৎলিবা ওলেম্পিক্তা সনাগী মেদল ফংখ্রবা গাগন নরাংনা হায়খি মসি লনাই মহৈলোয়শঙশিংগী অচৌবা কান্নবা অমনি মরমদি ৱারেপ অসিনা লনাই মহৈলোয়শঙশিং মালেম থাক্কী মচাক-মথুমশিং শেমগৎপা ঙমহনগনি অমসুং মালেম থাক্কী শান্নরোয়শিং পুথোক্নবা অৱাংবা থাক্কী মচাকশিং ফংহনগনি।

স্কিম অসিগী মখাদা, সাই অমসুং এন.এস.এফশিং পুন্না থবক তৌমিন্নগনি। সাইনা এন.এস.এফশিংগসু ৱারি শানরে অমসুং মহৈলোয়শঙশিং মখল খায়দোকপা অমসুং অনেম-অৱাং থাক শেম্বগী থবক পায়খৎলে। শেন থাদবগী দরকার ওইবা অদু য়েংলগা অমসুং এন.এস.এফ অমমমগী তৌবা ঙম্বশিং য়েংলগা অমসুং ওলেম্পিকশিংদা ফজনা শান্নবা ঙমগদবা মখোয়না তম্বীরিবা মশান্নশিং য়েংলগা শেন্থং পীগদবা মহৈলোয়শঙ মশিং অমসুং শেন্থংগী চাং লেপকনি। হিরম খুদিংমক্তা ত্রেনিংগী থাক ৱাংখৎহন্নবা মহৈলোয়শঙ খুদিংমক্তা স্পোর্তস সাইন্সকী খুদোংচাবশিং শেমগৎনবা অখন্নবা মিৎয়েং অমা চঙগনি।

থৌরাং অসিগীদমক নেসনেল বেতমিন্তন কোচ পুল্লেলা গোপিচান্দনা সরকার অমসুং সাই থাগৎখি। মহাক্না হায়খি মসি লৈবাক অসিগী শান্ন-খোৎনবগীদমক অচৌবা থৌরাং অমনি হায়না ঐনা খল্লি অমসুং মসিনা শান্নরোয়শিং অমসুং শান্নবগী থবকশিং য়াম্না কান্নবা পীরগনি। মসি অচৌবা খোঙথাং অমনি অমসুং অঙকপা থবক অসিগীদমক সরকার অমসুং সাই ঐনা থাগৎপা পাম্মী।

*****