রাস্ত্রপতি শ্রী রামনাথ কোবিন্দনা হায়খ্রে মদুদি মালেমগী লৈবাক খুদিংমক্কী মাংদা ঙসি শিংনবা কয়া মায়োক্নরিবা অসিদা মিৎয়েং থম্লদুনা দিসিজন মেকরশিংনা লৈবাক্কী কান্নবগা লোইননা মালেমগী ওইবা পান্দমশিংনা লুচিংহনগদবনি, অনিমক অদু এদাপ্তিব অমসুং মল্তি-প্রোলোং ওইহনগদবনি। মহাক্না ঙসি (নবেম্বর ১৩, ২০২০) ভিদিও মেসেজগী থোংদা ৬০শুবা এন.দি.সি. কোর্স লোইশিনবগী থৌরমদা ৱা ঙাংখ্রে।

রাস্ত্রপতিনা হায়খি মদুদি লৈবাক খরনা তুং ইল্লিবা এক্সপান্সনিজমগী পোলিসী অসি মালেমগী থাক্তা স্ত্রেতেজী অমসুং মেচ্যুর রিস্পোন্সকী দিমান্দ তৌরি। মসি মসিগী মতাংদনি মদুদি এন.দি.সি.না অসিগুম্বা শিংনবা কয়া মায়োক্নরি অমসুং তুংলমচৎকীদমক্তা মল্তি-দাইমেন্সন ওইবা জিওস্ত্রেতেজিক অমসুং জিওপেলিতিকেলকী ফিভম অদু খঙননবা মসিগী কোর্স পার্তিসিপেসন তুলশিং ফংহল্লি।

রাস্ত্রপতিনা হায়খি মদুদি এন.দি.সি.না শুপ্নগী ঐখোয়গী আর্ম ফোর্সশিং অমসুং সিবিস সর্বিসশিংগী সেনিয়র ওফিসরশিংদা স্কিল অমসুং নোলেজ পীবতা নত্তনা, য়ুমলোন্নবা লৈবাকশিংগী ওফিসরশিংদা মান্নবা কোর্সতা লৌশিং ফংহল্লি, মসিদগী মখোয়বু মশাগী লৈবাক্তা নেস্নেল ওবজেক্তিবশিং অমসুং পান্দমশিংগী মরী লৈনবা পোলিসী দিসিজনশিং লৌবদা মতেং ওইবা ঙমহল্লি। শরুক য়ারিবা পুম্নমক্কীদমক্তা ফংহল্লিবা কোর্স অসিগী পাক-চাউরবা কর্রিকুলম অসি ময়েক শেংনা শোইদ-ঙামদবা মালেমগী অনীংবা অপাম্বগীদমক্তা ত্রেনিং অমসুং লৌশিং ফংহন্নবগীদমক্তা দিজাইন তৌরবনি। অদুবু শোইদ-ঙামদবা মালেম অমগী ৱাখল অসি ঐখোয়না মসিবু মীওইবগী খ্বাইদগী চাউবা

শাপ ওইরিবা তেরোরিজমদগী নান্থোকহনবা ঙম্লবতদা মঙফাওনবা ঙমগনি। মসিগী মীওৎ-মীনৈগা মায়োক্নরিবা তোঙান তোঙানবা লৈবাকশিংগা লোইননা মসি মালেমগী ওইবা হিরম অমা ওইরে। য়ুরোপকী লৈবাকশিংদা হন্দক্তা থোকখিবা মী হাৎপগী থৌদোকশিং অদু নিন্দা তৌনীংঙাইনি মদু ৱাহৈনা শন্দোক্না তাকপা ঙম্লোই।

নুমিৎ খরনিগী মমাংদা এন.দি.সি.দা ‘দ প্রসিদেন্ত চিয়র ওফ এক্সিলেন্সী ওন নেস্নেল সিক্যুরিতী’গী ইন্সতিত্যুৎকী মতাংদা পল্লদুনা রাস্ত্রপতিনা হায়খি মদুদি মসি অফাওবা ইন্সতিত্যুৎ অসিগী দাইমন্দ জুবিলি পাংথোক্নবা অফবা তাঞ্জা অমনি। মগহাক্না থাজবা থমকি মদুদি চিয়র অসি ভারতকী স্ত্রেতেজিক লর্নিংগী এপেক্স ইন্সতিত্যুসনগী ইন্তিলেকচুএল অমসুং একাদেমিক স্তেন্দরগী অপুনবা ওইগনি।

রাস্ত্রপতিগী ৱারোল য়েংবীনবা মসিদা নম্বীয়ুঃ

*****