নৌনা শেম্লিবা জম্মু অমসুং কাশ্মীরগী য়ুনিয়ন তেরিতোরী(য়ু.তি.) অমসুং লাদাখকী য়ু.তি. অসিদা লৈরিবা ত্রেদ অমসুং ইন্দস্ত্রী অসিদা মতেং পাংননবা য়াম্না চাওনা খন্নরবা মতুংদা হায়রিবা য়ু.তি.শিং অসিদগী ইলিজিবল তেক্সপেয়রশিংগীদমক ২০১৯গী সবকা বিশ্বাস(লিগেসী দিস্প্যুত রিজোলুসন)(এস.ভি.এল.দি.আর.) স্কিম(এস.ভি.এল.দি.আর.এস.) অদু শিজিন্ননবগীদমক ২০২০গী দিসেম্বর ৩১ ফাওবা শাংদোক্নবা কেন্দ্র সরকার অসিনা খঙহনখ্রে৷

মসিগী ৱারেপ অসিনা স্কিম অসি শিজিন্নবা হৌরকপা মতমদা অৱাবা খুদোংথীবা কয়া মাইয়োক্নখিবা জম্মু অমসুং কাশ্মীর অমসুং লদাখকী মেজর তেক্স পেয়রশিং অদুদা অচৌবা কান্নবা অমা ওইরগনি৷ মতম শাংদোরকপা অসিনা হায়রিবা তেক্স পেয়রশিং অসিনা মখোয়গী মমাংগী তেক্স দিস্প্যুতশিং অদু লংদাইনবা অনৌবা খুদোংচাবা অমা পীরগনি৷

২০১৯গী এস.ভি.এল.দি.আর.এস. অসি ২০১৯গী সেপ্তেম্বর তাং ১দা লিগেসী তেক্সশিংগা মরী লৈনবশিং খুদম ওইনা সেন্ত্রেল এক্সাইস অমসুং সর্ভিস তেক্সতা লিতিগেসন অমসুং দিস্প্যুতশিং হন্থনবগী পান্দমদা তেক্স পেয়রশিংনা জি.এস.তি.দা মীৎয়েং চংন্নবা পান্দমদা পুথোকখি৷ স্কিম অসিনা দিস্প্যুতেদ তেক্সকী শেনফম ৭০%(তেক্স এমাউন্তগী)দগী ৪০%দা হন্থহন্দুনা তেক্স পেয়রশিংনা শেল থীবদা চাওনা কান্নবা পীখ্রে৷ স্কিম অসি ৩০.০৬.২০২০দা লোইশিনখি৷

কোবিদ-১৯গী শাফু লৈনা-লৈনা, ২০১৯গী এস.ভি.এল.দি.আর.এস. অসিনা অফবা রেস্পোন্স ফংবা ঙমখি অমসুং লুপা কোতি ৮৯,৮২৩গী অপুনবা তেক্স দ্যুশিং য়াওনা অপুনবা দিক্লারেসন ১,৮৯,২২৫ ফংখ্রে৷ স্কিম অসিনা লুপা কোতি ২৭,৮৬৬কী শেনফম খোমগৎতুনা ইন্দাইরেক্ত তেক্সকী পুৱারিদা খ্বাইদগী ফরবা স্কিম ওইখি৷

জম্মু অমসুং কাশ্মীরগী য়ু.তি. অমসুং লদাখকী য়ু.তি.গী তেক্সপেয়রশিংগীদমক স্কিম অসি শিজিন্নবগী মতম শাংদোকপগী ৱারেপ অসিনা স্কিম অসিগী কান্নবা লৌরিবা লৈবাক অসিদা লৈরিবা অতোপ্পা তেক্সপেয়র লিশিং কয়াগা লোইননা লেভেল প্লেইং ফিল্দ অমা মখোয়দা ফংহল্লগনি৷

অকুপ্পা গাইদলাইনশিং অথুবা মতমদা ফোংলগনি৷

*****